Lightning Strike : வானத்தில் பறக்கும் விமானத்தின் மீது திடீரென இடி விழுந்தால் என்ன ஆகும்?

Lightning Strike : விமானங்கள் தினமும் வானத்தில் பறந்துகொண்டே இருக்கின்றன. அதேபோல, வானத்தில் இடி மின்னலும் சாதாரணமாக வரக்கூடியதுதான். ஒருவேளை, விமானத்தின் மீது இடி விழுந்தால் என்ன ஆகும் என்று எப்போதாவது யோசித்ததுண்டா?

Image Credit : Chatgpt

விமானம் மீது மின்னல் தாக்கினால் என்னவாகும்?

ஆயிரக்கணக்கான அடி உயரத்தில் பறக்கும் விமானத்தின் மீது மின்னல் தாக்குவது என்பது கற்பனைக்கே அச்சமூட்டும் விஷயமாகத் தோன்றலாம். மழைக்காலங்களில் மின்னல்களும் இடி முழக்கங்களும் சகஜம். அத்தகைய சூழலில் விமானத்தின் மீது மின்னல் தாக்கினால் பயணிகளின் நிலை என்னவாகும் என்ற கவலை பலருக்கு உண்டு. ஆனால், பறக்கும் விமானத்தின் மீது மின்னல் தாக்கினால் என்ன நடக்கும் என்பது பலருக்குத் தெரியாது. நவீன விமானங்கள் மின்னலையும் இடியையும் தாங்கும் வகையில் பிரத்யேகமாக வடிவமைக்கப்பட்டுள்ளன. உண்மையில், ஒரு விமானத்தின் மீது ஆண்டுக்கு ஒன்று அல்லது இரண்டு முறை மின்னல் தாக்க வாய்ப்புள்ளது. ஆனால், அதன் தாக்கம் விமானத்தில் இருப்பவர்களுக்குப் பெரிய அளவில் தெரிவதில்லை.

Image Credit : Getty

என்ன நடக்கும்?

விமானத்தின் மீது இடி தாக்கும்போது, அந்த மின்சாரம் அதன் வெளிப்புற உலோகப் பரப்பின் வழியாகவே பயணித்து வெளியேறிவிடும். இதை 'ஃபாரடே கேஜ்' விளைவு என்று சொல்வார்கள். இதனால் மின்சாரம் உள்ளே செல்லாது. பயணிகளும், ஊழியர்களும் பாதுகாப்பாக இருப்பார்கள். ஆனால், இடி தாக்கும்போது ஒரு பெரிய சத்தமும், விமானத்தில் ஒரு குலுக்கமும், பிரகாசமான ஒளியும் தெரிய வாய்ப்புள்ளது. அப்போது பைலட்கள் விமானத்தைக் கட்டுப்பாட்டில் வைத்து பயணத்தைத் தொடர்வார்கள்.

Image Credit : Getty

பாதிப்புகள் என்னென்ன?

முழுமையாக எந்த பாதிப்பும் இருக்காது என்று சொல்ல முடியாது. சில நேரங்களில், விமானத்தின் இறக்கைகள் அல்லது மூக்குப் பகுதியில் சேதம் ஏற்படலாம். நேவிகேஷன் மற்றும் கம்யூனிகேஷன் கருவிகள் பாதிக்கப்படலாம். இடி தாக்கிய பிறகு, விமானம் தரையிறங்கியதும் இன்ஜினீயர்கள் முழு விமானத்தையும் ஆய்வு செய்து, சேதங்களை சரிசெய்வார்கள். மேலும், ரேடார் கருவிகள் மோசமான வானிலையை முன்கூட்டியே கணிப்பதால், பைலட்கள் அந்தப் பாதையைத் தவிர்ப்பார்கள். எனவே, பயணிகள் பயப்படத் தேவையில்லை.