4 சிக்ஸர் விளாசி நெல்லைக்கு வெற்றி தேடிக் கொடுத்த நிதிஷ் ராஜகோபால்!

சீகம் மதுரை பாந்தர்ஸ் அணிக்கு எதிரான போட்டியில் நெல்லை ராயல் கிங்ஸ் அணி 6 விக்கெட் வித்தியாசத்தில் வெற்றி பெற்றுள்ளது.

Nellai Royal Kings won by 6 wickets against Siechem Madurai Panthers in 3rd Match of TNPL 2023

First Published Jun 14, 2023, 7:28 PM IST | Last Updated Jun 14, 2023, 7:28 PM IST

தமிழ்நாடு பிரீமியர் லீக் தொடர் எனப்படும் டிஎன்பிஎல் கிரிக்கெட் தொடரின் 7ஆவது சீசன் கோயம்புத்தூரில் தொடங்கியது. இதில், முதல் போட்டியில் ஐடிரீம் திருப்பூர் தமிழன்ஸ் மற்றும் லைகா கோவை கிங்ஸ் அணிகள் மோதின. இதில் லைகா கோவை கிங்ஸ் அணி 70 ரன்கள் வித்தியாசத்தில் வெற்றி பெற்றது. இதே போன்று 2ஆவது போட்டியில் சேப்பாக்கம் சூப்பர் கில்லீஸ் மற்றும் சேலம் ஸ்பார்டன்ஸ் அணிகள் மோதின.

திண்டுக்கல்லா? திருச்சியா? ரவிச்சந்திரன் அஸ்வின் டீம் அண்ட் நடராஜன் டீம் பலப்பரீட்சை!

இதில், சேப்பாக்கம் சூப்பர் கில்லீஸ் அணி 52 ரன்கள் வித்தியாசத்தில் வெற்றி பெற்றது. இதைத் தொடர்ந்து இன்று நடந்த போட்டியில் சீகம் மதுரை பாந்தர்ஸ் மற்றும் நெல்லை ராயல் கிங்ஸ் அணி மோதின. இதில், டாஸ் வென்ற சீகம் மதுரை பாந்தர்ஸ் அணி முதலில் பேட்டிங் ஆடியது. அதன்படி, சீகம் மதுரை பாந்தர்ஸ் அணியின் கேப்டன் ஹரி நிஷாந்த் 64 ரன்கள் எடுத்தார். மற்ற வீரர்கள் சொற்ப ரன்களில் ஆட்டமிழந்தனர். இறுதியாக மதுரை பாந்தர்ஸ் அணி 20 ஓவர்களில் 8 விக்கெட் இழப்பிற்கு 126 ரன்கள் எடுத்துள்ளது.

ஆதரவு கொடுத்த கேப்டன் ஹரி நிஷாந்த், ஆளாளுக்கு டக் அவுட்டில் வெளியேறிய சீகம் மதுரை பாந்தர்ஸ் வீரர்கள்!

இதையடுத்து எளிய இலக்கை துரத்திய நெல்லை ராயல் கிங்ஸ் அணிக்கு நிதிஷ் ராஜகோபால் கடைசி வரை நின்று வெற்றி தேடிக் கொடுத்தார். கேப்டன் அருண் கார்த்திக் 32 ரன்களில் ஆட்டமிழந்தார். இறுதியாக நெல்லை ராயல் கிங்ஸ் அணி 13.4 ஓவர்களில் 4 விக்கெட் இழப்பிற்கு 129 ரன்கள் எடுத்து 6 விக்கெட் வித்தியாசத்தில் வெற்றி பெற்றது.

சீகம் மதுரை பாந்தர்ஸ்:

எஸ் கார்த்திக் (விக்கெட் கீப்பர்), ஹரி நிஷாந்த், ஜெகதீசன் கௌசிக், வாஷிங்டன் சுந்தர், ஸ்வப்னில் சிங், கே தீபன் லிங்கேஷ், முருகன் அஸ்வின், சுதன் காண்டீபன் (கேப்டன்), பாலு சூர்யா, குர்ஜப்னீத் சிங், தேவ் ராகுல்

லங்கா பிரீமியர் லீக் தொடரில் தனது பெயரை பதிவு செய்த சுரேஷ் ரெய்னா!

நெல்லை ராயல் கிங்ஸ்:

அருண் கார்த்திக் (கேப்டன், விக்கெட் கீப்பர்), எஸ்ஜே அருண் குமார், நிஷித் ராஜகோபால், சோனு யாதவ், ரிதிக் ஈஸ்வரன், அஜிதேஷ் குருசாமி, கார்த்திக் மணிகண்டன், எஸ் மோகன் பிரசாந்த், சந்தீப் வாரியர், எம் பொய்யாமொழி, லக்‌ஷய் ஜெயின்.

தமிழ்நாடு பிரீமியர் லீக் தொடரில் சாம்பியனாகும் அணிக்கு ரூ.1 கோடியும், 2ஆம் இடம் பிடிக்கும் அணிக்கு ரூ.60 லட்சமும், அரையிறுதிப் போட்டியில் இடம் பெறும் 2 அணிகளுக்கு ரூ.40 லட்சமும், மற்ற அணிகளுக்கு ரூ.25 லட்சமும் பரிசுத் தொகை அறிவிக்கப்பட்டுள்ளது.

களத்தில் இறங்கும் வாஷிங்டன் சுந்தர்: சீகேம் மதுரை பாந்தர்ஸ் பேட்டிங்!

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப்

சேனலை கிளிக் செய்து பின்தொடரவும்