பேட் கம்மின்ஸ் தாயார் மறைவு - கறுப்பு பட்டை அணிந்து களமிறங்கிய ஆஸி, வீரர்கள்!
ஆஸ்திரேலியா அணியின் முதல் 2 டெஸ்ட் போட்டிக்கு கேப்டனாக இருந்த பேட் கம்மின்ஸில் தாயார் காலமானதைத் தொடர்ந்து ஆஸி, வீரர்கள் உஸ்மான் கவாஜா மற்றும் கேமருன் க்ரீன் ஆகியோர் கையில் கறுப்பு நிற பட்டை அணிந்து களமிறங்கியுள்ளனர்.
Followஇந்தியா வந்த ஆஸ்திரேலியா 4 டெஸ்ட் போட்டிகள் கொண்ட பார்டர் கவாஸ்கர் டிராபி தொடரில் பங்கேற்று வருகிறது. ஏற்கனவே நடந்து முடிந்த 2 டெஸ்ட் போட்டிக்கு பேட் கம்மின்ஸ் கேப்டனாக இருந்தார். அவரது தாயார் மரியா கம்மின்ஸுக்கு உடல்நிலை சரியில்லாத நிலையில் அவசர அவசரமாக நாடு திரும்பினார். இதனால், அவருக்குப் பதிலாக ஸ்டீவ் ஸ்மித் கேப்டனாக செயல்பட்டார். இந்தியா மற்றும் ஆஸ்திரேலியாவுக்கு எதிரான 3ஆவது டெஸ்ட் போட்டியில் ஸ்டீவ் ஸ்மித் கேப்டனாக இருந்து அணிக்கு வெற்றித் தேடி தந்தார். இந்தப் போட்டியில் ஆஸ்திரேலியா 9 விக்கெட் வித்தியாசத்தில் வெற்றி பெற்றது.
இந்தப் போட்டியைத் தொடர்ந்து தற்போது இரு அணிகளுக்கு இடையிலான 4ஆவது டெஸ்ட் போட்டி நேற்று அகமதாபாத் மைதானத்தில் தொடங்கியது. இந்தியா மற்றும் ஆஸ்திரேலியாவுக்கு இடையிலான 75 ஆண்டுகளாக கிரிக்கெட் நட்புறவை பறைசாற்றும் வகையில் நேற்று நடந்த போட்டியை காண்பதற்கு பிரதமர் நரேந்திர மோடி மற்றும் ஆஸ்திரேலிய பிரதமர் அந்தோனி அல்பனிஸ் ஆகிய இருவரும் மைதானத்திற்கு வந்தனர்.
13 ஆண்டுகளுக்கு பின் இந்திய மண்ணில் சதமடித்து உஸ்மான் கவாஜா சாதனை! கேமரூன் க்ரீன் பொறுப்பான பேட்டிங்
இந்தியா - ஆஸ்திரேலியா அணிகளின் கேப்டன்களுக்கு தொப்பி கொடுத்து இருவருக்கும் வாழ்த்துகளை தெரிவித்தனர். போட்டிக்கு முன் ஒலிக்கப்பட்ட இருநாட்டு தேசிய கீதங்களில் 2 பிரதமர்களும் வீரர்களுடன் கலந்துகொண்டு, வீரர்களுக்கு வாழ்த்துகளையும் தெரிவித்தனர். இந்த நிலையில், ஆஸ்திரேலியா வீரர் பேட் கம்மின்ஸில் தாயார் உடல்நிலை சரியில்லாத நிலையில், இன்று காலமானார் என்று கிரிக்கெட் ஆஸ்திரேலியா டுவிட்டர் பக்கத்தில் தெரிவிக்கப்பட்டது. இது குறித்து கிரிக்கெட் ஆஸ்திரேலியா டுவிட்டரில் கூறியிருப்பதாவது: மரியா கம்மின்ஸ் மறைந்த செய்தி அறிந்து மிகவும் வருத்தப்படுகிறோம். ஆஸ்திரேலியா கிரிக்கெட் சார்பாக பேட் கம்மின்ஸ் குடும்பத்தினர் மற்றும் அவரது நண்பர்களுக்கு எங்களது இதயப்பூர்வமான இரங்கலைத் தெரிவித்துக் கொள்கிறோம்.
WPL 2023: டெல்லி கேபிடள்ஸை வெறும் 105 ரன்களுக்கு பொட்டளம் கட்டிய மும்பை இந்தியன்ஸ்
பேட் கம்மின்ஸ் தாயார் மறைவுக்கு இரங்கலைத் தெரிவிக்கும் வகையில் இன்றைய 2ஆவது நாள் போட்டியில் ஆஸ்திரேலிய வீரர்கள் இன்று கையில் கருப்பு பட்டை அணிந்து விளையாடுவார்கள் என்று தெரிவித்துள்ளது. கிரிக்கெட் ஆஸ்திரேலியாவுடன் இணைந்து ஏசியாநெட் தழிழ் சார்பாக பேட் கம்மின்ஸ் தாயார் மறைவுக்கு நாங்களும் இரங்கலை தெரிவித்துக் கொள்கிறோம்.
சேனலை கிளிக் செய்து பின்தொடரவும்
