விடைபெற்றார் சுபாஷினி.. ஆனால் இறுதிப் பயணம் முடக்கம்! கடைசி நேரத்தில் கிளம்பிய சர்ச்சை.. காரணம் என்ன?

Subashini Death and Funeral Updates: மறைந்த சுபாஷினியின் இறுதிப் பயணம் திடீரென முடக்கப்பட்ட சம்பவம் பெரும் பரபரப்பை ஏற்படுத்தியுள்ளது. இறுதிச் சடங்குகள் நிறுத்தப்பட்டதற்கான உண்மையான காரணம் என்ன?

Image Credit : X

விடைபெற்றார் சுபாஷினி.. ஆனால் இறுதிப் பயணம் முடக்கம்

தமிழ் சின்னத்திரையில் 'கயல்' உள்ளிட்ட பிரபலமான சீரியல்களில் நடித்து வந்தவர் நடிகை சுபாஷினி (36). இவர் இலங்கைத் தமிழராக இருந்தாலும், நடிப்பின் மீது இருந்த ஆர்வத்தால் சென்னை போரூர் அருகே உள்ள அய்யப்பன்தாங்கல் பகுதியில் வாடகைக்கு வீடு எடுத்து தங்கி நடித்து வந்தார். இவருக்கும் பெங்களூரைச் சேர்ந்த பிபின் சந்திரன் என்பவருக்கும் கடந்த 2024-ம் ஆண்டு ஏப்ரல் மாதம் திருமணம் நடைபெற்றது. இந்நிலையில், கடந்த ஏப்ரல் 6-ம் தேதி (2026) சுபாஷினி தனது வீட்டில் தூக்கிட்ட நிலையில் சடலமாகக் கண்டெடுக்கப்பட்டது திரையுலகையே உலுக்கியுள்ளது.

Image Credit : Social Media

சுபாஷினி இறுதிச் சடங்கு சர்ச்சை

காவல் துறையினரின் முதற்கட்ட விசாரணையில், தற்கொலைக்கு முன்னதாக சுபாஷினி பெங்களூரில் இருந்த தனது கணவருடன் வீடியோ காலில் பேசிக்கொண்டிருந்ததும், அப்போது அவர்களுக்குள் ஏற்பட்ட கடும் வாக்குவாதமே இந்த விபரீத முடிவுக்குக் காரணம் என்றும் தெரியவந்துள்ளது. சுபாஷினியின் இரண்டாவது திருமண ஆண்டு விழா மற்றும் அவரது பிறந்தநாள் (ஏப்ரல் 12) மிக அருகில் இருந்த நிலையில், இந்தச் சம்பவம் உறவினர்களிடையே பெரும் சோகத்தை ஏற்படுத்தியுள்ளது.

Image Credit : Asianet News

சுபாஷினி மரணம் பின்னணி

தற்போது சுபாஷினியின் மரணத்தை விடவும் ஒரு பெரும் துயரம் அவரது குடும்பத்தினரை வாட்டி வருகிறது. அது, அவரது உடலைச் சொந்த ஊரான இலங்கைக்குக் கொண்டு செல்வதில் எழுந்துள்ள சட்டச் சிக்கல். பொதுவாக வெளிநாட்டவர் ஒருவர் இந்தியாவில் உயிரிழந்தால், அவரது உடலை விமானம் மூலம் கொண்டு செல்ல கடுமையான விதிமுறைகள் உள்ளன. சுபாஷினியின் விவகாரத்தில், காவல் துறையினர் பதிவு செய்துள்ள முதல் தகவல் அறிக்கையில் (FIR) உள்ள பெயருக்கும், அவரது பாஸ்போர்ட்டில் உள்ள பெயருக்கும் இடையே எழுத்துப் பிழை அல்லது முரண்பாடு இருப்பதாகக் கூறப்படுகிறது.

Image Credit : Social Media

இறுதிப் பயணம் ரத்து காரணம்

சர்வதேச விமான போக்குவரத்து மற்றும் தூதரக விதிமுறைகளின் படி, பாஸ்போர்ட்டில் உள்ள விவரங்களும் இதர சட்டப்பூர்வ ஆவணங்களும் நூறு சதவீதம் ஒத்துப்போனால் மட்டுமே 'தடையின்மைச் சான்றிதழ்' (NOC) வழங்கப்படும். தற்போது எழுந்துள்ள இந்த விபரீதமான பெயர்க் குழப்பத்தால், உடலைத் தாயகத்திற்குக் கொண்டு செல்ல இந்திய மற்றும் இலங்கை அதிகாரிகளிடையே இழுபறி நீடிக்கிறது.

Image Credit : Instagram

Subashini death news Tamil

சென்னையில் உள்ள அவரது குடும்பத்தினர் மற்றும் நண்பர்கள் இந்தச் சட்டப் போராட்டத்தைத் தீர்க்கத் தீவிரமாகப் போராடி வருகின்றனர். ஒருபுறம் மகளை இழந்த துயரம், மறுபுறம் அவர் பிறந்த மண்ணில் அடக்கம் செய்ய முடியாத சட்டச் சிக்கல் என அவரது குடும்பத்தினர் நிலைகுலைந்து போயுள்ளனர். நீதிமன்றம் அல்லது இலங்கை தூதரகம் உடனடியாகத் தலையிட்டு, இந்தத் தொழில்நுட்பப் பிழையைச் சரிசெய்தால் மட்டுமே சுபாஷினியின் இறுதிப் பயணம் நிறைவடையும்.