Cooku with Comali: CWC 7 ஆரம்பம்! பிக்பாஸ் போட்டியாளர்கள் உள்ளே! இந்த முறை லிஸ்ட்ல யார் யார் இருக்காங்க தெரியுமா?

'குக் வித் கோமாளி சீசன் 7' பிக்பாஸ் 9 முடிந்த பிறகு மே மாதம் தொடங்க வாய்ப்புள்ளது. செஃப் தாமு, மாதம்பட்டி ரங்கராஜ் நடுவர்களாகவும், புகழ், குரேஷி போன்றோர் கோமாளிகளாகவும் தொடர அதிக வாய்ப்புள்ளது. 

Image Credit : instagram

குக் வித் கோமாளி சீசன் 7 சீக்ரெட்

விஜய் தொலைக்காட்சியின் மிகவும் பிரபலமான மற்றும் ரசிகர்களால் ஆவலோடு எதிர்பார்க்கப்படும் நிகழ்ச்சி 'குக் வித் கோமாளி'. தற்போது பிக்பாஸ் சீசன் 9 வெற்றிகரமாக நிறைவடைந்துள்ள நிலையில், அடுத்ததாக 'குக் வித் கோமாளி சீசன் 7' எப்போது தொடங்கும் என்ற எதிர்பார்ப்பு சமூக வலைதளங்களில் சூடுபிடித்துள்ளது.

Image Credit : youtube/vijaytelevision

எப்போது தொடங்குகிறது சீசன் 7?

வழக்கமாக பிக்பாஸ் நிகழ்ச்சி முடிந்த சில மாதங்களிலேயே குக் வித் கோமாளி தொடங்குவது வழக்கம். கடந்த சீசன்களைக் கணக்கிடும்போது, பிக்பாஸ் முடிந்ததற்கும் குக் வித் கோமாளி ஆரம்பிப்பதற்கும் இடையே சுமார் 3 முதல் 4 மாதங்கள் இடைவெளி இருக்கும். அந்த வகையில், மே மாத தொடக்கத்தில் சீசன் 7 ஒளிபரப்பாக வாய்ப்புள்ளதாகத் தகவல்கள் தெரிவிக்கின்றன. இதற்கான அதிகாரப்பூர்வ அறிவிப்பு ஏப்ரல் மாதத்தில் வெளியாகும் என எதிர்பார்க்கப்படுகிறது.

Image Credit : youtube/vijaytelevision

நடுவர்கள் மற்றும் கோமாளிகள்: யார் யார் வரப்போகிறார்கள்?

இந்த நிகழ்ச்சியின் மிகப்பெரிய பலமே அதன் நடுவர்கள் தான். சீசன் 7-லும் வழக்கம் போல செஃப் தாமு நடுவராகத் தொடர்வார் எனத் தெரிகிறது. அவருடன் கடந்த சீசன்களில் கலக்கிய மாதம்பட்டி ரங்கராஜ் மற்றும் செஃப் கௌசிக் சங்கர் ஆகியோரும் இந்த முறையும் நடுவர் இருக்கையில் அமர அதிக வாய்ப்புகள் உள்ளன. கோமாளிகளைப் பொறுத்தவரை, ரசிகர்களின் ஃபேவரைட் முகங்களான புகழ், குரேஷி, சுனிதா மற்றும் சரத் ஆகியோர் இந்த சீசனிலும் நம்மைச் சிரிக்க வைக்கப் போவது கிட்டத்தட்ட உறுதியாகியுள்ளது. இவர்களுடன் புதிய சில கோமாளிகளும் களமிறங்கலாம் என்று கூறப்படுகிறது.

Image Credit : Instagram/vijay tv

போட்டியாளர்கள் பட்டியலில் இருக்கும் நட்சத்திரங்கள்

இந்த முறை குக் வித் கோமாளி மேடையில் போட்டியாளர்களாக யார் கலந்துகொள்ளப் போகிறார்கள் என்பது தான் பெரும் விவாதமாக உள்ளது. சமீபத்தில் முடிந்த பிக்பாஸ் சீசன் 9-ல் பிரபலமான சில போட்டியாளர்கள் இதில் கலந்து கொள்ள வாய்ப்பு இருப்பதாகத் தகவல்கள் கசிந்துள்ளன. மேலும், விஜய் டிவியின் முன்னணி சீரியல் நடிகர், நடிகைகள் மற்றும் சில திரைப்படத் துணை நடிகர்களிடமும் பேச்சுவார்த்தை நடந்து வருவதாகத் தெரிகிறது.

Image Credit : Asianet News

ரசிகர்களின் எதிர்பார்ப்பு

சமையலோடு நகைச்சுவையும் கலந்த ஒரு முழுமையான பொழுதுபோக்கு நிகழ்ச்சியாக 'குக் வித் கோமாளி' இருப்பதால், குடும்பம் குடும்பமாக மக்கள் இதனைப் பார்க்கக் காத்திருக்கின்றனர். தற்போது டிவியில் பெரிய ரியாலிட்டி ஷோக்கள் எதுவும் இல்லாத நிலையில், சீசன் 7 குறித்த ஒவ்வொரு சிறு தகவலும் ரசிகர்களிடையே பெரும் உற்சாகத்தை ஏற்படுத்தி வருகிறது.  விரைவில் விஜய் டிவி இதற்கான அதிகாரப்பூர்வ அறிவிப்பை வெளியிட்டு, ரசிகர்களின் காத்திருப்புக்கு முற்றுப்புள்ளி வைக்கும் என எதிர்பார்க்கப்படுகிறது.

Image Credit : our own

புதிய எதிர்பார்ப்புகளுடன் சீசன் 7!

குக் வித் கோமாளி சீசன் 7 இந்த முறை வெறும் சமையல் போட்டியாக மட்டுமில்லாமல், பல அதிரடி மாற்றங்களுடன் வரப்போவதாகத் தெரிகிறது. குறிப்பாக, 'மணிமேகலை - பிரியங்கா' விவகாரத்திற்குப் பிறகு இந்த சீசனில் தொகுப்பாளர் யார் என்ற ஆர்வம் ரசிகர்களிடையே அதிகமாக உள்ளது. மேலும், பிக்பாஸ் சீசன் 9 டைட்டில் வின்னர் திவ்யா கணேஷ் அல்லது ரன்னர்-அப் சபரீசன் ஆகியோரில் ஒருவர் போட்டியாளராக வரக்கூடும் என்ற பேச்சும் அடிபடுகிறது. கோமாளிகள் மற்றும் குக்குகளுக்கு இடையே புதிய காம்போக்கள் அமையப்போவதால், இந்த சீசன் வழக்கத்தை விட அதிக கலகலப்பாக இருக்கும் என்பதில் சந்தேகமில்லை. விஜய் டிவியின் அதிகாரப்பூர்வ அறிவிப்பு வந்தவுடன், இந்த கோடைக்காலம் 'குக் வித் கோமாளி' ரசிகர்களுக்குக் கொண்டாட்டமாக அமையப்போவது உறுதி!