Asianet News TamilAsianet News Tamil

AntiIndian : திட்டுவதற்கு வாய்ப்பே தரல... ப்ளூ சட்டை மாறனின் படத்தை புகழ்ந்து தள்ளிய பாரதிராஜா

மற்ற திரைப்படங்களை விமர்சித்து வந்த ப்ளூ சட்டை மாறன், தான் அதற்கு தகுதியான நபர் தான் என நிரூபித்துவிட்டதாக இயக்குனர் பாரதிராஜா பாராட்டி உள்ளார்.

BharathiRaja praises blue sattai maaran movie
Author
Tamil Nadu, First Published Dec 5, 2021, 8:45 PM IST
  • Facebook
  • Twitter
  • Whatsapp

சினிமா விமர்சகராக இருந்து, இயக்குநராக மாறியுள்ள மாறன் இயக்கிய படம் எப்படி இருக்கும் என்பதால் ரசிகர்கள், திரையுலகினர் என இருதரப்பினரிடமும் இந்தப்படம் குறித்த எதிர்பார்ப்பு மற்ற படங்களை விட அதிகமாகவே உள்ளது. வரும் டிசம்பர் 10-ந் தேதி இந்தப்படம் வெளியாக உள்ளது.

இந்த நிலையில் இப்படத்தின் சிறப்புக் காட்சித் திரையிடலில் இயக்குநர்கள் பாரதிராஜா, பாக்யராஜ், சேரன் மற்றும் நாம் தமிழர் கட்சியின் தலைமை ஒருங்கிணைப்பாளர் சீமான் ஆகியோர் பார்த்து ரசித்தனர். 

BharathiRaja praises blue sattai maaran movie

இந்த படத்தைப் பார்த்துவிட்டு பாரதிராஜா பேசும்போது, “எடுக்கின்ற திரைப்படங்களை எல்லாம் இந்த ப்ளூ சட்டை மாறன் இப்படி நையாண்டி செய்து விமர்சனம் பண்ணி வருகிறானே. இவன் ஒரு படம் எடுக்கட்டும் பார்க்கலாம் என நினைத்தேன், படத்தையும் எடுத்து விட்டான். நம்பிக்கை இல்லாமல் தான் இந்தப் படத்தை பார்த்தேன்.. 

ஏதாவது ஒரு இடத்திலாவது அவனுக்குப் பதிலடி தருவதற்கு இடம் கிடைக்குமா என எதிர்பார்த்தேன். ஆனால் அதற்கான வாய்ப்பை எனக்கு இந்தப் படம் தரவே இல்லை. இத்தனை நாட்கள் மற்ற திரைப்படங்களை விமர்சித்து வந்த ப்ளூ சட்டை மாறன், தான் அதற்கு தகுதியான நபர் தான் என நிரூபித்துவிட்டான்” என்று கூறினார்

Follow Us:
Download App:
  • android
  • ios