எப்ஸ்டீன் சிறையில் எப்படி இறந்தார்? மருத்துவர் சொன்ன புதிய உண்மை.. அதிர்ச்சியில் முக்கிய தலைகள்

ஜெஃப்ரி எப்ஸ்டீனின் 2019 சிறை மரணம் தற்கொலை என அதிகாரப்பூர்வமாக அறிவிக்கப்பட்டாலும், உடற்கூறு பரிசோதனையை கவனித்த மருத்துவரின் புதிய தகவல், சர்ச்சையை மீண்டும் கிளப்பியுள்ளது.

Image Credit : Getty

ஜெஃப்ரி எப்ஸ்டீன் மரணம்

ஜெஃப்ரி எப்ஸ்டீன் மரணம் குறித்து மீண்டும் சர்ச்சை கிளம்பியுள்ளது. 2019 ஆகஸ்ட் மாதம் நியூயார்க் சிறையில் அவர் மரணமடைந்தபோது, அது தற்கொலை என அதிகாரப்பூர்வமாக அறிவிக்கப்பட்டது. ஆனால் தற்போது உடற்கூறு பரிசோதனையை கவனித்த மருத்துவர் வெளியிட்ட தகவல் புதிய சந்தேகத்தை உருவாக்கியுள்ளது.

Image Credit : X

எப்ஸ்டீன் தற்கொலை சர்ச்சை

அந்த நேரத்தில் நியூயார்க் நகர முதன்மை மருத்துவ ஆய்வாளர் அலுவலகம் தூக்கிட்டு தற்கொலை செய்ததாக தீர்மானித்தது. இருப்பினும், சிறை கண்காணிப்பு முறைகளில் இருந்த குறைபாடுகள் மற்றும் பாதுகாப்பு தவறுகள் பொதுமக்கள் மத்தியில் கேள்விகளை எழுப்பின.

Image Credit : X

உடற்கூறு அறிக்கை

உடற்கூறு பரிசோதனையில் பார்வையாளராக இருந்த மருத்துவர் மைக்கேல் பேடன், காயங்களின் தன்மை தூக்கிட்டு தற்கொலை செய்ததை விட கழுத்தை நெரித்ததற்கு ஒத்ததாக உள்ளது என்று தெரிவித்துள்ளார். முழுமையான விசாரணை தேவைப்படுகின்றது என்றும் அவர் வலியுறுத்தியுள்ளார். அமெரிக்க நீதி துறை வெளியிட்ட பல லட்ச ஆவணங்கள் இந்த விவாதத்தை மீண்டும் தீவிரப்படுத்தியுள்ளன.

Image Credit : Getty

எப்ஸ்டீன் வழக்கு அப்டேட்

எப்ஸ்டீனின் சட்ட அணியும் அதிகாரப்பூர்வ முடிவில் திருப்தியில்லை என முன்பே தெரிவித்திருந்தது. அதிகாரப்பூர்வமாக இது தற்கொலை என முடிவு செய்யப்பட்டிருந்தாலும், பொதுமக்கள் மத்தியில் சந்தேகம் தொடர்ந்து நிலவுகிறது. இந்நிலையில், வழக்கு மீண்டும் திறக்கப்படுமா என்ற கேள்வி எழுந்துள்ளது.