கதிர் என நினைத்து சக்தியிடம் மொத்த உண்மையை உளறிய வளவன்! 'எதிர்நீச்சல்' சீரியலின் பரபரப்பான அப்டேட்!

'எதிர்நீச்சல்' சீரியலின் இன்றைய ப்ரோமோ வெளியாகி அடுத்து என்ன நடக்கும்? என்கிற எதிர்பார்ப்பை ஏற்படுத்தியுள்ளது. 

ஜீவானந்தத்தின் மனைவியை குணசேகரன் தான் ஏதாவது செய்திருக்க வேண்டும் என்கிற சந்தேகத்தில் ஜனனி, நந்தினி, ரேணுகா, ஆகியோர் உள்ள நிலையில்... அதனை உறுதி செய்யும் விதமாக இன்றைய ப்ரோமோ வெளியாகி, அடுத்து என்ன நடக்கும் என்கிற எதிர்பார்ப்பை தூண்டி உள்ளது.

ஒவ்வொரு நாளும் எதிர்பாராத திருப்பங்களுடன் சன் டிவியில் ஒளிபரப்பாகி வருகிறது எதிர்நீச்சல் சீரியல். நேற்றைய எபிசோடில் குணசேகரனால் வீட்டு சிறை வைக்கப்பட்ட அப்பத்தா காணாமல் போக, அவரை ஒரு பக்கம் ஜனனியும், இன்னொரு பக்கம் குணசேகரனும் வலைவீசி தேடிக் கொண்டிருக்கின்றனர். அப்போது அப்பத்தா நீதிபதியின் வீட்டில் இருப்பதாக ஜனனிக்கு மெசேஜ் செய்து அவரை அங்கு வர வைத்து நீதிபதியிடம் தன்னை பற்றிய முழு விவரங்களையும் கூறுகிறார்.

அதே போல் ஜீவானந்தத்திற்கு தன்னுடைய சொத்துக்களை எழுதிக் கொடுத்தது நான் தான் என கூறுகிறார். பின்னர் அந்த இடத்திற்கு வரும் குணசேகரன்... அப்பத்தா, ஜீவானந்தம், ஜனனி, ஆகிய மூவரையும் ஒரே இடத்தில் பார்த்ததால் கடும் கோபத்திற்கு ஆளாகிறார். அப்போது அப்பத்தா செம்ம கெத்தாக, "ஏய் குணசேகரா நிறுத்து என கூறி, இந்த கேசை ரீஇன்வெஸ்டிகேட் பண்ண நீதிபதியிடம் கூறியுள்ளதாக தெரிவிக்கிறார். இனிமேல் நீ ஒன்னும் பண்ண முடியாது என பழைய ஃபாமில் அப்பத்தா கூறிய ஸ்டைல் வேற ரகம்.

ஆனால் குணசேகரனோ "நான் அழிஞ்சாலும் பரவால்ல, உங்களையும் அழிக்காம போக மாட்டேன் என தன்னுடைய கோபத்தை காட்ட, அவரை ஒரு வழியாக சமாதானம் செய்து அங்கிருந்து அழைத்து செல்கிறார் ஞானம். பின்னர் இன்றைய புரோமோவில்... "காரில் போய்க்கொண்டிருக்கும் போது அப்பத்தா, ஜீவானந்தம் ஆகியோரை என்ன தான் சார் செய்வது என வழக்கறிஞர்களிடம் குணசேகரன் ஆலோசனை கேட்க... அதற்கு வழக்கறிஞர்கள் இருவருமே இப்போதைக்கு அவங்கள ஒன்னும் பண்ண முடியாது என கூறுகிறார்.

இதைத் தொடர்ந்து கதிரின் போனுக்கு ஒரு கால் வருகிறது. அந்த இடத்தில் கதிர் இல்லாததால் அந்த போனை சக்தி எடுத்துப் பேசுகிறார். அப்போது அவரிடம் பேசும் வளவன், "டேய் கதிர் ஜீவானந்தம் பயலே உங்க பேச்சு கேட்டுகிட்டு நான் சுட்டனா இல்லையா? பிளான் மிஸ் ஆகி அவன் பொண்டாட்டி செத்துப் போயிட்டா என்று சொல்ல, இதைக் கேட்ட ரேணுகா, ஈஸ்வரி, ஜனனி, சக்தி ஆகிய அனைவருமே ஒரு நிமிடம் அதிர்ந்து போகின்றனர். மேலும் அடுத்ததாக ஜனனியின் மூவ் எப்படி இருக்கும் என்கிற எதிர்பார்ப்பும் எழுந்துள்ளது.