நாம் தமிழர் கட்சிக்கு இந்தியத் தேர்தல் ஆணையம் மாநிலக் கட்சி அங்கீகாரம் வழங்கி, ஏர் கலப்பை விவசாயி சின்னத்தை ஒதுக்கியுள்ளது. சமீபத்திய மக்களவைத் தேர்தலில் 8.22% வாக்குகளைப் பெற்றதன் காரணமாக இந்த அங்கீகாரம் வழங்கப்பட்டுள்ளது. முன்னதாக கரும்பு விவசாயி சின்னம் கோரிய நிலையில், தற்போது ஏர் கலப்பையுடன் கூடிய விவசாயி சின்னம் ஒதுக்கப்பட்டுள்ளது.
இந்தியத் தலைமைத் தேர்தல் ஆணையம் நாம் தமிழர் கட்சியை மாநிலக் கட்சியாக அங்கீகரித்து, ஏர் கலப்பை விவசாயி சின்னத்தை ஒதுக்கியுள்ளது.
இரட்டை மெழுகுவர்த்தி சின்னம்:
கடந்த 14 ஆண்டுகளாக அங்கீகாரம் பெறாத கட்சியாக இருந்த நாம் தமிழர் கட்சி, சமீபத்தில் நடைபெற்ற மக்களவைத் தேர்தலில் 8.22% வாக்குகளைப் பெற்றது. இதன் விளைவாக, இந்தியத் தேர்தல் ஆணையம் நாம் தமிழர் கட்சியை மாநிலக் கட்சியாக அங்கீகரித்து அதிகாரப்பூர்வமாக அறிவித்தது. முன்னதாக, 2016 சட்டமன்றத் தேர்தலில் நாம் தமிழர் கட்சி இரட்டை மெழுகுவர்த்தி சின்னத்தில் போட்டியிட்டது.
கரும்பு விவசாயி சின்னம்:
அப்போது, கட்சி இரட்டை மெழுகுவர்த்தி சின்னத்தைக் கோரியிருந்த நிலையில், அதற்குப் பதிலாக கரும்பு விவசாயி சின்னம் ஒதுக்கப்பட்டது. பின்னர், மாநிலக் கட்சி அங்கீகாரம் பெற்றும், நாம் தமிழர் கட்சி கேட்ட கரும்பு விவசாயி அல்லது புலி சின்னம் கிடைக்கவில்லை. சின்னம் கேட்டு காலதாமதமாக விண்ணப்பித்ததால், அந்த சின்னங்கள் ஏற்கனவே பிற கட்சிகளுக்கு ஒதுக்கப்பட்டிருந்ததாக தேர்தல் ஆணையம் தெரிவித்திருந்தது.
Related Articles
ஏர் கலப்பை விவசாயி சின்னம்:
இந்நிலையில், தற்போது நாம் தமிழர் கட்சிக்கு ஏர் கலப்பையுடன் கூடிய விவசாயி சின்னத்தை தேர்தல் ஆணையம் வழங்கியுள்ளது. இதற்கான அதிகாரப்பூர்வ கடிதத்தையும் தேர்தல் ஆணையம் வெளியிட்டுள்ளது. இந்த அறிவிப்பை நாம் தமிழர் கட்சி தனது அதிகாரப்பூர்வ சமூக ஊடகப் பக்கத்தில் வெளியிட்டுள்ளது.
மைக் சின்னம்:
முன்னதாக, கரும்பு விவசாயி சின்னம் கிடைக்காத சமயங்களில் நாம் தமிழர் கட்சி ஒலிவாங்கி (மைக்) சின்னத்தில் போட்டியிட்டது குறிப்பிடத்தக்கது. தற்போது, முன்பு ஒதுக்கப்பட்டிருந்த கரும்பு விவசாயி சின்னத்திற்கு பதிலாக, ஏர் கலப்பையுடன் கூடிய விவசாயி சின்னம் ஒதுக்கப்பட்டுள்ளது.
