மிரட்ட வரும் அல்லு அர்ஜுனின் புஷ்பா 2.. ஆறு நிமிட காட்சிக்காக 60 கோடி செலவு செய்த படக்குழு - சுவாரசிய தகவல்!
Pushpa 2 : பிரபல நடிகர் அல்லு அர்ஜுன் நடிப்பில் ஏற்கனவே மெகா ஹிட்டான புஷ்பா படத்தின் இரண்டாம் பாகம் வருகின்ற ஆகஸ்ட் மாதம் 15ம் தேதி வெளியாகவுள்ளது.
புஷ்பா 2 : தி ரூல், ரசிகர்களின் விசில் சத்தத்திற்கு மத்தியில் கடந்த செவ்வாயன்று அப்படத்தின் டீசர் வெளியானது. அன்று முதல் அது youtube தளத்தில் டிரெண்டிங்கில் உள்ளது. முன்னணி நட்சத்திரங்களான அல்லு அர்ஜுன் மற்றும் ராஷ்மிகா மந்தனா இந்த படத்தின் படப்பிடிப்பில் பிஸியாக இருக்கும்போது, இந்த படத்தில் வரும் ஒரு ஆறு நிமிட காட்சியை படமாக்க தயாரிப்பாளர்கள் சுமார் 60 கோடி செலவழித்ததாகக் கூறப்பட்டது.
குறிப்பிட்ட அந்த காட்சியின் படப்பிடிப்பை முடிக்க படக்குழு கிட்டத்தட்ட 30 நாட்கள் எடுத்ததாக அறிக்கை மேலும் கூறியது.வெளியான அறிக்கையின்படி, அந்த காட்சியில் கங்கம்மா ஜாதரா நிகழ்ச்சியும், அப்போது நடக்கும் ஒரு சண்டைக் காட்சியும் அடங்கும் என்று கூறப்படுகிறது. இந்த ஆண்டின் மிகவும் எதிர்பார்க்கப்பட்ட படமான புஷ்பா 2: தி ரூலின் முதல் பார்வை அல்லு அர்ஜுனின் 42 வது பிறந்தநாளை முன்னிட்டு செவ்வாய்க்கிழமை வெளியிடப்பட்டது.
தெலுங்கானாவில் உள்ள பழங்குடியின தெய்வங்களை கௌரவிக்கும் திருவிழாவான ஜாதரா காட்சியை சில நொடிகள் கொண்ட அந்த டீஸர் பெரிய அளவில் வைரலானது. பின்னணி இசை மற்றும் காட்சியின் பிரம்மாண்டம் தவிர, அல்லு அர்ஜுனின் "Swag" தான் அதை இன்னும் அதிகமாக சிறப்பாக்கியது. இறுதியில் அவரின் அந்த உடல் மொழியிலும் விசில் சத்தத்தை பெற்றது.
புஷ்பா 2 : தி ரூல் ஆகஸ்ட் 15, 2024 அன்று உலகம் முழுவதும் திரையரங்குகளில் வெளியிடப்பட உள்ளது. சுகுமார் இயக்கத்தில், பிரபல மைத்ரி மூவி மேக்கர்ஸ் தயாரிப்பில் அல்லு அர்ஜுன், ரஷ்மிகா மந்தனா மற்றும் ஃபஹத் பாசில் ஆகியோர் முக்கிய வேடங்களில் இந்த படத்தில் நடித்துள்ளனர் என்பது குறிப்பிடத்தக்கது.
சேனலை கிளிக் செய்து பின்தொடரவும்
