அனல் பறக்கும் வசனங்கள்.. மரண மாஸ் ஆக்ஷன் காட்சிகள்.. துவம்சம் செய்ய வருகின்றார் கேப்டன் மில்லர் - ட்ரைலர் இதோ!
Captain Miller Trailer : கடந்த 2021 ஆம் ஆண்டு நடிகர் வசந்த் ரவி நடிப்பில் வெளியான "ராக்கி" என்கின்ற திரைப்படத்தின் மூலம் திரையுலகில் இயக்குனராக களம் இறங்கியவர் தான் அருண் மாதேஸ்வரன். அவருடைய இயக்கத்தில் இப்போது உருவாகியுள்ள மூன்றாவது திரைப்படம் தான் "கேப்டன் மில்லர்".
Followபிரபல நடிகர் தனுஷ், கன்னட திரை உலகின் சூப்பர் ஸ்டார் சிவராஜ்குமார், மூத்த தமிழ் திரையுலக நடிகர் நாசர், சந்தீப் கிஷன், பிரியங்கா அருள் மோகன் உள்ளிட்ட பல முன்னணி நடிகர்கள் மற்றும் நடிகைகள் நடித்து வருகின்ற ஜனவரி 12ஆம் தேதி உலக அளவில் வெளியாகவுள்ள திரைப்படம் தான் கேப்டன் மில்லர். முற்றிலும் மாறுபட்ட ஒரு கதைக்களத்தை கொண்ட திரைப்படமாக இது அமைக்கப்பட்டுள்ளது.
குறிப்பாக இலங்கை ராணுவத்தை சேர்ந்த ஒரு ராணுவ வீரரின் கதையை மையமாகக் கொண்டு இந்த திரைப்படம் உருவாக்கப்பட்டுள்ளதாக கூறப்படுகிறது. தமிழகத்தின் பல்வேறு பகுதிகளில் இந்த படத்திற்கான படபிடிப்பு பணிகள் துரிதமாக நடந்து முடிந்தது. இந்நிலையில் சென்ற 2023ம் ஆண்டு இறுதியில் இந்த படம் வெளியாகும் என்று எதிர்பார்க்கப்பட்ட நிலையில் 2024 பொங்கல் ரிலீஸ் திரைப்படமாக வருகின்ற ஜனவரி 12ஆம் தேதி இந்த திரைப்படம் வெளியாக இருக்கிறது.
இந்த சூழலில் இன்று ஜனவரி 6ஆம் தேதி கேப்டன் மில்லர் திரைப்படத்தின் டிரைலர் வெளியாகி உள்ளது. துவக்கம் முதல் முடிவு வரை வெறித்தனமான ஆக்சன் காட்சிகளுடன், கத்தி போன்ற கூர்மையான வசனங்களுடனும் ட்ரெய்லர் அமைக்கப்பட்டுள்ளது தனுஷின் ரசிகர்கள் மத்தியில் பெரும் வரவேற்பு பெற்றுள்ளது.
குறிப்பாக கேப்டன் மில்லராக வரும் நடிகர் தனுஷ் பேசும் வசனங்கள், அனல் பறக்கும் விதத்தில் உருவாக்கப்பட்டுள்ளது. பிரிட்டிஷ் கால ஆட்சியில் இந்தியர்கள் பட்ட அவதிகளை எடுத்துக்கூறும் வண்ணம் இந்த திரைப்படம் அமைக்கப்பட்டுள்ளது.
சேனலை கிளிக் செய்து பின்தொடரவும்
