வேலண்டைன்ஸ் டே கொண்டாட்டத்திற்கு ஆப்பு? உங்கள் ரகசியங்கள் லீக் ஆனதா? பம்பிள், டின்டர் பயனர்களுக்கு அதிர்ச்சி செய்தி

Valentines Day காதலர் தினத்திற்கு முன் பேரதிர்ச்சி! பம்பிள் (Bumble) உட்பட பிரபல டேட்டிங் செயலிகள் மீது ஹேக்கர்கள் தாக்குதல் - உங்கள் டேட்டா பத்திரமா?

Image Credit : Gemini

Valentines Day

பிப்ரவரி மாதம் என்றாலே காதலர் தினம் நினைவுக்கு வரும். பலரும் தங்கள் துணையைத் தேட ஆன்லைன் டேட்டிங் செயலிகளை அதிகம் பயன்படுத்தும் நேரம் இது. சரியாக இந்த நேரத்தைப் பயன்படுத்தி, 'ஷைனி ஹண்டர்ஸ்' (ShinyHunters) போன்ற ஹேக்கர் குழுக்கள் பம்பிள் (Bumble) மற்றும் மேட்ச் குரூப் (Match Group) போன்ற முன்னணி டேட்டிங் நிறுவனங்களைக் குறிவைத்துத் தாக்கியுள்ளனர். இது பயனர்கள் மத்தியில் பெரும் அச்சத்தை ஏற்படுத்தியுள்ளது.

Image Credit : Getty

பம்பிள் (Bumble) நிறுவனத்தின் விளக்கம்

பம்பிள் நிறுவனம் இதுகுறித்து கூறுகையில், தங்கள் ஒப்பந்ததாரர் (Contractor) ஒருவருக்கு வந்த ஃபிஷிங் (Phishing) மின்னஞ்சல் மூலம் ஹேக்கர்கள் உள்நுழைந்ததாகத் தெரிவித்துள்ளது. இருப்பினும், ஹேக்கர்களால் நீண்ட நேரம் உள்ளே இருக்க முடியவில்லை என்றும், பயனர்களின் கடவுச்சொற்கள் அல்லது தனிப்பட்ட தகவல்கள் எதுவும் திருடப்படவில்லை என்றும் அந்நிறுவனம் உறுதியளித்துள்ளது.

Image Credit : insta

மேட்ச் குரூப் மற்றும் பிற நிறுவனங்கள்

டிண்டர் (Tinder), ஹிஞ்ச் (Hinge) போன்ற செயலிகளை நிர்வகிக்கும் மேட்ச் குரூப், கடந்த ஜனவரி 16-ஆம் தேதியே தாக்குதலுக்கு உள்ளானதாகக் கூறியுள்ளது. ஆனால், நிதி சார்ந்த தகவல்களோ அல்லது தனிப்பட்ட உரையாடல்களோ (Private Chats) திருடப்படவில்லை என்று அவர்கள் தெரிவித்துள்ளனர். இதேபோல, 'பனேரா பிரட்' (Panera Bread) மற்றும் 'க்ரஞ்ச்பேஸ்' (CrunchBase) நிறுவனங்களும் குறிவைக்கப்பட்டுள்ளன.

Image Credit : Getty

நிபுணர்கள் விடுக்கும் எச்சரிக்கை

நிறுவனங்கள் "எல்லாம் பாதுகாப்பாக உள்ளது" என்று கூறினாலும், சைபர் பாதுகாப்பு வல்லுநர்கள் இதை முழுமையாக நம்ப வேண்டாம் என்கின்றனர். ஹேக்கர்கள் திருடிய சிறிய தகவல்களை வைத்துக்கொண்டு, பயனர்களை ஏமாற்றிப் பணம் பறிக்கவோ அல்லது அடையாளத் திருட்டில் (Identity Theft) ஈடுபடவோ வாய்ப்புள்ளது. எனவே, பயனர்கள் அலட்சியமாக இருக்கக்கூடாது.

Image Credit : Getty

நீங்கள் செய்ய வேண்டியது என்ன?

இந்தச் சூழலில் பயனர்கள் உடனடியாகச் செய்ய வேண்டிய சில பாதுகாப்பு நடவடிக்கைகளை நிபுணர்கள் பரிந்துரைக்கின்றனர்:

1. உங்கள் டேட்டிங் செயலி கடவுச்சொற்களை (Passwords) உடனடியாக மாற்றவும்.

2. டூ-ஃபேக்டர் ஆதென்டிகேஷன் (2FA) வசதியை ஆன் செய்யவும்.

3. சந்தேகத்திற்கிடமான லிங்க்குகளை கிளிக் செய்வதைத் தவிர்க்கவும்.

4. வங்கிக் கணக்கு விவரங்களை யாருடனும் பகிர வேண்டாம்.