Smartphone Restart: ஒரு வருஷமா போனை ரீஸ்டார்ட் செய்யலையா? அப்போ என்ன ஆகும் தெரியுமா?
இப்போ நாம எல்லா வேலைக்கும் ஸ்மார்ட்போன்தான் யூஸ் பண்றோம். ஆனா, பல மாசமா போனை ரீஸ்டார்ட் பண்ணாமலேயே ஓட்டிட்டு இருப்போம். ஒருவேளை ஒரு வருஷமா போனை ரீஸ்டார்ட் பண்ணவே இல்லைனா என்ன ஆகும்னு தெரியுமா?
15
Image Credit : X
போனை ரீஸ்டார்ட் செய்வது ஏன் அவசியம்?
இப்போ வர்ற ஸ்மார்ட்போன்கள் ரொம்ப பவர்ஃபுல்லா இருந்தாலும், அதை தொடர்ந்து ஆஃப் செய்யாமலேயே பயன்படுத்த முடியாது. நீங்க போனை தொடர்ந்து பயன்படுத்தும்போது, பல ஆப்ஸ் பின்னணியில் இயங்கிக்கொண்டே இருக்கும். இதனால் தேவையில்லாத தற்காலிக ஃபைல்கள், கேச் டேட்டா (cache data) சேர்ந்துவிடும். போனை ஒருமுறை ரீஸ்டார்ட் செய்தால், இந்த தேவையில்லாத ஃபைல்கள் நீங்கி, போனின் வேகம் அதிகரிக்கும்.
ஏசியாநெட் தமிழ்-ஐ உங்கள் முதன்மைத் தேர்வாக்குங்கள்
25
Image Credit : Getty
ஒரு வருடம் ரீஸ்டார்ட் செய்யாவிட்டால் என்னென்ன பிரச்சனைகள் வரும்?
ஒரு வருஷமா போனை ரீஸ்டார்ட் செய்யலைன்னா உடனே போன் வீணா போகாது. ஆனா, நாள் ஆக ஆக சில சிக்கல்கள் வரும். முக்கியமா, RAM மீது அழுத்தம் அதிகமாகி போன் வேகம் குறையும். ஆப்ஸ் திறக்க அதிக நேரம் எடுக்கும், ஒரே நேரத்துல பல ஆப்ஸ் பயன்படுத்தும்போது போன் ஹேங் ஆகுற மாதிரி தோணும்.
35
Image Credit : Asianet News
ஆப்ஸ் ஹேங் ஆவது, பேட்டரி சீக்கிரம் தீர்ந்து போவது
பல நாட்களாக போனை ரீஸ்டார்ட் செய்யாமல் பயன்படுத்தினால், சில ஆப்ஸ் சரியாக வேலை செய்யாது. திடீரென ஆப்ஸ் க்ளோஸ் ஆகும், ஹேங் ஆகும் அல்லது ரெஸ்பான்ட் பண்ணாது. அதுமட்டுமில்லாம, பின்னணியில் இயங்கும் ஆப்ஸ் அதிக பேட்டரியை பயன்படுத்தும். இதனால பேட்டரி சீக்கிரமே தீர்ந்துவிடும். போனை ரீஸ்டார்ட் செய்தால் இந்த பிரச்சனை பெரும்பாலும் சரியாகிவிடும்.
45
Image Credit : Asianet News
நோட்டிபிகேஷன்கள் தாமதமாக வருவது, சாஃப்ட்வேர் கோளாறுகள்
சில சமயம் மெசேஜ், வாட்ஸ்அப் நோட்டிஃபிகேஷன் அல்லது மற்ற ஆப்ஸின் அலெர்ட்கள் சரியான நேரத்துக்கு வராது. சில ஃபீச்சர்கள் சரியாக வேலை செய்யாது, சின்ன சின்ன சாஃப்ட்வேர் கோளாறுகள் ஏற்படும். இந்த மாதிரி பிரச்சனைகளுக்கு ஒரு சிம்பிள் ரீஸ்டார்ட் போதும். இது தற்காலிக சிஸ்டம் கோளாறுகளை சரிசெய்து, போனை இயல்பு நிலைக்கு கொண்டு வரும்.
55
Image Credit : our own
பாதுகாப்பு ரீதியாகவும் ரீஸ்டார்ட் செய்வது நல்லது
சைபர் பாதுகாப்பு நிபுணர்கள் சொல்றபடி, போனை ரீஸ்டார்ட் செய்வது பாதுகாப்புக்கும் நல்லது. சில வகையான மால்வேர் அல்லது தீங்கு விளைவிக்கும் புரோகிராம்கள் போனின் RAM-ல் ஆக்டிவாக இருக்கும். போனை ரீஸ்டார்ட் செய்யும்போது, அவை செயலிழந்துவிடும். ஆனால், ரீஸ்டார்ட் மட்டும் போதாது. சாஃப்ட்வேரை அப்டேட் செய்வது, வலுவான பாஸ்வேர்டு பயன்படுத்துவது, நம்பிக்கையான ஆப்ஸ்களை மட்டும் இன்ஸ்டால் செய்வது போன்றவையும் உங்கள் போனை பாதுகாப்பாக வைத்திருக்க உதவும்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
Latest Videos
