இனி வெயிட்டிங் லிஸ்டே இருக்காது.. ரயில் பயணிகளுக்கு குட்நியூஸ் சொன்ன மத்திய ரயில்வே அமைச்சர்..
நாடு முழுவதும் ரயிலில் காத்திருப்போர் பட்டியல் பிரச்சினையை முற்றிலும் தீர்க்கும் ஒரு தீர்வு உருவாக்கப்பட்டு வருவதாக மத்திய ரயில்வே அமைச்சர் அஸ்வினி வைஷ்னவ் தெரிவித்துள்ளார்.
 )
Followரயில் டிக்கெட் செய்யும் போது ஏற்படும் மிகப்பெரிய அசௌகரியங்களில் ஒன்று வெயிட்டிங் லிஸ்ட். அதாவது உங்கள் பயணத்திற்கான டிக்கெட் உறுதிப்படுத்தப்படாமல் இருப்பது. ஆம் குறிப்பாக தீபாவளி, பொங்கல் மற்றும் தொடர் விடுமுறை நாட்களில் ரயிலில் கன்ஃபார்ம் டிக்கெட் பெறுவது என்பது மிகவும் சவாலான விஷயங்களில் ஒன்று. பண்டிகை காலங்களின் போது பல மாதங்களுக்கு முன்பே, ரயில் டிக்கெட் முன்பதிவு காலியாகிவிடும்.
இதனால் வெயிட்டிங் லிஸ்டில் தான் டிக்கெட் கிடைக்கும். குறைவாண எண்ணிக்கையில் வெயிட்டிங் லிஸ்ட் இருந்தால், ஒருவேளை டிக்கெட் உறுதியாகலாம். ஆனால் அதிக எண்ணிக்கை இருந்தால் கன்ஃபார்ம் டிக்கெட் பெறுவது சவாலான காரியம். எனவே இந்த வெயிட்டிங் லிஸ்ட் டிக்கெட் என்பது மிகப்பெரிய தலைவலியாக உள்ளது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
எனினும் இந்த தலைவலியையும், போராட்டத்தையும் பயணிகளும், ரயில்வே துறையும் நீண்ட நாட்களாக சமாளித்து வருகின்றன. பயணிகளுக்கு சிறந்த வசதிகளை வழங்க இரயில் பாதைகள் அயராது உழைக்கின்றன. அந்த வகையில், நாடு முழுவதும் காத்திருப்போர் பட்டியல் பிரச்சினையை முற்றிலும் தீர்க்கும் ஒரு தீர்வு உருவாக்கப்பட்டு வருகிறது என்று மத்திய ரயில்வே அமைச்சர் அஸ்வினி வைஷ்னவ் தெரிவித்துள்ளார்.
ரயில் பயணிகளின் எண்ணிக்கை கணிசமாக அதிகரித்துள்ள போதிலும், ஒவ்வொருவருக்கும் ரயில் பயணத்தை உறுதி செய்ய அனைத்து முயற்சிகளும் மேற்கொள்ளப்பட்டு வருவதாக அமைச்சர் கூறியுள்ளார். இதன்கா ரணமாக, புதிய ரயில்கள் வாங்கும் பணிகள் துரிதமாக நடைபெற்று வருவதாகவும், இதற்காக மொத்தம் ரூ.1 லட்சம் கோடி செலவிடப்படும் என்றும் தெரிவிக்கப்பட்டுள்ளது.
மேலும் “ அடுத்த 4 முதல் 5 ஆண்டுகளுக்குள் இந்த ஒதுக்கீடு செய்யப்படும், அடுத்த பத்து பதினைந்து ஆண்டுகளில், ரயில்களின் எண்ணிக்கை அதிகரிக்கப்படும்.. வேகத்தை அதிகரிக்க முடியாத காலாவதியான ஆயிரக்கணக்கான ரயில்களை மாற்ற ரயில்வே தயாராகி வருகிறது. சரக்கு ரயில்களுக்கு ஒரு குறிப்பிட்ட பாதை அல்லது பிரத்யேக சரக்கு நடைபாதை அமைக்கப்பட்ட பிறகு சுமார் 6,000 கிலோமீட்டர் பாதை கிடைக்கும். ரயில்களின் எண்ணிக்கையை விரிவுபடுத்துவதில் எந்தப் பிரச்சினையும் இருக்காது, ஏனெனில் இது பயணிகள் ரயில்கள் இயக்குவதற்கு அதிக வழித்தடங்களை விடுவிக்கும்.” என்று தெரிவித்தார்.
தற்போது, நாட்டின் இரயில் பாதைகள் ஒவ்வொரு நாளும் சுமார் 2 கோடி பயணிகளை ஏற்றிச் செல்கின்றன. இதற்காக ஒரு நாளைக்கு 10,754 ரயில்களை ரயில்வே இயக்குகிறது. கூடுதலாக 3,000 ரயில்கள் சேர்க்கப்பட்டால் நாடு முழுவதும் காத்திருப்புப் பட்டியல்களின் தேவை நீக்கப்படும். கோவிட்-19 காலகட்டத்திற்கு முன்பு இருந்ததை விட இப்போது 568 ரயில்கள் அடிக்கடி இயக்கப்பட்டாலும், ஆண்டுக்கு 100 கோடி பயணிகளுக்கு இடமளிக்க இது இன்னும் போதுமானதாக இல்லை. ரயில்வேயின் கணிப்புகளின்படி, 2030-க்குள் ஒவ்வொரு ஆண்டும் 1,000 கோடி பேர் ரயில்களைப் பயன்படுத்தத் தொடங்குவார்கள். ரயில்களின் எண்ணிக்கையில் முப்பது சதவிகிதம் அதிகரித்தால் வெயிட்டிங் லிஸ்ட் முற்றிலும் நீக்கப்படும் என்று எதிர்ர்பார்க்கப்படுகிறது.
சேனலை கிளிக் செய்து பின்தொடரவும்
