சந்திரயான் 3 வெற்றியில் கோவைக்கு கூடுதல் பெருமை.. ஸ்பெஷலான தருணம்.. ஏன் தெரியுமா?

கோவையை சேர்ந்த சக்ரதாரா விண்வெளி மற்றும் கார்கோ பிரைவேட் லிமிடெட் என்ற நிறுவனம் தான் சந்திரயான் திட்டத்திற்கான முக்கிய உதிரி பாகங்களை வழங்கி உள்ளது.

Chandrayaan 3 success : Coimbatore based cacpl company had supplied key components to chandrayaan 3 mission

Ramya s

First Published Aug 24, 2023, 10:55 AM IST

சந்திரயான் 3 வெற்றிகரமாக நிலவில் தரையிறங்கியதை ஒட்டுமொத்த நாடே பெருமை கொள்ளும் நிலையில், தமிழ்நாட்டிற்கு குறிப்பாக கோவை மாவட்டம் இன்னும் அதிகமாக பெருமைப்பட காரணம் உள்ளது. ஆம். சந்திரயான் 3 திட்டத்திற்கு தேவையான முக்கிய உதிரி பாகங்கள் இருந்து சென்றுள்ளது. கோவையை சேர்ந்த சக்ரதாரா விண்வெளி மற்றும் கார்கோ பிரைவேட் லிமிடெட் என்ற நிறுவனம் தான் சந்திரயான் திட்டத்திற்கான முக்கிய உதிரி பாகங்களை வழங்கி உள்ளது.

தமிழக தொழில்துறை அமைச்சர் டி.ஆர்.பி ராஜா இதுகுறித்து தனது ட்விட்டர் பக்கத்தில் பதிவிட்டுள்ளார். அவரின் பதிவில் “சந்திரயான் 3ன் நிலவில் தரையிறங்கியது தமிழ்நாட்டிற்கு இன்னும் பெருமையான தருணம், ஏனெனில் இந்த மிஷனின் ஏவுகணை வாகனத்தின் பல முக்கிய கூறுகள் சக்ரதாரா ஏரோஸ்பேஸ் அண்ட் கார்கோ பிரைவேட் லிமிடெட் - நன்கு அறியப்பட்ட லக்ஷ்மி மெஷின் ஒர்க்ஸ் (LMW) குழும நிறுவனத்தால் தயாரிக்கப்பட்டது. இங்கு கோயம்புத்தூரில், தமிழ்நாட்டில் உள்ளது.” என்று பதிவிட்டுள்ளார்.

மேலும் “ தமிழ்நாட்டின் வளர்ந்து வரும் விண்வெளி மற்றும் பாதுகாப்புத் துறை ஏற்கனவே இந்தியாவின் மிகவும் மதிப்புமிக்க விண்வெளி திட்டங்களில் ஒன்றிற்கு குறிப்பிடத்தக்க பங்களிப்பை வழங்கியுள்ளது என்பது நமது நம்பிக்கை மற்றும் லட்சியங்களுக்கு பெரும் ஊக்கத்தை அளிக்கிறது.” என்றும் குறிப்பிட்டுள்ளார்.

சக்ரதாராவின் அதிநவீன எதிர்வினைக் கட்டுப்பாட்டு அமைப்பு (RCS) தொழில்நுட்பமானது முக்கியமான ஆரம்ப கட்டத்தில் ஏவுகணையின் துல்லியமான நோக்குநிலை மற்றும் நிலைத்தன்மையை பராமரிப்பதில் முக்கிய பங்கு வகித்தது. அந்நிறுவனத்தின் என்ஜின் தொகுதிகள், முறுக்கு மோட்டார்கள் மற்றும் அழுத்த மின்மாற்றிகள் சந்திரயான் திட்டத்திற்கு வழங்கப்பட முக்கிய உபகரணங்கள் ஆகும்.

CACPL ஆனது 10 ஆண்டுகளுக்கும் மேலாக இஸ்ரோவிற்கு உதிரிபாகங்களை வழங்கி வருகிறது. இந்தியாவின் நிலவு பயணத்தின் துல்லியத்தில் அதன் அதிநவீன தொழில்நுட்பம் மற்றும் குழு முக்கிய பங்கு வகித்தது என்று அந்நிறுவனம் தெரிவித்துள்ளது.

சந்திரயான் 3 வெற்றி.. நிலவில் வரலாற்று சாதனை படைத்து உலகையே திரும்பி பார்க்க வைத்த இந்தியா!

CPCL இன் தாய் நிறுவனமான லக்ஷ்மி மெஷின் ஒர்க்ஸின் தலைமை வியூக அதிகாரி சௌந்தர் ராஜன் கூறுகையில், "இந்தியா மற்றும் இஸ்ரோவைப் பற்றி நாங்கள் மகிழ்ச்சியடைகிறோம் மற்றும் பெருமிதம் கொள்கிறோம். 2016 ஆம் ஆண்டு முதல் பல்வேறு ஏவுகணை வாகனங்களை ஆதரித்து வருகிறோம்," என்று ராஜன் கூறினார். இருப்பினும், இந்த சந்திரயான் ஏவுகணை வாகனம் மற்றும் விக்ரம் லேண்டரிலும் எங்கள் நிறுவனத்தின் உதிர் பாகங்கள் இருந்தது. இந்த பணி வெற்றிகரமாக இருந்ததில் நாங்கள் மகிழ்ச்சியடைகிறோம்." என்று தெரிவித்தார்.

அந்நிறுவனம் 2004 ஆம் ஆண்டில் விண்வெளிப் பொறியியலில் ஈடுபட்டாலும், அது 2017 ஆம் ஆண்டில் மட்டுமே சக்ரதாரா ஏரோஸ்பேஸ் மற்றும் கார்கோ பிரைவேட் லிமிடெட் (CACPL) என மறுபெயரிடப்பட்டது. CACPL ஆனது பாதுகாப்பு மற்றும் விண்வெளியில் அசெம்பிளி மற்றும் சிஸ்டம் ஒருங்கிணைப்புத் திட்டங்களின் வடிவமைப்பு, மேம்பாடு மற்றும் உற்பத்தியில் ஈடுபட்டுள்ளது என்பது குறிப்பிடத்தக்கது.

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப்

சேனலை கிளிக் செய்து பின்தொடரவும்