தங்களுக்கு இணக்கமாக இருப்பார், தங்கள் சித்தாந்தங்களோடு ஒத்துப்போவார் என்பதால் பாஜக அவரை அழைக்கிறது. தமிழகத்தில் பாஜகவின் நிலை என்ன என்பது ரஜினிக்கு நன்றாக தெரியும். தமிழகத்தில் உச்ச நட்சத்திரம் நமக்குக் கிடைத்தால், அவரை வைத்து பயன்படுத்திக்கொள்ளலாம் என்று பாஜக நினைக்கிறது.
ரஜினிக்கு பாஜகவோடு செல்வதில் தயக்கம் இருக்கிறது என்று விசிக துணை பொதுச் செயலாளர் ஆளூர் ஷா நவாஸ் தெரிவித்துள்ளார்.
ரஜினி பாஜகவில் இணைய வேண்டும் என்பதே என் விருப்பம் என்று முன்னாள் மத்திய அமைச்சர் பொன். ராதாகிருஷ்ணன் தெரிவித்துள்ளார். ரஜினி புதுக்கோட்டையில் செய்தியாளர்களிடம் பேசிய பொன். ராதாகிருஷ்ணன், “நடிகர் ரஜினிகாந்த் ஓர் அரசியல் கட்சியைத் தொடங்கினால் அதை நான் வரவேற்பேன், பாராட்டுவேன். ஆனால், ரஜினி பாஜகவில் சேர வேண்டும் என்பதே என் விருப்பம். இதை தொடக்கம் முதலே கூறிவருகிறேன். அவர் அறிவாளி. என்ன செய்ய வேண்டும் என்பது அவருக்கு நன்கு தெரியும். அதே வேளையில் அவரை கட்சியில் இணைக்க பாஜக எந்த முயற்சியையும் எடுக்கவில்லை” என்று பொன். ராதாகிருஷ்ணன் தெரிவித்தார்.
இந்நிலையில் ரஜினி பாஜகவில் சேர வேண்டும் என்று பொன். ராதாகிருஷ்ணன் கூறியிருப்பது பற்றி விசிகவின் துணை பொதுச்செயலாளர் ஆளூர் ஷா நவாஸ் டிவி நிகழ்ச்சியில் கருத்து தெரிவித்துள்ளார். “இதைப் பற்றிதான் நாம் தொடர்ந்து சொல்லிக்கொண்டிருக்கிறோமே. தங்களுக்கு இணக்கமாக இருப்பார், தங்கள் சித்தாந்தங்களோடு ஒத்துப்போவார் என்பதால் பாஜக அவரை அழைக்கிறது. தமிழகத்தில் பாஜகவின் நிலை என்ன என்பது ரஜினிக்கு நன்றாக தெரியும். தமிழகத்தில் உச்ச நட்சத்திரம் நமக்குக் கிடைத்தால், அவரை வைத்து பயன்படுத்திக்கொள்ளலாம் என்று பாஜக நினைக்கிறது.
