இன்டியன் வெல்ஸ் டென்னிஸ்: பிரதான சுற்றுக்கு முன்னேறினார் யூகி பாம்ப்ரி...
இன்டியன் வெல்ஸ் டென்னிஸ் போட்டியில் யூகி பாம்ப்ரி பிரதான சுற்றுக்கு முன்னேறினார்.
இன்டியன் வெல்ஸ் டென்னிஸ் அமெரிக்காவில் நடைபெறுகிறது. இதில் தனது கடைசி தகுதிச்சுற்றில் இந்தியாவின் யூகி பாம்ப்ரி, சகநாட்டவரான ராம்குமார் ராமநாதனுடன் மோதினார்.
இதில், 6-4, 6-2 என்ற செட்களில் வென்றார் யூகி பாம்ப்ரி வென்றார். இத்துடன் ராம்குமாரை 4 முறை நேருக்கு நேர் சந்தித்துள்ள யூகி பாம்ப்ரி, தனது 3-வது வெற்றியை பதிவு செய்துள்ளார் என்பது குறிப்பிடத்தக்கது.
ஏடிபி மாஸ்டர்ஸ் டென்னிஸ் போட்டியில் பிரதான சுற்றுக்கு யூகி முன்னேறுவது கடந்த 9 ஆண்டுகளில் இது முதல் முறையாகும். கடைசியாக யூகி பாம்ப்ரி கடந்த 2009-இல் மியாமி மாஸ்ட்ர்ஸ் போட்டியில் பிரதான சுற்றுக்கு முன்னேறியிருந்தார் என்பது கூடுதல் தகவல்.
யூகி தனது முதல் பிரதான சுற்றில் பிரான்ஸ் நாட்டு தகுதிச்சுற்று வீரரான நிகோலஸ் மஹட்டை எதிர்கொள்கிறார். அதில் அவர் வெல்லும் பட்சத்தில், அடுத்த ஆட்டத்தில் உலகின் 12-ஆம் நிலை வீரரான பிரான்ஸின் லுகாஸ் புய்லேவுடன் மோதுவார்.