சூப்பர் ஸ்டார் ரஜினிகாந்தின் மகளான ஐஸ்வர்யா, தன்னுடைய 42 வயதிலும் 22 வயது பெண் போல் இருப்பதற்கு அவர் கடை பிடித்து வரும் 9 பழக்க வழக்கம் தான் காரணம் என இன்ஸ்டா போஸ்ட் மூலம் தெரிவித்துள்ளார்.
சூப்பர் ஸ்டார் ரஜினிகாந்தின் மகளாக அறியப்படும் ஐஸ்வர்யா ரஜினிகாந்த் பிரபல நடிகர் தனுஷை காதலித்து திருமணம் செய்து கொண்டனர். 2004 ஆம் ஆண்டு, மிக பிரமாண்டமாக இவர்களின் திருமணம் நடந்த நிலையில், திருமணத்திற்கு பின்னர் 18 ஆண்டுகள் இருவரும் ஒன்றாக சேர்ந்து வாழ்ந்தனர்.
இந்நிலையில் கடந்த 2022-ஆம் ஆண்டு திடீர் என தனுஷ் மற்றும் ஐஸ்வர்யா இருவரும் விவாகரத்து பெற்று பிரிய உள்ளதாக அறிவித்தார். இவர்கள் இருவரும் பிரிவதில் குடும்பத்தினருக்கு உடன்பாடு இல்லாததால், கடந்த இரண்டு வருடங்களாக மீண்டும் இவர்கள் இருவரையும் சேர்ந்து வைக்கும் முயற்சி மேற்கொள்ளப்பட்டது.
பிரபல தயாரிப்பாளர் மற்றும் அரசியல்வாதி ஆர்.எம் வீரப்பனுக்கு, ரஜினிகாந்த் மற்றும் பாரதி ராஜா அஞ்சலி!
பலமுறை, சில பத்திரிகையாளர்கள் மற்றும் பிரபலங்கள் இந்த தகவலை உறுதி செய்த போதிலும்... தனுஷிடம் இருந்து விவாகரத்து பெற்று பிரிவதில் , ஐஸ்வர்யா ரஜினிகாந்த் உறுதியாக இருந்ததால், நேற்றைய தினம் விவாகரத்து கேட்டு நீதி மன்றத்தில் முறைப்படி மனு தாக்கல் செய்தார். விரைவில் இந்த விவாகரத்து மனு விசாரணைக்கு வரம் என எதிர்பார்க்கப்படுகிறது.
இது ஒருபுறம் இருக்க, 42 வயதிலும்... தன்னுடைய இளமை மற்றும் ஆரோக்கியத்திற்கான 9 அடிப்படை பழக்கங்கள் குறித்து ஐஸ்வர்யா தன்னுடைய சமூக வலைதள பக்கத்தில் பகிர்ந்துள்ளார்.
அதில் காலையில் எழுந்ததும் 1 செஷன் உடற்பயிற்சி செய்ய வேண்டும், இரண்டாவது தூங்குவதற்கு 2 மணி நேரத்திற்கு முன் செல் போன் பயன்படுத்த கூடாது, 3 முறை ஆரோக்கியமான உணவு எடுத்துக்கொள்ள வேண்டும், மூளையை ஒரு நாளைக்கு 4 முறையாவது ரிலாக்ஸாக வைத்து கொள்ளவேண்டும், தினமும் 4 விதமான காய்கறிகள் மற்றும் பழங்களை உட்கொள்ள வேண்டும், கண்டிப்பாக 6 நிமிட தியானம் செய்ய வேண்டும், ஒரு நாளைக்கு 7 கிளாஸ் தண்ணீர் குடிக்க வேண்டும், 8 மணிநேரம் தூங்க வேண்டும், ஒரு நாளைக்கு குறைதான் 1000 நடைகள் நடக்க வேண்டும் என தெரிவித்துள்ளார்.
கண்டிப்பாக இதை அனைவரும் கடைபிடிக்க வேண்டும் என்கிற வேண்டுகோளுடன் ஐஸ்வர்யா பகிர்ந்துள்ள, இந்த பதிவை தொடர்ந்து, ரசிகர்கள் பலர் உங்களின் இளமைக்கு இது தான் காரணமா என கேள்வி எழுப்பி வருகிறார்கள்.