ரசிகர்களின் மனம்கவர்ந்த குக் வித் கோமாளி நிகழ்ச்சி இந்த சீசனோடு நிறுத்தப்படுகிறதா..! வெளியான அதிர்ச்சி தகவல்

ரசிகர்களின் பேவரைட் ரியாலிட்டி ஷோவான குக் வித் கோமாளி நிகழ்ச்சி 4-வது சீசனோடு முடிவடைந்துள்ளதாக தகவல் வெளியாகி உள்ளது.

cook with comali

சமையல் நிகழ்ச்சி என்றாலே மிகவும் பரபரப்பான ஒன்றாக இருக்கும். ஆனால் அதற்கெல்லாம் அப்படியே உல்டாவாக நடத்தப்பட்ட ஒரு நிகழ்ச்சி தான் குக் வித் கோமாளி. சமையல் நிகழ்ச்சியை காமெடியாக நடத்த முடியும் என்பதை நிரூபித்து காட்டியதோடு வெற்றியும் கண்டுள்ளது இந்நிகழ்ச்சி. குக் வித் கோமாளி இதுவரை 4 சீசன்கள் முடிவடைந்துள்ளது. இந்த நான்கு சீசன்களுமே மக்கள் மத்தியில் வேறலெவல் வரவேற்பை பெற்று வெற்றிகண்டுள்ளது.

குக் வித் கோமாளி நிகழ்ச்சியின் முதல் சீசனில் வனிதா டைட்டில் வின்னர் ஆனார். இதையடுத்து இரண்டாவது சீசனில் கனியும், மூன்றாவது சீசனில் ஸ்ருதிகாவும் டைட்டிலை தட்டிச் சென்றனர். குக் வித் கோமாளி நிகழ்ச்சியின் 4-வது சீசன் நேற்றுடன் முடிவடைந்தது. இந்நிகழ்ச்சியில் மைம் கோபி, சிவாங்கி, விசித்ரா, ஸ்ருஷ்டி டாங்கே, கிரண், ஆண்ட்ரியன் ஆகியோர் இறுதிப்போட்டிக்கு முன்னேறினர். இந்த ஆறு போட்டியாளர்களுக்கு இடையே தான் இறுதிப்போட்டி நடைபெற்றது.

இதில் அசத்தலாக சமைத்து நடுவர்களின் பாராட்டுக்களை பெற்ற மைம் கோபி டைட்டில் வின்னராக அறிவிக்கப்பட்டார். அவருக்கு ரூ.10 லட்சம் பரிசுத் தொகையோடு கோப்பையும் வழங்கப்பட்டது. குக் வித் கோமாளி வரலாற்றில் ஆண் போட்டியாளர் டைட்டில் வெல்வது இதுவே முதன்முறையாகும். இதற்கு அடுத்தபடியாக ஸ்ருஷ்டிக்கு இரண்டாம் இடமும், விசித்ராவுக்கு மூன்றாம் இடமும் கிடைத்தது. ரசிகர்களின் மனம்கவர்ந்த போட்டியாளரான சிவாங்கிக்கு எந்த பரிசும் கிடைக்கவில்லை.

இதையும் படியுங்கள்... புதிய பரிமாணம் எடுத்ததில் மகிழ்ச்சி.. கொஞ்ச காலத்துக்கு நான் வில்லன் இல்ல - அர்ஜூன்தாஸ் பேட்டி! வீடியோ!

டிஆர்பியில் சக்கைப்போடு போட்டு வந்த இந்நிகழ்ச்சி தற்போது முடிவுக்கு வந்துள்ளதால் ரசிகர்கள் கவலையடைந்துள்ளனர். அவர்களுக்கு மேலும் ஒரு ஷாக்கிங் நியூஸும் காத்திருக்கிறது. அது என்னவென்றால், இந்த நான்காவது சீசனோடு குக் வித் கோமாளி நிகழ்ச்சி முடிவுக்கு வந்துள்ளதாக தகவல் வெளியாகி உள்ளது. இனி குக் வித் கோமாளி நிகழ்ச்சி நடத்தப்படாது என்றும் அதற்கு பதிலாக அடுத்த ஆண்டு முதல் கிச்சன் சூப்பர்ஸ்டார் என்கிற சமையல் நிகழ்ச்சி நடத்தப்பட உள்ளதாகவும் கூறப்படுகிறது.

குக் வித் கோமாளி நிகழ்ச்சிக்கு பதில் வேறு ஒரு சமையல் நிகழ்ச்சி வந்தாலும், அது குக் வித் கோமாளி போல் இருக்குமா என்பது சந்தேகமே. குக் வித் கோமாளி நிகழ்ச்சியின் வெற்றிக்கு முக்கிய காரணமாக இருந்தது சிவாங்கி, பாலா, புகழ் மற்றும் மணிமேகலை தான். இவர்கள் அனைவருமே இந்த சீசனோடு விலக உள்ளதால் குக் வித் கோமாளியை நிறுத்த முடிவு செய்துவிட்டார்களா என்கிற கேள்வியும் எழுகிறது. இருப்பினும் இதுகுறித்து குக் வித் கோமாளி நிகழ்ச்சி குழுவினர் தரப்பில் இருந்து எந்த ஒரு அப்டேட்டும் வெளியாகவில்லை என்பது குறிப்பிடத்தக்கது.

இதையும் படியுங்கள்... திரையுலகில் 30 ஆண்டுகால பயணம்.. "ஜென்டில் மேன்" சங்கருக்கு குவியும் வாழ்த்து - மகள் அதிதி போட்ட போஸ்ட்!