டாடா பட ஹீரோயின் அபர்ணா தாஸுக்கும் நடிகர் தீபம் பரம்போலுக்கும் ஏப்ரல் 24-ஆம் தேதி திருமணம் நடந்த நிலையில், தற்போது இவர்களின் திருமண வரவேற்பு புகைப்படங்கள் வைரலாக பார்க்கப்பட்டு வருகிறது.
மலையாள திரையுலகில் வளர்ந்து வரும் இளம் நடிகர் - நடிகையான அபர்ணா தாஸுக்கும், தீபக் பரம்போலும்... கடந்த 5 வருடங்களாக காதலித்து வந்த நிலையில், ஏப்ரல் 24-ஆம் தேதி இவர்களின் திருமணம் மிகவும் எளிமையான கேரள முறைப்படி நடந்து முடிந்தது.
இதை தொடர்ந்து, இவர்களின் திருமண வரவேற்பு நிகழ்ச்சி மிகவும் பிரமாண்டமாக நடந்துள்ள நிலையில்... இது குறித்த போட்டோஸ் சமூக வலைத்தளத்தில் வைரலாக பார்க்கப்பட்டு வருவதோடு ரசிகர்கள் இந்த இளம் ஜோடிகளுக்கு தங்களின் வாழ்த்துக்களையும் தெரிவித்து வருகிறார்கள்.
நடிகை அபர்ணா தாஸ், ஒரு மலையாள நடிகையாக இருந்தாலும்.. தமிழ் ரசிகர்களுக்கு மிகவும் பரிச்சியமானவர். காரணம் இவர் ஏற்கனவே தளபதி விஜய், இயக்குனர் நெல்சன் திலீப் குமார் இயக்கத்தில் நடித்த, 'பீஸ்ட்' படத்தில் முக்கிய கதாபாத்திரத்தில் நடித்திருந்தார்.
இதை தொடர்ந்து நடிகர் கவின் ஹீரோவாக நடித்த டாடா படத்தில், அவருக்கு ஜோடியாக நடித்திருந்தார். மிகவும் உணர்வு பூர்வமான நடிப்பை வெளிப்படுத்து பல ரசிகர்களின் மனதை கொள்ளை கொண்டார்.
இவரை போலவே இவரின் கணவர் நடிகர் தீபக் பரம்போலும் தமிழக ரசிகர்களுக்கு மிகவும் பரிச்சியமானவர் தான். அதாவது சமீபத்தில் தமிழ்நாட்டில் சக்கைப்போடு போட்ட மஞ்சும்மல் பாய்ஸ் என்கிற மலையாள படத்தில் இவரும் நடித்திருந்தார்.
அபர்ணா தாஸ் - தீபக் இருவரும் மனோகரம் என்கிற திரைப்படத்தில் இணைந்து நடித்தபோது, இருவருக்கும் இடையே காதல் மலர்ந்துள்ளது. 2019 -ஆம் ஆண்டு இப்படம் வெளியானது.
இந்த படம் வெளியானதில் இருந்தே இருவரும் தங்களின் காதலை கடந்த 5 வருடமாக ரகசியமாக வளர்ந்து வந்த நிலையில்... அண்மையில், இவர்களின் திருமணம் பெற்றோர் சம்மதத்துடன் நடந்து முடிந்தது.
திருணம் எளிமையான முறையில் நடந்திருந்தாலும்... திருமண நிச்சயதார்த்தம் மிகவும் கிராண்டாக நடந்துள்ளது. இதில் இவர்கள் இருவரின் திரையுலக நண்பர்கள் மற்றும் பிரபலங்கள் கலந்து கொண்டு வாழ்த்தியுள்ளனர். இதுகுறித்த போட்டோஸ் தற்போது வைரலாக பார்க்கப்பட்டு வருவதோடு... வாழ்த்துக்களையும் குவித்து வருகிறது.