உங்க ஊரில் காற்றின் தரம் எப்படி இருக்குன்னு ஈஸியா தெரிஞ்சுக்கலாம்.. கூகுளின் புதிய அம்சம் அறிமுகம்..
காற்று மாசுபாட்டில் இருந்து தப்பிக்க மக்களுக்கு உதவ, கூகுள் நிறுவனம் புதிய வசதியை அறிமுகம் செய்துள்ளது.
 )
Followநாட்டின் பல பகுதிகளிலும் காற்று மாசுபாடு மிகப்பெரிய பிரச்சனையாக உருவெடுத்துள்ளது. டெல்லி, மும்பை, பெங்களூரு காற்று மாசுபாடு அதிகரித்து வருகிறது. குறிப்பாக தலைநகர் டெல்லியில் டெல்லி என்சிஆர் பகுதியில் ஏற்கனவே காற்று மாசு அதிகரித்து, சுவாசிக்க சிரமமாக உள்ளது. காற்று மாசுப்பாட்டை குறைக்க பல்வேறு நடவடிக்கைகளை அரசு எடுத்தாலும், அதற்கு எந்த பலனும் கிடைக்கவில்லை. எனவே வெளியே செல்வதற்கு முன் காற்றின் தரத்தை சரிபார்ப்பது முக்கியம், எனவே உங்கள் வெளிப்புற நடவடிக்கைகளை அதற்கேற்ப திட்டமிடலாம்.
இந்த நிலையில் காற்று மாசுபாட்டில் இருந்து தப்பிக்க மக்களுக்கு உதவ, கூகுள் நிறுவனம் புதிய வசதியை அறிமுகம் செய்துள்ளது. அதன்படி பயனர்களுக்கு காற்றின் தரத்தை கண்காணிக்க உதவ திட்டமிட்டுள்ளதாக கூறப்படுகிறது, இது காற்று மாசுபாடு அதிகம் உள்ள பகுதிகளில் வாழும் மக்களுக்கு உதவும் என்று நம்பப்படுகிறது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
டிஸ்கவர் டேபில் கூகுள் தளம், AQI எனப்படும் காற்று தர மதிப்பீடு குறித்த கார்டை வெளியிடுகிறது. முகப்புத் திரையின் இடதுபுறத்தில் அமைந்துள்ள Google பயன்பாட்டில் பயனர்கள் இந்தப் புதிய டேபை பார்க்க முடியும். இருப்பினும், இந்த அம்சம் டேப்லெட்டுகளில் இன்னும் வழங்கப்படவில்லை.
இருப்பினும், மொபைல் சாதனங்களில், டிஸ்கவர் டேபில் காற்று தர மதிப்பீடு குறித்து ஒரு மினி கார்டை கூகுள் நிறுவனம் சேர்க்க உள்ளது. மேலும் இது உள்ளூர் பகுதிக்கான நிகழ்நேர காற்றின் தர அப்டேட்களை காண்பிக்கும்
கூகுள் தற்போது டிஸ்கவர் டேப்பில் மூன்று மினி கார்டுகளைக் கொண்டுள்ளது: விளையாட்டு, வானிலை மற்றும் நிதி. ஸ்போர்ட்ஸ் கார்டு நீங்கள் பின்தொடரும் அணிகளுக்கான நேரடி அப்டேட்களை காட்டி வருகிறது. அதே போல் வானிலை கார்டு, தற்போதைய வானிலை தொடர்பான அப்டேட்களை வழங்கும்., மேலும் ஃபைனான்ஸ் கார்டு நீங்கள் பின்பற்றும் தொழில்களின் பங்கு விலைகள் மற்றும் சந்தைப் போக்குகளைக் கண்காணிக்கும்.
வாட்ஸ்அப்பில் இனி இதையெல்லாம் செய்ய முடியும்.. மெட்டா வெளியிட்ட அப்டேட்..!!
இந்த சூழலில் கூகுள் நான்காவதாக காற்று தரம் (AQI). மினி கார்டை டிஸ்கவர் டேப்பில் சேர்க்கிறது: இதன் மூலம் பயனர்கள் தங்கள் பகுதியில் உள்ள காற்றின் தரத்தை விரைவாகவும் எளிதாகவும் சரிபார்க்க அனுமதிக்கிறது. அம்சத்தைப் பயன்படுத்த, பயனர்கள் AQI மினி கார்டை கிளிக் செய்தால் போதும். இது டிஸ்கவர் தாவலில் காட்டப்படும் காற்றின் தரத் தரவுக்கான தேடலைத் தொடங்குகிறது.
மேலும் இது பயனர்கள் தங்கள் பகுதியில் உள்ள காற்றின் தரம் குறித்து தொடர்ந்து அறிய உதவுகிறது. வெளியில் செல்வதற்கு முன் காற்றின் தரத்தை சரிபார்க்க இது ஒரு வசதியான வழியாகும், குறிப்பாக காற்று மாசுபாட்டிற்கு உணர்திறன் உள்ளவர்கள் அல்லது சுவாசப் பிரச்சனைகளால் போராடுபவர்களுக்கு மிகவும் உதவியாக இருக்கும்.
மறுபுறம், AQI மினி கார்டின் அம்சம் iOS பதிப்பு Android பதிப்பை விட முழுமையானதாக இருக்கும் என்று தகவல்கள் தெரிவிக்கின்றன. அதாவது ஆப்பிள் போன்களில் அடுத்த சில மணி நேரங்களுக்கு காற்றின் தரம் எப்படி இருக்கும் என்ற கணிப்பும் இருக்குமாம். மேலும் காற்றின் தரத்திற்கு ஏற்ப நிறம் மாறும் அம்சமும் இதில் இருக்கும் என்று கூறப்படுகிறது.
சேனலை கிளிக் செய்து பின்தொடரவும்
