பிசிசிஐ மீடியா உரிமைக்கான டெண்டர் நாளை வெளியீடு; டி20, ஒரு நாள் கிரிக்கெட்டுக்கு தனித்தனி டெண்டர்!
நீண்ட கால தாமதத்திற்குப் பிறகு பிசிசிஐ மீடியா உரிமைக்கான டெண்டரை நாளை வெளியிடுகிறது. இந்த டெண்டர் மூலமாக புதிய ஒளிபரப்பு நிறுவனமானது வரும் ஆகஸ்ட் 19 ஆம் தேதிக்குள்ளாக இறுதி செய்யப்பட உள்ளது.
இந்திய கிரிக்கெட் கட்டுப்பாட்டு வாரியமானது கடைசியாக மீடியா உரிமைக்கான 2023 முதல் 2027 ஆம் ஆண்டிற்கான டெண்டரை நிர்ணயித்துள்ளது. இந்த டெண்டரானது நாளை செவ்வாய்க்கிழமை 25ஆம் தேதி வெளியாக உள்ளது. இதனை, இந்திய வாரியத்தின் பங்குதாரரான எர்ன்ஸ்ட் அண்ட் யங் நிறுவனம் வெளியிடுகிறது. வரும் அக்டோபர் 5 ஆம் தேதி உலகக் கோப்பை தொடர் தொடங்க உள்ள நிலையில், அதற்கு முன்னதாக IND vs AUS ODI தொடருக்கான புதிய ஒளிபரப்பு உரிமைகளின் டெண்டர் ஆகஸ்ட் 19க்குள் நிறைவடையும் என்று எதிர்பார்க்கப்படுகிறது.
500 விக்கெட்டுகள் கைப்பற்றி புதிய வரலாற்று சாதனை படைத்த அஸ்வின் – ஜடேஜா சுழல் காம்போ!
புதிய ஒப்பந்தமானது 5 ஆண்டு காலத்திற்கு நிர்ணயிக்கப்பட்டுள்ளது. ஏல செயல்முறை குறித்து ஒளிபரப்பாளர்களுக்கு இன்னும் தெரிவிக்கப்படவில்லை என்றாலும், இது மின்-ஏலமாக இருக்க வாய்ப்புள்ளது. மின் ஏலத்தின் மூலம் ஐபிஎல் மீடியா உரிமைகளை விற்றதன் மூலம் 48,390 கோடி ரூபாய் சம்பாதித்ததால் பிசிசிஐக்கு வருவாய் கிடைத்துள்ளது.
விக்கெட் கீப்பராக தோனி சாதனையை முறியடித்து 2ஆவது இடத்திற்கு முன்னேறிய இஷான் கிஷான்!
பிசிசிஐ ஊடக உரிமைக்கான டெண்டரின் சிறப்பம்சங்கள்:
- புதிய ஒப்பந்தம் ஐபிஎல் போட்டியைப் போலவே 5 ஆண்டுகளுக்கு இருக்கும்.
- டிஜிட்டல் மற்றும் டிவி உரிமைகள் இரண்டும் தனித்தனியாக இருக்கும், ஏனெனில் டிஜிட்டலில் மேல்நோக்கிய போக்கு உள்ளது.
- மூடிய ஏல முறைக்கு பதிலாக மின்-ஏலம் நடைபெற வாய்ப்புள்ளது.
- ஐபிஎல் மீடியா உரிமை விற்பனை மூலம் பிசிசிஐக்கு ரூ.48,390 கோடி வருவாய் கிடைத்துள்ளது. இதில் டிவி உரிமையும் டிஜிட்டல் உரிமையும் தனித்தனியாக இருந்தது.
- புதிய ஒப்பந்தத்தின் கீழ் வரும் போட்டிகளின் சரியான எண்ணிக்கை இன்னும் விவாதத்தில் உள்ளது.
- ஆனால் இந்த ஒப்பந்தத்தில் 100 இருதரப்பு போட்டிகள் இடம்பெறும் என்று தெரிகிறது.
- புதிய சுழற்சியில், அதிக எண்ணிக்கையிலான டி20 போட்டிகள் மற்றும் குறைந்த எண்ணிக்கையிலான ஒருநாள் போட்டிகள் இருக்கும், ஏனெனில் ஒருநாள் போட்டிகளில் ரசிகர்களிடையில் ஆர்வம் குறைவாக உள்ளது.
- டிஸ்னி பிளஸ் ஹாட்ஸ்டார் கடந்த முறை 103 போட்டிகளுக்கு ரூ.6138.10 கோடி செலுத்தியது. இது ஒரு போட்டியின் மதிப்பீடாக 61 கோடி ரூபாய் ஆனது. இருப்பினும், உரிமைகள் தனித்தனியாக இருக்கும் என்பதால், பிசிசிஐ ரூ.12,000 கோடிக்கு மேல் எதிர்பார்க்கிறது என்பது குறிப்பிடத்தக்கது. மழையால் ரத்தான 5 ஆம் நாள்: கடைசியாக டிராவில் முடிந்த 4ஆவது டெஸ்ட்!
