வாட்ஸ்அப் மெசேஜ் ரியாக்ஷனில் சூப்பர் வசதி! உடனே அப்டேட் பண்ணுங்க!
WhatsApp Latest Update: சமீபத்திய அப்டேட்டில் வாட்ஸ்அப் பல புதிய அம்சங்களை வெளியிட்டுள்ளது. டபுள் டாப் மூலம் மெசேஜ் ரியாக்ஷன்கள் எளிமை ஆக்கப்பட்டுள்ளன. செல்ஃபி ஸ்டிக்கர்கள், பகிரக்கூடிய ஸ்டிக்கர் பேக் போன்றவையும் அறிமுகமாகியுள்ளன.
WhatsApp Latest Update
வாட்ஸ்அப் பயனர் அனுபவத்தை மேம்படுத்தும் நோக்கில் புதிய அம்சங்களுடன் ஒரு அப்டேட்டை வெளியிட்டுள்ளது. புதிய அப்டேட் பயனர்கள் தங்கள் மொபைல் கேமராவைப் பயன்படுத்தி ஸ்டிக்கர்களை உருவாக்க அனுமதிக்கிறது. செல்ஃபிக்களுக்கான புதிய கேமரா எஃபெக்டுகளும் அறிமுகமாகியுள்ளன. விரைவான மெசேஜ் ரியாக்ஷன் வசதியும் சேர்க்கப்பட்டுள்ளது.
WhatsApp News
வாட்ஸ்ஆப் அப்டேட்டில் புதிய கேமரா எஃபெக்டுகள் இடம்பெற்றுள்ளன. 30 புதிய பின்னணிகள் மற்றும் ஃபில்டர்களில் போட்டோ அல்லது வீடியோக்களை எடுக்கலாம். இந்த அப்பேட் உரையாடலை மேம்படுத்துவதற்கு கூடுதல் வாய்ப்புகளை வழங்குகின்றன.
WhatsApp Tips and Tricks
மற்றொரு புதிய அம்சம் செல்ஃபி ஸ்டிக்கர்கள். "ஸ்டிக்கரை உருவாக்கு" ஐகானைத் தட்டி கேமராவைப் பயன்படுத்தி, பயனர்கள் தங்கள் செல்ஃபிகளை ஸ்டிக்கர்களாக மாற்றலாம். இந்த அம்சம் தற்போது ஆண்ட்ராய்டு பயனர்களுக்குக் கிடைக்கிறது. விரைவில் iOS பயனர்களுக்கும் கிடைக்கும் என எதிர்பார்க்கப்படுகிறது.
WhatsApp New Features
வாட்ஸ்அப் ஸ்டிக்கர் பேக்குகளைப் பகிரும் வசதியையும் எளிதாக்கியுள்ளது. பயனர்கள் இப்போது அரட்டைகளில் தங்களுக்குப் பிடித்த ஸ்டிக்கர் பேக்குகளை எளிதாகப் பகிர்ந்துகொள்ளலாம். ஸ்டிக்கர்களைக் கண்டறிந்து அனுப்பும் செயல்முறையை ஒழுங்குபடுத்தலாம்.
WhatsApp Updates
மற்றொரு பெரிய மாற்றம் விரைவான மெசேஜ் ரியாக்ஷன் வசதி. இப்போது பயனர்கள் ஒரு செய்தியை இருமுறை தட்டுவதன் மூலம் உடனடியாக அந்த மெசேஜுக்கு ரியாக்ஷன் செய்யலாம். இது அடிக்கடி பயன்படுத்தப்படும் ரியாக்ஷன்களை அணுகுவதை எளிதாக்குகிறது. பதிலைத் தட்டச்சு செய்ய வேண்டிய அவசியமின்றி உடனடியாக உணர்ச்சிகளை வெளிப்படுத்த இது உதவுகிறது.
WhatsApp Beta Users
தவறான தகவலை எதிர்த்துப் போராட உதவும் ரிவர்ஸ் இமேஜ் தேடல் (Reverse Image Search) அம்சத்தை வாட்ஸ்ஆப் சோதித்து வருகிறது. இந்த அம்சம் ஆரம்பத்தில் ஆண்ட்ராய்டு பீட்டாவில் கிடைக்கும், இப்போது வாட்ஸ்அப் வெப் பீட்டாவில் சோதனை செய்யப்பட்டு வருகிறது. இந்த அம்சம் பயனர்கள் தங்களுடன் பகிரப்பட்ட படங்களை கூகுளின் ரிவர்ஸ் இமேஜ் தேடலைப் பயன்படுத்தி சரிபார்க்க அனுமதிக்கிறது.
வாட்ஸ்அப் Communities என்ற டேபுக்குப் பதிலாக 'AIs' என்ற புதிய டேபை கொண்டுவரும் முயற்சியில் ஈடுபட்டுள்ளது. அதில் பயனர்கள் தங்கள் விருப்பம் போல AI சாட்போட்களை உருவாக்க முடியும். ChatGPT போன்ற ஜெனரேட்டிவ் AI சேவையை வழங்கும் புதிய Meta AI விட்ஜெட்டையும் உருவாக்கி வருகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
