TRAI DND 3.0: ஸ்பேம் அழைப்புகளால் ரொம்ப தொல்லையா? இனி கவலை இல்லை!
ஸ்பேம் அழைப்புகள் மற்றும் மெசேஜ்களால் சலித்துவிட்டீர்களா? TRAI DND 3.0 செயலி உங்கள் தீர்வு. தேவையற்ற அழைப்புகள் மற்றும் மெசேஜ்களை எளிதாகப் புகாரளித்து, உங்கள் பாதுகாப்பைப் பாதுகாக்கவும்.
ஸ்பேம் அழைப்புகளுக்கு குட்பை! TRAI DND 3.0: இனி தொல்லை இல்லை!
ஸ்பேம் அழைப்புகள் மற்றும் தேவையற்ற விளம்பரச் செய்திகள் தினசரி தொல்லையாக மாறிவிட்டன. வங்கிகள், ரியல் எஸ்டேட், காப்பீடு அல்லது பல்வேறு நிறுவனங்களிடமிருந்து வரும் இத்தகைய அழைப்புகள் மற்றும் செய்திகள் பெரும்பாலும் முக்கியமான வேலைகளைத் தடுக்கின்றன. இந்தச் சிக்கலைத் தீர்க்க இந்திய தொலைத்தொடர்பு ஒழுங்குமுறை ஆணையம் (TRAI) TRAI DND 3.0 செயலியை அறிமுகப்படுத்தியுள்ளது. இந்தச் செயலியைப் பயன்படுத்தி, சாதாரண மொபைல் பயனர்கள் இந்த ஸ்பேம் அழைப்புகள் மற்றும் மெசேஜ்களில் இருந்து எளிதாக விடுபடலாம்.
TRAI DND செயலியின் பயன்கள்!
TRAI DND செயலி, பயனர்கள் தங்கள் விருப்பத்திற்கேற்ப விளம்பரச் செய்திகள் மற்றும் அழைப்புகளைத் தேர்ந்தெடுக்க அனுமதிக்கிறது. அத்துடன், ஸ்பேம் புகாரளிக்கும் வசதிகளையும் வழங்குகிறது. பயனர்கள் தங்கள் தொலைத்தொடர்பு ஆபரேட்டரிடம் நேரடியாக ஸ்பேம் பற்றி புகார் செய்ய முடியும். சமீபத்தில், பத்திரிகை தகவல் பணியகம் (Press Information Bureau) இந்த செயலியின் செயல்திறனை விரிவாக விளக்கியுள்ளது.
செயலி எவ்வாறு இயங்குகிறது?
1. பதிவிறக்கம் மற்றும் நிறுவல்: ஆண்ட்ராய்டு பயனர்கள் கூகுள் பிளே ஸ்டோரிலிருந்தும், iOS பயனர்கள் ஆப் ஸ்டோரிலிருந்தும் TRAI DND 3.0 செயலியை இலவசமாகப் பதிவிறக்கம் செய்யலாம்.
2. பதிவு மற்றும் உள்நுழைவு: செயலியைத் தொடங்கிய பிறகு, பயனர் தங்கள் மொபைல் எண்ணைக் கொண்டு பதிவு செய்து, OTP (ஒருமுறை கடவுச்சொல்) மூலம் சரிபார்க்க வேண்டும்.
3. DND ஆக்டிவேஷன்:
செயலியில் உள்நுழைந்த பிறகு, 'DND Preferences' விருப்பத்திலிருந்து, எந்த வகை செய்திகள் அல்லது அழைப்புகளைப் பெற விரும்புகிறீர்கள் அல்லது பெற விரும்பவில்லை என்பதை பயனர் தீர்மானிக்கலாம். உதாரணமாக, ரியல் எஸ்டேட், கல்வி, உடல்நலம், பொழுதுபோக்கு போன்றவற்றைத் தேர்வு செய்யலாம்.
4. ஸ்பேம் புகாரளித்தல்:
DND-யை ஆக்டிவேட் செய்த பின்னரும், பயனர் எந்த ஸ்பேம் அழைப்புகள் அல்லது செய்திகளைப் பெற்றால், அந்த எண் அல்லது செய்தியை 'Report Spam' அம்சத்தின் மூலம் செயலி வழியாகப் புகாரளிக்கலாம். இந்தப் புகார் TRAI-க்குச் சென்று தேவையான நடவடிக்கை எடுக்கப்படும்.
5. நிலை கண்காணிப்பு:
'Registration Status' விருப்பத்திலிருந்து, தங்கள் DND கோரிக்கை செயல்படுத்தப்பட்டுள்ளதா என்பதை பயனர் அறிந்து கொள்ளலாம்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
