பெங்களூரு சிறையில் சசிகலாவுக்கு அளிக்கப்பட்ட சலுகைகளை அம்பலப்படுத்திய சிபிஐ அதிகாரி ரூபா கன்னடப் படம் ஒன்றின் மூலம் பின்னணிப் பாடகியாக அவதாரம் எடுத்து அதிர்ச்சி அளித்துள்ளார்.பராகூர் ராமச்சந்திரப்பா என்பவர் இயக்கும் பேயலதாதா பீமன்னா படத்தின் ’கெம்பனே சூர்யா’என்ற  பாடலுக்கு ரூபா குரல் கொடுத்துள்ளார். 

பெங்களூருவில் பரபரப்பு செய்தியாகிவரும் இதுகுறித்துக் கூறிய ரூபா,’இது மிகவும் நம்பமுடியாத கதை. திரைப்படத்தின் இயக்குனர் பராகூர் ராமச்சந்திரப்பா என் அலுவலகத்தில் என்னைச் சந்திக்க வந்து, படத்திற்காக ஒரு பாடலைப் பாடலாமா என்று கேட்டார். மேலும், நாங்கள் இதற்கு முன்பு சந்தித்ததில்லை அல்லது தொடர்பு கொள்ளவில்லை என்ற உண்மையை கருத்தில் கொண்டு, என்னை எதற்காக தேர்வு செய்தீர்கள் என்று கேட்டபோது நான் சில தொலைக்காட்சி நிகழ்ச்சிகளில் பாடியதைக் கேட்டிருப்பதாகத் தெரிவித்தார். அவர் பாடச் சொன்னது ரொமாண்டிக் பாடலாக இல்லாமல் இருந்ததும் எனக்கு வசதியாக இருந்தது.

நீங்கள் பின்னணி பாடுவது இதுவே முதல் தடவையா? நீங்கள் இசை கற்றுக்கொண்டீர்களா?
இது எனது முதல் நிகழ்வு. இருப்பினும், நான் எப்போதும் இசை மீது ஆர்வமாக இருந்தேன். நான் பள்ளிக்கு இடையேயான இசை போட்டிகளில் கலந்துகொண்டேன். ஆனால், அதைவிட ஒருபோதும் அதைப் பின்தொடரவில்லை. 2010 ஆம் ஆண்டில், நான் யத்கீர் மாவட்டத்தில் போலீஸ் சூப்பிரண்டாக இருந்தபோது, ​​இந்துஸ்தானி கிளாசிக்கல் இசையை கற்றுக்கொள்ள முடிவு செய்தேன். நான் ஒரு வருடம் கற்றுக் கொண்டேன், பரீட்சைக்குத் தோன்றி, டிஸ்டிங்ஷனில்  தேர்ச்சி பெற்றேன். நான் ஒரு பின்னணி பாடகராக ஆசைப்பட்ட ஒரு காலம் இருந்தது. ஆனால் இப்போதோ என் வேலைக்கு அடுத்துதான் எல்லாமே.

முதல்  பாடலைப் பதிவுசெய்த அனுபவம் நீங்கள் எதிர்பார்த்த மாதிரி இருந்ததா?
இது வழக்கமான மற்றும் சாதாரண பாடலில் இருந்து வேறுபட்ட அனுபவமாக இருந்தது. ஆரம்பத்தில், நான் ஒரு ஒற்றை வரிக்கு பல ரீடேக்குகளை கொடுக்க வேண்டியிருந்தது. நாங்கள் மூன்று மணி நேரத்தில் பதிவு முடித்தோம். ஒரு வாரத்திற்கு முன்பே நான் அமர்வுக்குத் தயாராக இருந்தேன். இசை இயக்குனர், சமிதா மல்நாட்எனக்குப் பெரும் உதவியாக இருந்தார்.

உங்களுக்கு பிடித்த பாடகர்கள் யார்?
எஸ்.ஜானகி, வாணி ஜெயராம், ஆஷா போஸ்லே, லதா மங்கேஷ்கர் எனக்கு பிடித்த பாடகர்கள். இந்த லிஸ்டில் சமீபத்தில் என்னுடன் இணைந்துகொண்டவர்   ஸ்ரேயா கோஷல் என்கிறார் ஐபிஎஸ் பாடகி ரூபா.