யூத் ஒலிம்பிக் ஹாக்கி: இந்திய ஜூனியர் மகளிர், ஆடவர் அணிகள் அசத்தல் வெற்றி...
யூத் ஒலிம்பிக் ஹாக்கி தகுதிப் போட்டியின் தொடக்கச் சுற்றில் இந்திய ஜூனியர் மகளிர், ஆடவர் அணிகள் அசத்தல் வெற்றி அடைந்துள்ளன.
யூத் ஒலிம்பிக் ஹாக்கி தகுதிப் போட்டி தாய்லாந்தில் நடைபெறுகிறது. இதில், மகளிர் அணி 14-0 என்ற கோல் கணக்கில் சிங்கப்பூரையும், ஆடவர் அணி 25-0 என்ற கோல் கணக்கில் தாய்லாந்து அணியையும் வீழ்த்தி அடுத்த சுற்றுக்கு அசத்தலாக முன்னேறின.
அதன்படி, இந்திய மகளிர் அணியில் சங்கீதா, மும்தாஜ், லால்ரெம்சியாமி, இஷிகா செளத்ரா, தீபிகா ஆகியோர் சிறப்பாக ஆடி வெற்றிக்கு வழிவகுத்தனர்.
அதேபோன்று, ஆடவர் போட்டியில் இந்திய அணி தரப்பில் முகமது அலிஷான், ராகுல்குமார், ரவிச்சந்திரன், விவேக் சாகர், ஆகியோர் சிறப்பாக ஆடி அசத்தினர்.
மகளிர் அணி அடுத்த போட்டியில் கொரியாவையும், ஆடவர் அணி ஜப்பானையும் எதிர்கொள்கின்றன. இந்தப் போட்டியில் வெல்லும் அணிகள் அர்ஜென்டிவான் பியனோஸ் அயர்ஸ் நகரில் நடைபெறவுள்ள யூத் ஒலிம்பிக்ஸ் போட்டிகளுக்கு தகுதி பெறும் என்பது குறிப்பிடத்தக்கது.