வாட்ஸ்அப்புக்கே டஃப் கொடுக்க வரும் யூடியூப்! 7 வருஷத்துக்குப் பிறகு மீண்டும் வரும் அந்த 'சீக்ரெட்' வசதி!

YouTube யூடியூப் தளத்தில் பயனர்கள் நேரடியாக மெசேஜ் செய்யும் புதிய சாட்டிங் வசதி மீண்டும் வரவுள்ளது. இதன் முழு விவரங்களை இங்கே தெரிந்துகொள்ளுங்கள்.சீக்ரெட்' வசதி!

Image Credit : Gemini

YouTube

வீடியோக்களைப் பார்ப்பதற்கும் பொழுதுபோக்குவதற்கும் உலகளவில் அதிகம் பயன்படுத்தப்படும் தளங்களில் ஒன்று யூடியூப் (YouTube). நாம் ஒரு சுவாரஸ்யமான வீடியோவைப் பார்த்தால், உடனே அதை வாட்ஸ்அப் அல்லது இன்ஸ்டாகிராமில் நண்பர்களுக்குப் பகிர்வது வழக்கம். ஆனால், இனிமேல் அந்த அவசியமே இருக்காது! ஆம், யூடியூப் தளம் தனது பயனர்களுக்காக 'டைரக்ட் மெசேஜிங்' (Direct Messaging) எனப்படும் சாட்டிங் வசதியை மீண்டும் கொண்டுவர திட்டமிட்டுள்ளது.

Image Credit : Getty

2019-ல் நிறுத்தப்பட்ட வசதி மீண்டும் ஏன்?

கடந்த 2019 ஆம் ஆண்டு வரை யூடியூப் தளத்தில் பயனர்கள் தங்களுக்குள் மெசேஜ் செய்துகொள்ளும் வசதி இருந்தது. ஆனால், மக்கள் வீடியோக்களைப் பகிரவும், சாட் செய்யவும் பிற சமூக வலைத்தளங்களை அதிகமாகப் பயன்படுத்தத் தொடங்கியதால், அந்த வசதியை யூடியூப் நிறுவனம் அப்போது நிறுத்தியது.

தற்போதைய காலகட்டத்தில் பயனர்களின் தேவைகள் மாறியுள்ள நிலையில், ஆப்பிற்கு உள்ளேயே வீடியோக்களைப் பகிர்ந்துகொண்டு கலந்துரையாட வசதியாக இந்த 'டைரக்ட் மெசேஜிங்' அம்சத்தைப் புதிய பொலிவுடன் மீண்டும் கொண்டுவர யூடியூப் தற்போது முடிவு செய்துள்ளது.

Image Credit : AI Generated

ரகசியமாக நடக்கும் சோதனை!

இந்த புதிய சாட்டிங் வசதியானது தற்போது குறிப்பிட்ட சில பயனர்களுக்கு மட்டும் சோதனை முறையில் (Testing Phase) வழங்கப்பட்டுள்ளது. இதன் மூலம், பயனர்கள் வீடியோக்களை நேரடியாக நண்பர்களுக்கு அனுப்புவதோடு, ஆப்பை விட்டு வெளியேறாமலேயே சாட் செய்து மகிழலாம். நண்பர்களுடன் விவாதிக்கவும், புதிய வீடியோக்களைப் பரிந்துரைக்கவும் இது பெரிதும் உதவும்.

பயனர்கள் இந்த வசதியை எந்த அளவுக்குப் பயன்படுத்துகிறார்கள், இது அவர்களின் ஈடுபாட்டை (Engagement) அதிகரிக்கிறதா என்பதைப் பொறுத்து, விரைவில் உலகளவில் உள்ள அனைத்து பயனர்களுக்கும் இந்த அப்டேட் வழங்கப்படும் என எதிர்பார்க்கப்படுகிறது.

Image Credit : Getty

ஷார்ட்ஸ் பிரியர்களுக்கு AI Remix அப்டேட்!

சாட்டிங் வசதி ஒருபுறம் இருக்க, ஷார்ட்ஸ் (Shorts) வீடியோக்களை உருவாக்குபவர்களுக்காக 'ஏஐ ரீமிக்ஸ்' (AI Remix) என்ற புதிய தொழில்நுட்பத்தையும் யூடியூப் அறிமுகம் செய்துள்ளது. இதன் மூலம், ஏற்கனவே இருக்கும் வீடியோக்களைப் பயன்படுத்தி புதிய வீடியோக்களை மிக எளிதாக உருவாக்க முடியும்.

தற்போது ஆங்கிலத்தில் கன்டென்ட் (Content) உருவாக்கும் சிலருக்கு மட்டுமே இந்த AI Remix வசதி கிடைத்துள்ளது. விரைவில் இது அனைத்து மொழிகளிலும் விரிவுபடுத்தப்படும். யூடியூபின் இந்த அடுத்தடுத்த அதிரடி அப்டேட்கள் நெட்டிசன்கள் மத்தியில் பெரும் எதிர்பார்ப்பை ஏற்படுத்தியுள்ளன.