ஷிகர் தவான் ஓய்வு - சேவாக் ஹேப்பி அண்ணாச்சி - வயித்தெரிச்சல் சும்மா விடுமா? இருந்தாலும் வாழ்த்து சொன்ன விரு!

சர்வதேச கிரிக்கெட்டில் இருந்து ஓய்வு பெறுவதாக இந்திய அணியின் நட்சத்திர தொடக்க ஆட்டக்காரர் ஷிகர் தவான் சனிக்கிழமை அறிவித்து அனைவருக்கும் அதிர்ச்சியளித்தார். இந்நிலையில், முன்னாள் ஜாம்பவான் வீரேந்திர சேவாக், தவானுக்கு வித்தியாசமான முறையில் வாழ்த்து தெரிவித்துள்ளார்.

Once Shikhar Dhawan replaced Virender Sehwag in Indian Cricket Team, now sehwag wish Dhawan for his future life rsk

Asianetnews Tamil Stories

First Published Aug 25, 2024, 9:51 AM IST | Last Updated Aug 25, 2024, 10:22 AM IST

சர்வதேச கிரிக்கெட்டில் இருந்து இந்திய அணியின் நட்சத்திர வீரர் ஷிகர் தவான் ஓய்வு பெற்றுள்ளார். சனிக்கிழமை கிரிக்கெட்டில் இருந்து ஓய்வு பெறுவதாக தவான் அறிவித்தது கிரிக்கெட் உலகம் முழுவதையும் அதிர்ச்சிக்குள்ளாக்கியது. இந்திய கிரிக்கெட் அணியுடன் ஒரு அற்புதமான பயணத்தை மேற்கொண்டதாகவும், இப்போது விடைபெறுவதாகவும் அவர் கூறினார். இந்நிலையில், அவரது அற்புதமான வாழ்க்கைக்கு வாழ்த்துக்கள் குவிந்து வருகின்றன. பல முன்னாள் வீரர்கள் தவானின் எதிர்காலத்திற்கு வாழ்த்து தெரிவித்துள்ளனர். முன்னாள் இந்திய கிரிக்கெட் ஜாம்பவான் வீரேந்திர சேவாக்கும் இதில் அடங்குவர். சேவாக் தனது இன்ஸ்டாகிராம் பக்கத்தில் தவானுக்கு வித்தியாசமான முறையில் வாழ்த்து தெரிவித்துள்ளார்.. இது தற்போது சமூக வலைதளங்களில் வைரலாகி வருகிறது.

பிசிசிஐ செயலாளர் பதவியை ஜெய் ஷா ராஜினாமா செய்வாரா? ஐசிசி தலைவராக வாய்ப்பு!

சேவாக் மீது அடி விழுத்திய தவான்?

ஷிகர் தவான் இந்திய கிரிக்கெட் அணியில் இணைவதற்கு முன்பு, வீரேந்திர சேவாக் இந்திய அணிக்காக தொடக்க ஆட்டக்காரராக இருந்தார். ஷிகர் தவான் தனது சிறப்பான ஆட்டத்தால் 2010 ஆம் ஆண்டு இந்திய அணியில் ஒருநாள் போட்டிகளில் அறிமுகமானார். 2011 இல் T20 அணியில் இடம் பெற்றார். இருப்பினும், ஆரம்பத்தில் பெரிய இன்னிங்ஸ்களை விளையாடுவதில் அவர் சிரமப்பட்டார். ஆனால், சில நாட்களிலேயே தவான் இந்திய அணியின் வலுவான தூணாக மாறினார். 2013 ஆம் ஆண்டு இந்திய அணிக்காக அற்புதமான ஆட்டத்தை வெளிப்படுத்தினார். அணியை சாம்பியன் பட்டம் வெல்ல வைத்தார். இங்கிலாந்தில் நடந்த சாம்பியன்ஸ் டிராபியில் ஷிகர் தவான் தொடர் நாயகனாகத் தேர்ந்தெடுக்கப்பட்டார். அதன் பிறகு தவான் டெஸ்ட் அணியிலும் சேர்க்கப்பட்டார். முன்னாள் தொடக்க ஆட்டக்காரர் வீரேந்திர சேவாக் மோசமான ஃபார்ம் காரணமாக சிரமப்பட்டதால், அவருக்கு பதிலாக ஷிகர் தவானுக்கு வாய்ப்பு கிடைத்தது. இப்போது தவானின் ஓய்வு குறித்து வீரூ இதைத்தான் குறிப்பிட்டுள்ளார்.

மும்பைக்கு குட்பை சொல்லும் SKY? கேப்டன்சி வழங்குவதாக வலைவிரிக்கும் கொல்கத்தா

வீரேந்திர சேவாக் என்ன சொன்னார்..?

வீரேந்திர சேவாக் தனது சமூக வலைதள பக்கத்தில், 'வாழ்த்துக்கள் ஷிகர் தவான்.. மொஹாலியில் எனது இடத்தைப் பிடித்ததிலிருந்து, நீங்கள் ஒருபோதும் திரும்பிப் பார்க்கவில்லை. கடந்த சில ஆண்டுகளாக நீங்கள் அற்புதமாக செயல்பட்டு வருகிறீர்கள். நீங்கள் எப்போதும் மகிழ்ச்சியாக இருக்க வேண்டும். வாழ்க்கையை முழுமையாக அனுபவித்து வாழ வாழ்த்துக்கள்' என்று குறிப்பிட்டுள்ளார். ஷிகர் தவான் அணியில் இணைந்த பிறகு மூன்று வடிவங்களிலும் இந்திய அணியில் நிலையான இடத்தைப் பிடித்தார். அதன் பிறகு சேவாக் கிரிக்கெட்டில் இருந்து ஓய்வு பெற்றார். மொத்தத்தில் சேவாக் இடத்தில் தவான் நின்று இதுவரை கிரிக்கெட்டில் தொடர்ந்தார்.

ஓய்வு பெற்றதும் தவான் என்ன சொன்னார்..?

ஓய்வு பெற்றதும், ஷிகர் தவான் அனைவருக்கும் மனமார்ந்த நன்றியைத் தெரிவித்துக் கொண்டார். "வணக்கம், இன்று நான் திரும்பிப் பார்க்கும்போது நிறைய நினைவுகள் வரும் இடத்தில் நான் நிற்கிறேன். இந்தியாவுக்காக விளையாட வேண்டும் என்பது எனது கனவாக இருந்தது, அது நடந்தது. அதற்காக நான் பலருக்கு நன்றி சொல்ல கடமைப்பட்டுள்ளேன். முதலில் எனது குடும்பத்திற்கும், எனது சிறுவயது பயிற்சியாளர்களுக்கும். ஏனென்றால் அவர்களிடமிருந்து தான் நான் கிரிக்கெட்டைக் கற்றுக்கொண்டேன். சர்வதேச கிரிக்கெட்டிலிருந்தும், உள்ளூர் கிரிக்கெட்டிலிருந்தும் விடைபெறுகிறேன். பிசிசிஐக்கும் நன்றி தெரிவித்துக் கொள்கிறேன். அவர்கள் எனக்கு ஒரு சிறந்த வாய்ப்பை வழங்கினர். நன்றி.." என்று ஷிகர் தவான் கூறினார்.

தோனியின் மில்லியன் டாலர் மனது: தனக்கு செய்த உதவிக்கு நண்பருக்காக கோடிகளைத் தியாகம் செய்தார்!

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப்

சேனலை கிளிக் செய்து பின்தொடரவும்