Kamalhaasan
குழந்தை நட்சத்திரமாக இருந்து, முன்னணி நடிகராக உயர்ந்தவர் கமல்ஹாசன். இவரின் ஒவ்வொரு வளர்ச்சியிலும் இவருக்கு மிகவும் உறுதுணையாக இருந்தவர் தான் இவரின் தாய் மாமனான சீனிவாசன்.
சிறு வயதில் இருந்தே கமல்ஹாசனை வளர்த்த அவரது தாய்மாமன் சீனி வாசன்... அவரை கடந்த சில வருடங்களாக கொடைக்கானலில் தன்னுடைய பிள்ளைகளுடன் வசித்து வந்தார். கடந்த சில வருடங்களாகவே வயது மூப்பு காரணமாக வரும் பிரச்சனைகளை எதிர்கொண்டு வந்த இவர்... நேற்று முன்தினம், தன்னுடைய 92- ஆவது வயதில் உயிரிழந்தார்.
கமல்ஹாசனின் தாய்மாமன் சீனிவாசன் அவர்களின் உடல், கொடைக்கானலில் இருந்து சென்னைக்கு கொண்டுவரவப்பட்ட நிலையில், நேற்று காலை அவரின் உடல் பெசன்ட் நகர் மின் மயானத்திற்கு எடுத்து செல்லப்பட்டு தகனம் செய்யப்பட்டது. அவரின் இறுதி சடங்கின் போது உலக நாயகன் குழந்தை போல் உடைந்து அழுத நிலையில்... அவர்க்கு ஸ்ருதி ஹாசன் ஆறுதல் கூறியுள்ளார். இதுகுறித்த வீடியோக்கள் வெளியாகி வைரலாக பார்க்கப்பட்டு வருகிறது. கமல்ஹாசனின் குடும்பத்திற்கு ரசிகர்களும் தங்களின் ஆறுதலை தெரிவித்து வருகிறார்கள் என்பது குறிப்பிடத்தக்கது.