ஒரே விஷயத்தை 2 முறை செய்த 3 அணிகள்!! ஐபிஎல் சுவாரஸ்யம்
ஐபிஎல் 11வது சீசனை சென்னை அணி வென்றுள்ளது. லீக் போட்டிகளின் முடிவில் புள்ளி பட்டியலில் இரண்டாமிடத்தில் இருந்த அணி, கோப்பையை வெல்வது இது 6வது முறையாகும்.
ஐபிஎல் 11வது சீசன் கடந்த மாதம் 7ம் தேதி தொடங்கி நேற்றுடன் முடிவடைந்தது. மும்பை வான்கடே மைதானத்தில் சென்னைக்கும் ஹைதராபாத்துக்கும் இடையே நடந்த இறுதி போட்டியில் ஹைதராபாத்தை வீழ்த்தி சென்னை அணி கோப்பையை கைப்பற்றியது.
இந்த சீசனில் லீக் போட்டிகளின் முடிவில் புள்ளி பட்டியலில் முதல் இரண்டு இடங்களில் இருந்த ஹைதராபாத்தும் சென்னையும் இறுதி போட்டியில் மோதின. அதில், சென்னை அணி வெற்றி பெற்றது. இதன் மூலம், லீக் போட்டிகளின் முடிவில் புள்ளி பட்டியலில் இரண்டாவது இடத்தில் இருந்த அணி, கோப்பையை கைப்பற்றுவது இது 6வது முறையாகும்.
இதற்கு முன்னதாக புள்ளி பட்டியலில் இரண்டாவது இடத்தில் இருந்த அணிகள், 5 முறை கோப்பையை கைப்பற்றியுள்ளது.
லீக்கின் முடிவில் இரண்டாவது இடத்தில் இருந்து கோப்பையை வென்ற அணிகள்:
1. சென்னை சூப்பர் கிங்ஸ் - 2011, 2018
2. கொல்கத்தா நைட் ரைடர்ஸ் - 2012, 2014
3. மும்பை இந்தியன்ஸ் - 2013, 2015
சேனலை கிளிக் செய்து பின்தொடரவும்
