நடிகர் சிம்பு சைலண்டாக திரைப்படங்களில் நடித்து வரும் நிலையில், தற்போது இவர் காதலித்து வருகிறாரா? என்கிற சந்தேகத்தை ஏற்படுத்தியுள்ளது சிம்புவின் லேட்டஸ்ட் புகைப்படம்.
தமிழ் திரையுலகில்... இயக்குனர், தயாரிப்பாளர், எழுத்தாளர், நடிகர், இசையமைப்பாளர் என... பன்முக திறமையாளராக அறியப்படும் டி.ராஜேந்தரின் மூத்த மகன் தான் சிம்பு. தன்னுடைய தந்தை இயக்கிய பல படங்களில் குழந்தை நட்சத்திரமாக நடித்து, தனக்கென மிகப்பெரிய ரசிகர்கள் கூட்டத்தை உருவாக்கினார்.
இதைத்தொடர்ந்து, கடந்த 2002-ம் ஆண்டு வெளியான 'காதல் அழிவதில்லை' படத்தின் மூலம் ஹீரோவாக அவதாரம் எடுத்தார். பின்னர் இவர் நடிப்பில் வெளியான தம், அலை, குத்து, கோவில், மன்மதன், தொட்டி ஜெயா, சரவணா, வல்லவன் என வரிசையாக படங்கள் சூப்பர் டூப்பர் ஹிட் அடித்தது. மேலும் பல இளம் ரசிகைகளின் கனவு கண்ணனாவும் வலம் வந்தார் சிம்பு.
சிம்பு எந்த அளவுக்கு பிரபலமோ அதே அளவு சர்ச்சைக்கும் பஞ்சம் இல்லாதவர். ஹீரோவாக அறிமுகமாகும் போதே... உச்ச நடிகரின் மகளை காதலித்து வந்தார். பின்னர் அந்த காதல் பிரேக்கப்பில் முடிய, வல்லவன் படத்தில் நடித்த போது... நயன்தாராவை காதல் வலையில் வீழ்த்தி, பின்னர் சில அந்தரங்க புகைப்படங்கள் கூட சமூக வலைத்தளத்தில் லீக் ஆகி பரபரப்பை ஏற்படுத்தியது. ஒரு கட்டத்தில் இந்த காதலும் பாதியிலேயே முறிந்தது.
இதை தொடர்ந்து வாலு படத்தில் நடிக்கும் போது ஹன்சிகாவுடன் சிம்புவுக்கு காதல் ஏற்பட.. அதுவும் சில மாதங்களிலேயே முடிவுக்கு வந்தது. அடுத்தடுத்த காதல் தோல்வி மற்றும் பல்வேறு சர்ச்சைகளால், சில வருடம் சினிமாவில் ஆர்வம் காட்டாமல் இருந்த சிம்பு... உடல் எடையை குறைத்து, நடித்த மாநாடு திரைப்படம் மீண்டும் சிம்புவின் கேரியரை தூக்கி நிறுத்தியது. இதை தொடர்ந்து கெளதம் மேனன் இயக்கத்தில் நடித்த வெந்து தணிந்தது காடு படமும் நல்ல வரவேற்பை பெற்றது.
கடைசியாக சிம்பு நடித்த பத்து தல படத்தில் மீண்டும் உடல் எடையை ஏற்றி நடித்திருந்த நிலையில், தற்போது ஏற்றிய எடையை குறைக்கும் முயற்சியில் ஈடுபட்டுள்ளார். சிம்புவின் 48-ஆவது படத்தை இயக்குனர் தேசிங்கு பெரியசாமி இயக்க, ராஜ் கமல் பிலிம்ஸ் தயாரிக்கிறது.
இந்நிலையில் நடிகர் சிம்பு காதலிக்கிறாரா? என்கிற சந்தேகத்தை எழுப்பியுள்ளது, சிம்பு இளம்பெண் ஒருவருடன் அமர்ந்திருக்கும் புகைப்படம் . இந்த லேட்டஸ்ட் புகைப்படம் வெளிநாட்டில் எடுக்கப்பட்டுள்ளது. எப்போது சிம்பு திருமணம் செய்து கொள்வார் என தொடர்ந்து கேள்வி எழுப்பி வரும் ரசிகர்களுக்கு அடுத்த வருடத்திலாவது திருமணம் குறித்த குட் நியூஸ் சொல்லுவாரா சிம்பு என்பதை பொறுத்திருந்து பார்ப்போம்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D