தென்னிந்திய திரையுலகில் குழந்தை நட்சத்திரமாக அறிமுகமாகி, பாலிவுட் திரையுலகில் லேடி சூப்பர் ஸ்டாராக உயர்ந்தவர் மறைந்த நடிகை ஸ்ரீதேவி. இவரை தெடர்ந்து, இவரின் இரண்டு மகள்களுமே தற்போது சினிமாவில் பிசியாக நடித்து வருகிறார்கள். குறிப்பாக ஸ்ரீதேவி - போனி கபூரின் மூத்த மகளான ஜான்வி பாலிவுட் திரையுலகை கலக்கி வரும் இளம் நடிகைகளில் ஒருவராக உள்ளார்.
அம்மாவின் ஆசியோடும் , தந்தை கொடுத்த தைரியத்தாலும்... தொடர்ந்து பாலிவுட் திரையுலகில், குஞ்சன் சக்சேனா, மிலி, குட் லக் ஜெர்ரி போன்ற கதாநாயகிகளுக்கு முக்கியத்தும் கொடுக்கும் படங்களையும், முன்னணி நடிகர்களுக்கு ஜோடியாகவும் நடித்து வருகிறார்.
இந்த படம் குறித்த அறிவிப்பு, இன்று ஜான்வி பிறந்தநாளை முன்னிட்டு வெளியானது. இதுதவிர இரண்டு ஹிந்தி படங்களிலும் நடித்துள்ளார். திரையுலகில் அறிமுகமான 7 வருடத்தில் ஒரு படத்திற்கு 3 கோடி வரை சம்பளம் வாங்கும் நடிகையாக உயர்ந்துள்ள, ஜான்வி கபூரின் சொத்து மதிப்பு குறித்த தகவல் வெளியாகியுள்ளது.
அதன்படி இதுவரை ஜான்வி சுயமாக சம்பாதித்து, மும்பையில் ஒரு பிளாட் மற்றும் வீடு ஒன்றை வாங்கியுள்ளார். அதே போல் 3 கார்கள் வைத்துள்ளார் என கூறப்படுகிறது. மேலும் இவரின் சொத்து மதிப்பு சுமார் 58 கோடி முதல் 65 கோடி வரை இருக்கும் என தெரியவந்துள்ளது.