Smart TV GST வரி குறைப்பால் இந்தியாவில் ஸ்மார்ட் டிவி விலை குறைந்தது. தாம்சன் மற்றும் சோனி போன்ற பிராண்டுகள் விலையை எவ்வாறு குறைத்துள்ளன என்பதை தெரிந்துகொள்ளுங்கள்.
இந்தியாவில் ஸ்மார்ட் டிவி வாங்க காத்திருந்தவர்களுக்கு ஒரு சூப்பர் செய்தி! மத்திய அரசின் புதிய ஜிஎஸ்டி (GST) வரி குறைப்பு முடிவால், பிரபல பிராண்டுகளின் ஸ்மார்ட் டிவிகளின் விலை அதிரடியாகக் குறைந்துள்ளது. இனி, ரூ. 5,799 முதல் ஸ்மார்ட் டிவிகளை வாங்கலாம். தாம்சன், சோனி போன்ற முன்னணி நிறுவனங்கள் இந்த விலை குறைப்பை உடனடியாக அமல்படுத்தியுள்ளன.
Smart TV தாம்சன் டிவியில் மிகப் பெரிய விலை குறைப்பு
நுகர்வோர் பொருட்களின் முன்னணி பிராண்டான தாம்சன் (Thomson), தனது ஸ்மார்ட் டிவி விலைகளை கணிசமாகக் குறைத்துள்ளது. 24 இன்ச் ஸ்மார்ட் டிவியின் விலை, முன்பு ரூ. 6,499 ஆக இருந்தது, இப்போது வெறும் ரூ. 5,799 ஆகக் குறைந்துள்ளது. மற்ற மாடல்களின் புதிய விலை விவரங்கள் இதோ:
• 32 இன்ச் ஸ்மார்ட் டிவி: ரூ. 7,999 (ரூ. 1,000 குறைவு)
Related Articles
• 40 இன்ச் ஸ்மார்ட் டிவி: ரூ. 11,999 (ரூ. 2,000 குறைவு)
• 43 இன்ச் ஸ்மார்ட் டிவி: ரூ. 13,499 (ரூ. 2,500 குறைவு)
• 50 இன்ச் ஸ்மார்ட் டிவி: ரூ. 20,999 (ரூ. 4,000 குறைவு)
• 65 இன்ச் ஸ்மார்ட் டிவி: ரூ. 38,999 (ரூ. 7,000 குறைவு)
சோனி நிறுவனமும் விலையை குறைத்தது
பிரீமியம் டிவி பிராண்டான சோனி (Sony), தனது ஸ்மார்ட் டிவி மாடல்களின் விலையை 5 முதல் 10 சதவீதம் வரை குறைத்துள்ளது. உதாரணமாக, முன்பு ரூ. 35,000 ஆக இருந்த சோனி ஸ்மார்ட் டிவி, இப்போது ரூ. 31,500 ஆகக் குறைந்துள்ளது. இந்த விலை குறைப்பு, நடுத்தர வருவாய் பிரிவினருக்கு பிரீமியம் டிவி வாங்கும் வாய்ப்பை ஏற்படுத்தியுள்ளது.
நுகர்வோருக்கு என்ன பயன்?
புதிய ஜிஎஸ்டி குறைப்பு நேரடியாக நுகர்வோருக்குப் பெரும் பயனை அளித்துள்ளது. பண்டிகை கால விற்பனையை முன்னிட்டு, ஃபிளிப்கார்ட் மற்றும் அமேசான் போன்ற ஆன்லைன் தளங்களில் இந்த விலை குறைப்பு அமலுக்கு வந்துள்ளது. இதன் மூலம் வாடிக்கையாளர்கள் தங்களுக்கு பிடித்த பிராண்ட் டிவிகளை குறைந்த விலையில் வாங்க முடியும். இது, ஸ்மார்ட் டிவி சந்தையில் மிகப்பெரிய மாற்றத்தை ஏற்படுத்தும் என எதிர்பார்க்கப்படுகிறது.