இயக்குனர் வெற்றிமாறன் இயக்கத்தில் தனுஷ் நடித்து வரும் 'அசுரன்' படத்தின், ரிலீஸ் தேதி தற்போது அறிவிக்கப்பட்டுள்ளது. இந்த செய்தி தனுஷ் ரசிகர்களை மகிழ்ச்சியடைய வைத்துள்ளது.

வெக்கை என்கிற நாவலை தழுவி எடுக்கப்பட்டு வரும் 'அசுரன்' படத்தின் படப்பிடிப்பு, விறுவிறுப்பாக நடைபெற்று வந்த நிலையில், தற்போது இப்படத்தின் இறுதி கட்ட காட்சிகள் எடுக்கப்பட்டு வருகிறது. இந்த படத்தில் பிரபல மலையாள நடிகை 'மஞ்சு வாரியார்' தனுஷுக்கு ஜோடியாக நடித்துள்ளார். தனுஷ் ராஜ தேவன் மற்றும் காலி என இரண்டு வேடங்களில் நடித்து வருகிறார்.

மேலும் கருணாஸின் மகன் கென், பாலாஜி சக்திவேல், பசுபதி, ஆடுகளம் நரேன், யோகிபாபு உள்ளிட்ட பலர் முக்கிய கதாப்பாத்திரத்தில் நடித்து வருகிறார்கள். ஜி.வி.பிரகாஷ் தன்னுடைய இசையால் இந்த படத்திற்கு வலு சேர்த்திருக்கிறார்.

இந்நிலையில் 'அசுரன்' படத்தின் ரிலீஸ் தேதியை தற்போது நடிகர் தனுஷ் ட்விட்டர் பக்கத்தில் அறிவித்துள்ளார். இதுகுறித்து அவர் கூறுகையில்... "அக்டோபர் 4ஆம் தேதி வெளியாகும் என அறிவித்துள்ளார். தொடர்ந்து, ஆயுத பூஜை மற்றும் விஜய தசமி என நான்கு நாட்கள் விடுமுறை வருவதால், பிளான் போட்டு தேதியை உறுதி செய்துள்ளார் தனுஷ். எது எப்படி இருந்தாலும் 'அசுரன்' ரிலீஸ் தனுஷ் ரசிகர்களை மகிழ்ச்சியடைய செய்துள்ளது.