ஜிவி பிரகாஷின் பேச்சிலர் படம் மூலம் ஹீரோயினாக அறிமுகமானவர் திவ்ய பாரதி. கோவையை சேர்ந்தவரான இவர் முதல் படத்திலேயே தன்னுடைய இயல்பான நடிப்பால் ரசிகர்களின் கவனத்தை ஈர்த்தார். பேச்சிலர் படத்தின் வெற்றிக்கு பின்னர் அவருக்கு பட வாய்ப்புகளும் குவிந்த வண்ணம் உள்ளன.
இதையடுத்து பிக்பாஸ் பிரபலம் முகென் ராவுக்கு ஜோடியாக மதில்மேல் காதல் என்கிற ரொமாண்டிக் திரைப்படத்தில் நடித்தார் திவ்ய பாரதி. வெப்பம் படத்தின் இயக்குனர் அஞ்சனா இயக்கியுள்ள இப்படம் ஷூட்டிங் முடிந்து ரிலீசுக்கு தயாராக உள்ளது. இதுதவிர மேலும் ஒரு படத்திலும் நடித்து முடித்துள்ளார் திவ்ய பாரதி.
அடுத்ததாக நடிகை திவ்ய பாரதி கைவசம் கிங்ஸ்டன் திரைப்படம் உள்ளது. இப்படத்தில் நடிகர் ஜிவி பிரகாஷுக்கு ஜோடியாக நடித்துள்ளார் திவ்ய பாரதி. இப்படத்தில் ஹீரோவாக நடித்துள்ளது மட்டுமின்றி படத்தை தயாரித்தும் வருகிறார் ஜிவி பிரகாஷ். இதன் படப்பிடிப்பு விறுவிறுப்பாக நடைபெற்று வருகிறது.
சினிமாவில் பிசியாக இருந்தாலும் இன்ஸ்டாகிராமில் தன்னுடைய கவர்ச்சி புகைப்படங்களை அவ்வப்போது பதிவிட்டு லைக்குகளையும் அள்ளி வருகிறார் திவ்ய பாரதி. அந்த வகையில் தற்போது சேலையில் அவர் நடத்தி இருக்கும் கவர்ச்சி போட்டோஷூட் செம்ம வைரலாகி வருகிறது.