படிக்கட்டிகளில் ஏறும் பழக்கம் இன்று வெகுவாக குறைந்து விட்டது. சில அடிகள் நடந்து, சில படிகள் ஏறினாலே மூச்சு வாங்குகிறது என்பதற்காக பலரும் இதை தவிர்த்து விடுகிறார்கள். ஆனால் தினமும் படிக்கட்டுகள் ஏறும் பழக்கத்தால் நமக்கு என்னென்ன நன்மைகள் கிடைக்கிறது என்பதை தெரிந்து கொள்ளலாம்.
நவீன வாழ்க்கை முறையில் உடல் இயக்கம் மிகவும் குறைந்துவிட்டது. நாம் எங்கு சென்றாலும் லிப்ட், எஸ்கலேட்டர் போன்ற வசதிகள் இருப்பதால், உடலைச் செயலில் வைத்திருக்கும் இயற்கையான வழிகள் மறக்கப்பட்டு விட்டன. ஆனால், படிக்கட்டுகள் ஏறுதல் என்பது மிகச் சிறந்த உடற்பயிற்சியாகும். ஆரோக்கிய நன்மைகள் நிறைந்த இந்த எளிய செயலின் மூலம், உங்கள் உடல், மனம் இரண்டையும் புத்துணர்ச்சியுடன் வைத்திருக்கலாம். இதோ, நீங்கள் கட்டாயம் அறிந்திருக்க வேண்டிய நான்கு முக்கியமான நன்மைகள்.
1. இதய ஆரோக்கியத்திற்கான பயிற்சி :
படிக்கட்டுகள் ஏறுதல் என்பது முழு உடலையும் இயக்கி, இதயத்திற்கு ஓர் அருமையான பயிற்சியாக செயல்படுகிறது. இது எரோபிக் (Aerobic) பயிற்சி வகையில் அடங்கும். அதாவது இதயத்திற்கும் நுரையீரல்களுக்கும் பயன்படும் ஒரு உடற்பயிற்சி. இரத்த ஓட்டத்தை அதிகரித்து, இரத்த அழுத்தத்தைக் கட்டுப்படுத்தும். கொழுப்பு அடைப்புகளைக் குறைத்து இதய நோய் அபாயத்தைக் குறைக்கும். இரத்தத்தில் நல்ல கொழுப்பு (HDL) அளவை அதிகரித்து, தீய கொழுப்புகளை (LDL) குறைக்கும். ஆய்வுகளின்படி தினமும் 10 நிமிடங்கள் படிக்கட்டுகள் ஏறுபவர்கள், இதய நோய்களின் அபாயத்தை 30% குறைத்துக் கொள்ளலாம். இதயத்தின் சக்தியை 20% மேம்படுத்தும் திறன் படிக்கட்டுகள் ஏறுவதற்கு உண்டு.
2. கால்களை உறுதியாக்கும் பயிற்சி :
உடலில் தசைகள் வலுவாக இருக்கும்போது, இயக்கம் எளிதாகும். அதற்காகவே படிக்கட்டுகள் ஏறுதல் என்பது கால்களுக்கு மிகச்சிறந்த பயிற்சியாக இருக்கும். தோள்கள், தொடைகள், முழங்கால் மற்றும் உள்ளங்கைகள் வலுவடையும். கால்கள் வலிமையுடன், அடர்த்தியாக வளர உதவும். தொப்பையை குறைத்து, உடலமைப்பை அழகாக மாற்றும். தசைகள் வலுப்பெறுவதால் உடல் இளமையாக தெரியும். முதுமையில் கூட சமநிலையைப் பாதுகாக்க உதவும்.
3. உடல் எடையை கட்டுப்படுத்தும் சக்தி :
நாம் பலரும் உடல் எடையை குறைக்க விஷேசமான டயட், அதிக விலை உடற்பயிற்சி திட்டங்கள் ஆகியவற்றை முயற்சிக்கிறோம். ஆனால், படிக்கட்டுகள் ஏறுதல் என்பது இயற்கையான, எளிய மற்றும் இலவசமான வழியாக இருக்கிறது. ஒரு நிமிடத்தில் 8 - 10 கலோரி எரிக்கலாம். நேர்மறையான மெட்டபாலிசத்தை உருவாக்கும். உடல் கொழுப்பை வேகமாக எரிக்க, அதிக ஆற்றலை வழங்கும். நாளொன்றுக்கு 10-15 நிமிடங்கள் படிக்கட்டுகள் ஏறுங்கள். மெல்ல ஏறுவதற்கு பதிலாக, வேகமாக ஏற முயலுங்கள். இதை தினசரி பழக்கமாக மாற்றினால், ஒரு மாதத்தில் 1-2 கிலோ எடை குறைக்கலாம்.
4. மனநலத்திற்கு புத்துணர்ச்சி தரும் :
உடல் மட்டுமல்ல, மனநலத்திற்கும் படிக்கட்டுகள் ஏறுதல் நல்லது. இது மனதில் தன்னம்பிக்கை மற்றும் உற்சாகத்தை ஏற்படுத்தும். என்டார்பின் (Endorphin) ஹார்மோன் சுரப்பதை அதிகரிக்க, மனச்சோர்வை குறைக்கும். மன அழுத்தம், கவலை, மனச்சோர்வு ஆகியவற்றை கட்டுப்படுத்தும். தூக்கத்தினை மேம்படுத்தி, தூக்கமின்மையை (Insomnia) குறைக்கும். காலை நேரத்தில் படிக்கட்டுகள் ஏறுதல் முழு நாளும் உற்சாகத்தை வழங்கும்.
அலுவலகத்தில் அல்லது வீட்டில் எஸ்கலேட்டர், லிப்ட் தவிர்த்து படிக்கட்டுகளை பயன்படுத்துங்கள்.
இது போன்ற எளிய முறைகளை கடைபிடித்து, தினசரி வாழ்க்கை முறையில் சிறு மாற்றங்களை செய்து வந்தாலே மிகப் பெரிய பலன்களை நம்முடைய உடலும், மனமும் பெற முடியும். ஆரம்பத்தில் சிரமமாக இருந்தாலும். நாளடைவில் இதை நம்முடைய வழக்கமாக்கிக் கொண்டால் பல ஆரோக்கிய நன்மைகளை எந்த செலவும் இல்லாமல் நம்மால் பெற முடியும். படிக்கட்டு ஏறினால் உடல் எளிதில் சோர்வடைந்து விடும் என தவறாக நினைத்து பலரும் இதை தவிர்த்து வருகிறார்கள். நீங்களும் இதை முயற்சி செய்து பார்த்து, மாற்றங்களை காணுங்கள்.
