Walking for Weight Loss : எடை குறைய! வாக்கிங்ல இந்த ஒரு மாற்றம் பண்ணா 'வேற லெவல்' நன்மைகள்!!

எடையை குறைய வாக்கிங் போகும்போது செய்ய வேண்டிய மாற்றம் குறித்து இந்தப் பதிவில் காணலாம்.

How to Lose Weight by Walking

நடைபயிற்சி அனைத்து வயதினரும் செய்யக் கூடிய எளிய பயிற்சியாகும். எந்த உபகரணமும் இல்லாமல் யார் வேண்டுமானாலும் செய்யலாம். எடை இழப்புக்கு செய்பவர்கள் சில விஷயங்களை கவனத்தில் கொள்ள வேண்டும். இந்த ஒரு மாற்றம் எடை இழப்பில் மிகப்பெரிய மாற்றத்தை கொண்டு வரலாம்.

எடை குறைய நடைபயிற்சி சிறந்த பயிற்சியாக இருக்கும். இது ரன்னிங், ஹிட் போன்ற அதிக தீவிர இடைவெளி பயிற்சிகளைப் (HIIT) போல பசியை அதிகரிக்காது. அதிதீவிர பயிற்சிகள் உடலுக்கு அதிக ஆற்றலை கோரும். இதனால் அதிகப்படியான பசி ஏற்படும். நடைபயிற்சி அப்படியானதல்ல. குறைந்த ஆற்றலை பயன்படுத்துவதால் உடலை சரிசெய்ய அதிக உணவு உண்ணத் தேவையில்லை. இது எடை குறைய நல்ல பயிற்சியாக இருக்கும்.

என்ன மாற்றம்?

நீங்கள் நடைபயிற்சி செய்யும்போது உங்களுடைய இதயத் துடிப்பு அதிகமாக இருக்க வேண்டும். இது சிறந்த கார்டியோ பயிற்சியாகும். நடைபயிற்சியை அடுத்த கட்டத்திற்கு கொண்டு சென்று எடையை குறைக்க சிறந்த வழி இதயத் துடிப்பை அதிகரிப்பதுதான். அதிக இதயத் துடிப்பு ஏற்படுவது உடல் கடினமாக உழைப்பதன் அறிகுறியாகும். இதனால் அதிக நன்மைகள் கிடைக்கும். நீரேற்றமாக இருப்பதும் எடை குறைப்புக்கு முக்கிய பங்கு வகிக்கிறது.

நீரிழப்பு

எடை குறைவதை தடுப்பது நீரிழப்புதான். நீரிழப்பு நடை வேகத்தைக் குறைக்கும். தசைகள் சோர்வடைவதால் நடக்க முடியாமல் போகலாம். அதனால் சரியான அளவில் தண்ணீர் குடிக்க வேண்டும். வாக்கிங் செல்லும் முன், பின் நன்றாக தண்ணீர் குடியுங்கள். உடலை நீரேற்றமாக வைத்திருங்கள்.

வாக்கிங் ட்ரிக்

நீங்கள் 30 நிமிடங்கள் நடைபயிற்சி செய்பவராக இருந்தால் 5 நிமிடங்கள் விறுவிறுப்பாக நடக்க வேண்டும். பின் 5 நிமிடங்கள் மெதுவாக நடக்க வேண்டும். இப்படி மாறி மாறி வேகமாகவும், மிதமாகவும் நடக்க வேண்டும். இதனால் இதயத் துடிப்பு அதிகமாகும். நடக்கும்போது ஒட்டுமொத்த உடலும் வேகமாக இயங்குவதால் நல்ல பயிற்சியாக இருக்கும்