'இலக்கியா' சீரியலில் இருந்து வெளியேறிய பிரபல நடிகர்! இனி அவருக்கு பதில் நடிக்க உள்ளது யார் தெரியுமா?
இலக்கியா தொடரில் நடித்து வரும், முக்கிய பிரபலம் ஒருவர் அந்த சீரியலில் இருந்து விலக உள்ளதாகவும், அவருக்கு பதில் நடிக்க உள்ள மற்றொரு பிரபலம் குறித்த தகவலும் தற்போது வெளியாகியுள்ளது.
சன் டிவி தொலைக்காட்சியில், மதிய நேரத்தில் ஒளிபரப்பாகி வரும் முக்கிய தொடர்களில் ஒன்று இலக்கியா. ஹிமா பிந்து கதாநாயகியாக நடிக்கும் இந்த சீரியலில், சித்தி 2 சீரியல் நடிகர் நந்தன் லோகநாதன் ஹீரோவாக நடித்து வருகிறார். விறுவிறுப்பான கதைக்களத்துடன் ஒளிபரப்பாகி வரும் இந்த சீரியலில், முக்கிய கதாபாத்திரத்தில், ரூபாஸ்ரீ, மீனா வேமுறி, சுஷ்மா நாயர், ஜெய் ஸ்ரீனிவாசா, காயத்ரி ப்ரியா உள்ளிட்ட பலர் நடித்து வருகிறார்கள்.
ஹீரோவுக்கு தம்பி கதாபாத்திரத்தில் நடித்து வரும் ஜெய் ஸ்ரீனிவாசா, தற்போது 'இலக்கியா' சீரியலில் இருந்து விலக உள்ளதை அறிவித்துள்ளார். இவர் விரைவில் ஒளிபரப்பாக உள்ள புதிய தொடர் ஒன்றில், ஹீரோவாக நடிக்க உள்ள நிலையில், தற்போது இந்த சீரியலில் இருந்து விலகி உள்ளதாக கூறப்படுகிறது. இவருக்கு பதிலாக இனி சுந்தரி சீரியலில், கிருஷ்ணா கதாபாத்திரத்தில் நடித்து வரும், நடிகர் அரவிஷ் நடிக்க உள்ளார்.
இதுகுறித்து இன்ஸ்டாகிராம் பக்கத்தில் அவர் கூறியுள்ளதாவது, "அனைவருக்கும் வணக்கம், நான் இலக்கியா சீரியலில் இருந்து அதிகாரப்பூர்வமாக விலகுகிறேன் என்பதை உங்களுக்குத் தெரிவிக்க விரும்புகிறேன்... இலக்கியா சீரியலில், கார்த்திக் கதாபாத்திரத்தை எனக்கு கொடுத்ததற்கு நன்றி... ஹிமா பிந்து, நந்தன் லோகநாதன் மற்றும் ரூபாஸ்ரீ ஆகியோரை நான் மிகவும் மிஸ் செய்கிறேன் என தெரிவித்திருந்தார்.
இவருக்கு பதிலாக இனி, அரவிஷ் நடிக்க உள்ளார். இது நாள் வரை...கார்த்திக் கதாபாத்திரத்திற்கு பெரிய முக்கியத்துவம் கொடுக்கப்படவில்லை என்றாலும், இதுவரும் நாட்களில், கார்த்திக் கதாபாத்திரம் முக்கிய கதாபாத்திரமாக மாற்றப்பட உள்ளதாக கூறப்படுகிறது.
