”அவருக்கு இந்த கார் தான் பிடிக்கும்” மன்மோகன் சிங்கின் எளிமையை நினைவுகூர்ந்த முன்னாள் பாடிகார்டு!
முன்னாள் பிரதமர் மன்மோகன் சிங்கின் மறைவுக்குப் பிறகு, அவரது மெய்க்காப்பாளராகப் பணியாற்றிய அசிம் அருண், சிங்கின் எளிமையைப் பற்றிய நினைவுகளைப் பகிர்ந்துள்ளார்.
Followஇந்தியாவின் பொருளாதார சீர்திருத்தங்களை உருவாக்கியவரும், அரசியலின் கடினமான உலகில் ஒருமித்த கருத்தை உருவாக்குபவருமான மன்மோகன் சிங் வியாழக்கிழமை இரவு காலமானார். அவருக்கு வயது 92. டெல்லியில் உள்ள எய்ம்ஸ் மருத்துவமனையில் இரவு 8.30 மணியளவில் அவசர சிகிச்சை பிரிவில் அனுமதிக்கப்பட்ட நிலையில் அவர் சிகிச்சை பலனின்றி உயிரிழந்தார். அவரின் மறைவு ஒட்டுமொத்த நாட்டையும் சோகத்தில் ஆழ்த்தி உள்ளது. பிரதமர் மோடி உள்ளிட்ட பல்வேறு அரசியல் தலைவர்கள், சினிமா விளையாட்டு பிரபலங்கள் என பல்வேறு தரப்பினரும் இரங்கல் தெரிவித்து வருகின்றனர்.
இந்த நிலையில் மன்மோகன் சிங் பிரதமராக இருந்தபோது சிறப்புப் பாதுகாப்புக் குழுவின் (SPG) தலைவராக பணியாற்றிய உத்தரபிரதேசத்தின் கன்னோஜ் சதாரின் எம்.எல்.ஏ.வான அசிம் அருண் அவரின் நினைவுகளை பகிர்ந்துள்ளார். தனது எக்ஸ் பக்கத்தில் பதிவிட்டுள்ள அவர் "2004ல் இருந்து கிட்டத்தட்ட மூன்று வருடங்கள் நான் அவருடைய மெய்க்காப்பாளராக இருந்தேன். பிரதமருக்கு SPG மிக உள் பாதுகாப்பு வளையத்தைக் கொண்டுள்ளது. நெருக்கமான பாதுகாப்புக் குழு, அதை நான் வழிநடத்தும் வாய்ப்பு கிடைத்தது.
அட! மன்மோகன் சிங் 4ம் வகுப்பு வரை இவ்வளவு மார்க் தான் எடுத்தாரா? ரேங்க் கார்டு இதோ!
ஆனால் மாருதிக்கு முன்னால் கான்வாய் செல்லும்போதெல்லாம், அவர் அதை எப்போதும் தனது மனதுக்கு இணங்கப் பார்ப்பார். நான் நடுத்தர வர்க்கத்தினன், சாமானியனைப் பற்றி கவலைப்படுவதே என் வேலை என்று ஒரு தீர்மானத்தை திரும்பத் திரும்ப சொல்வது போல. கோடிக்கணக்கான மதிப்புள்ள கார் பிரதமருக்கு சொந்தமானது, எனது கார் இந்த மாருதி என்று அவர் அடிக்கடி சொல்லுவார்" என குறிப்பிட்டுள்ளார்.
மன்மோகன் சிங் எப்போதும் நீல நிற தலைப்பாகை அணிந்தது ஏன்?; இதுக்கு பின்னால் இப்படி ஒரு காரணமா?
அருண் முன்னாள் இந்திய போலீஸ் சர்வீஸ் (ஐபிஎஸ்) அதிகாரி. அரசியலில் சேர 2022 ஜனவரியில் விருப்ப ஓய்வு பெற்றார். அவர் 2022 உபி சட்டமன்றத் தேர்தலில் கன்னோஜ் தொகுதியில் பாஜக வேட்பாளராக வெற்றிகரமாகப் போட்டியிட்டார். அருணின் இந்த பதிவு மறைந்த மன்மோகன் சிங்கின் எளிமையை பிரதிபலிக்கும் வகையில் அமைந்துள்ளது.
சேனலை கிளிக் செய்து பின்தொடரவும்
