இன்டியன் வெல்ஸ் டென்னிஸ் போட்டியில் பிரதான சுற்றுக்கு முன்னேறும் வாய்ப்பை பெறுவதற்காக இந்தியர்களான யூகி பாம்ப்ரி-ராம்குமார் ராமநாதன் மோதுகின்றனர்.

இன்டியன் வெல்ஸ் டென்னிஸ் போட்டி அமெரிக்காவில் நடைபெறுகிறது. இதன் தகுதிச்சுற்று ஒன்றில் யூகி பாம்ப்ரி 7-5, 7-5 என்ற செட்களில் அமெரிக்காவின் டெனிஸ் நோவிகோவை வீழ்த்தினார். 

அதேபோன்று மற்றொரு தகுதிச்சுற்றில் ராம்குமார் ராமநாதன் 6-3, 7-5 என்ற செட்களில் மற்றொரு அமெரிக்கரான மிட்செல் மோவை வென்றார்.

இதனையடுத்து, கடைசி தகுதிச்சுற்றில் யூகி - ராம்குமார் இருவரும் மோதுகின்றனர். இதில் வெற்றி பெறும் வீரர் பிரதான சுற்றுக்கு முன்னேறி முதல் சுற்றில் விளையாடுவதற்காக ரூ.10.12 இலட்சம் பரிசுத் தொகை பெறுவார். அவருக்கு 26 தரவரிசை புள்ளிகள் கிடைக்கும். 

தோல்வியை சந்திக்கும் நபருக்கு சுமார் ரூ.3 இலட்சமும், 8 தரவரிசை புள்ளிகளும் கிடைக்கும் என்பது கூடுதல் தகவல்.