மாணவிகளுக்கு இலவச ஸ்கூட்டி வழங்கும் அரசு! இணையத்தில் தீயாய் பரவும் தகவல்

கல்லூரி மாணவிகளுக்கு மத்திய அரசு இலவச ஸ்கூட்டர் வழங்குகிறது என்ற செய்தி சமூக ஊடகங்களில் வைரலாக பரவி வருகிறது. இதன் உண்மைத்தன்மை என்ன?

சமூக ஊடகங்களில் தினமும் ஏராளமான தவறான தகவல்கள் பரப்பப்படுகின்றன. இதனால், சமூக ஊடகங்களில் காணும் பல செய்திகளின் உண்மைத்தன்மை குறித்து சந்தேகம் எழுகிறது. அப்படி ஒரு வைரல் செய்தியின் உண்மைத்தன்மையை இங்கே ஆராய்வோம்.

பரப்பப்படும் செய்தி

'பிரதம மந்திரி இலவச ஸ்கூட்டி திட்டம்' என்ற பெயரில், மத்திய அரசு அனைத்து கல்லூரி மாணவிகளுக்கும் இலவசமாக ஸ்கூட்டர் வழங்குகிறது என்ற செய்தி சமூக ஊடகங்களில் பரவி வருகிறது. பிரதமர் நரேந்திர மோடியின் புகைப்படத்துடன் இந்த செய்தி பகிரப்படுகிறது.

உண்மை

கல்லூரி மாணவிகளுக்கு மத்திய அரசு இலவசமாக ஸ்கூட்டர் வழங்குகிறது என்ற செய்தி முற்றிலும் பொய். மத்திய அரசு இதுபோன்ற எந்த திட்டத்தையும் அறிவிக்கவில்லை என்று பிஐபி (பத்திரிகைத் தகவல் மையம்) உறுதிப்படுத்தியுள்ளது. மத்திய அரசு தொடர்பான உண்மையான தகவல்களை அறிய பிஐபியின் அதிகாரப்பூர்வ ட்விட்டர் பக்கத்தையோ அல்லது தொடர்புடைய அமைச்சகங்களின் இணையதளத்தையோ பார்க்கவும் பிஐபி அறிவுறுத்தியுள்ளது.

Scroll to load tweet…

முந்தைய பொய் செய்தி

மாணவிகளுக்கு இலவச ஸ்கூட்டர் வழங்குவது தொடர்பான மற்றொரு பொய் செய்தி கடந்த ஆண்டு பரவியது. பள்ளி/கல்லூரி மாணவிகளுக்கு மத்திய அரசு இலவசமாக ஸ்கூட்டர் வழங்குகிறது என்று ஒரு யூடியூப் வீடியோவில் கூறப்பட்டது. இதுபோன்ற எந்த திட்டமும் இல்லை என்று அப்போது பிஐபி தெளிவுபடுத்தியது.