Asianet News Tamil

பாஜகவில் இணைகிறாரா நடிகர் அர்ஜுன்?... மாநில தலைவர் எல்.முருகன் உடன் திடீர் சந்திப்பு...!

இந்நிலையில் பிரபல நடிகர் ஒருவரும் பாஜகவில் இணைய உள்ளதாக தகவல்கள் வெளியாகின. தற்போது அவர் தமிழக பாஜக தலைவர் எல்.முருகனை சந்தித்திருப்பது கூடுதல் சந்தேகத்தை கிளப்பியுள்ளது. 
 

Action king arjun may be joint BJP Soon
Author
Chennai, First Published Mar 9, 2021, 11:58 AM IST
  • Facebook
  • Twitter
  • Whatsapp

கடந்த சில மாதங்களாகவே நாடு முழுவதும் உள்ள திரைப்பிரபலங்கள் பலரும் பாஜகவில் தங்களை இணைத்துக்கொள்கின்றனர். பிரதமர் மோடியின் திட்டம் மற்றும் செயல்பாடுகளால் கவரப்பட்டு பாஜகவில் இணைவதாக தெரிவித்துள்ளனர். தமிழகத்தில் நடிகை குஷ்புவைத் தொடர்ந்து பல நடிகர்கள் பாஜகவில் இணைந்து வருகின்றனர். சமீபத்தில் நடிகர் திலகம் சிவாஜி கணேசனின் மூத்த மகனும், பிரபல தயாரிப்பாளருமான ராம்குமார் பாஜகவில் இணைந்தார். 

அதனைத் தொடர்ந்து நடன இயக்குநர் கலா கட்சியில் இணைந்தார். இந்நிலையில் பிரபல நடிகர் ஒருவரும் பாஜகவில் இணைய உள்ளதாக தகவல்கள் வெளியாகின. தற்போது அவர் தமிழக பாஜக தலைவர் எல்.முருகனை சந்தித்திருப்பது கூடுதல் சந்தேகத்தை கிளப்பியுள்ளது. 

தமிழ், தெலுங்கு, கன்னட படத்தில் பிரபல நடிகராக வலம் வருபவர் அர்ஜுன். சென்னை கெரும்பாக்கத்தில் பிரம்மாண்ட அனுமார் கோயில் ஒன்றை கட்டி வருகிறார். கடந்த டிசம்பர் மாதம் பாஜக மாநில தலைவர் எல்.முருகன் சென்னையில் நடிகர் அர்ஜுனை சந்தித்தார். கோவில் கட்டும் பணிகளை பார்வையிட்ட எல்.முருகன், அர்ஜுன் பாஜகவில் இணைய வேண்டுமென கோரிக்கை விடுத்ததாக தகவல்கள் வெளியாகின. 

இதற்கான பேச்சுவார்த்தைகள் நடந்து வருவதாகவும், விரைவில் தேசிய கட்சி தலைவர் ஒருவர் முன்னிலையில் அர்ஜுன் கட்சியில் இணைய உள்ளார் என்றும் தகவல்கள் வெளியாகின. இன்று மரியாதை நிமித்தமாக நடிகர் அர்ஜுன்  மத்திய உள்துறை அமைச்சர் கிஷன் ரெட்டி மற்றும் தமிழக பாஜக எல்.முருகனை சந்தித்துள்ளார். எனவே சட்டமன்ற தேர்தலுக்கு முன்பாக அர்ஜுன் பாஜகவில் இணைவார் என்ற எதிர்பார்ப்பு உருவாகியுள்ளது. 

Follow Us:
Download App:
  • android
  • ios