மொபைல் தொலைந்துவிட்டதா? பதற வேண்டாம்! ஆப் எதுவும் இல்லாமல் கூகுள் மூலம் கண்டுபிடிப்பது எப்படி?

Lost Phone உங்கள் மொபைல் தொலைந்துவிட்டதா? எந்த ஆப்பும் இல்லாமல் கூகுள் ஐடி மூலம் அதை டிராக் செய்வது, ரிங் செய்ய வைப்பது மற்றும் லாக் செய்வது எப்படி? எளிய வழிமுறைகள் இதோ.

Image Credit : Gemini

Lost Phone

கையில் இருக்கும் மொபைல் போன் திடீரென காணாமல் போனால் வரும் பதற்றம் இருக்கிறதே, அது சொல்லி மாளாது. வங்கி விவரங்கள் முதல் தனிப்பட்ட புகைப்படங்கள் வரை அனைத்தும் அதில்தான் இருக்கும். "போலீஸில் புகார் கொடுக்கலாமா?", "வேற புது போன் வாங்கலாமா?" என்று யோசிப்பதற்கு முன், கூகுள் (Google) உங்களுக்கு ஒரு அற்புதமான வசதியை வழங்குகிறது. இதற்காகத் தனியாக எந்த ஒரு ஆப்-ஐயும் (App) இன்ஸ்டால் செய்ய வேண்டிய அவசியமில்லை!

Image Credit : Asianet News

ஆப் தேவையில்லை... கூகுள் ஐடி போதும்! (No App Needed)

பொதுவாக மொபைல் தொலைந்தால், 'Tracking App' எதாவது போட்டிருந்தால்தான் கண்டுபிடிக்க முடியும் என்று பலரும் நினைக்கிறார்கள். ஆனால், அது தவறு. உங்கள் தொலைந்த போனில் ஏற்கனவே லாகின் (Login) செய்யப்பட்டிருந்த அதே 'Google Account'-ஐ வைத்து, உலகின் எந்த மூலையில் இருந்தும் உங்கள் போனைத் தேடலாம். இதற்குப் பெயர் தான் "Find My Device".

Image Credit : Getty

எப்படிக் கண்டுபிடிப்பது? (Step-by-Step Process)

1. உங்கள் நண்பரின் போன் அல்லது கம்ப்யூட்டரை எடுத்துக்கொள்ளுங்கள்.

2. அதில் android.com/find என்ற இணையதளத்திற்குச் செல்லுங்கள்.

3. உங்கள் தொலைந்த போனில் இருந்த அதே ஜிமெயில் ஐடி (Gmail ID) மற்றும் பாஸ்வேர்டை கொடுத்து லாகின் செய்யுங்கள்.

4. அவ்வளவுதான்! கூகுள் மேப்பில் (Google Map) உங்கள் போன் இப்போது எங்கே இருக்கிறது என்பதைத் துல்லியமாகக் காட்டிவிடும்.

Image Credit : AI Generated

சைலன்ட்டில் இருந்தாலும் அலறும்! (Play Sound)

உங்கள் போன் வீட்டுக்குள்ளேயே எங்காவது மெத்தைக்கு அடியில் சிக்கியிருக்கலாம். ஆனால், போன் 'Silent Mode'-ல் இருப்பதால் ரிங் செய்து கண்டுபிடிக்க முடியாது என்று கவலைப்படுகிறீர்களா? கவலையே வேண்டாம்! இந்த இணையதளத்தில் "Play Sound" என்ற ஆப்ஷன் இருக்கும். அதை க்ளிக் செய்தால், உங்கள் போன் சைலன்ட்டில் இருந்தாலும் அடுத்த 5 நிமிடங்களுக்குப் பயங்கர சத்தத்துடன் (Full Volume) ரிங் ஆகும்.

Image Credit : Getty

டேட்டாவை அழித்து லாக் செய்யலாம் (Secure & Erase)

ஒருவேளை போன் திருடு போயிருந்தால், அதில் உள்ள தகவல்களைப் பாதுகாக்க "Secure Device" என்ற ஆப்ஷனைப் பயன்படுத்தலாம். இதன் மூலம் உங்கள் போனைத் தொலைதூரத்திலிருந்தே லாக் (Lock) செய்யலாம். மேலும், திரையில் "என்னை அழைக்கவும்" என்று உங்கள் மாற்று நம்பரைக் காண்பிக்கலாம். ஒருவேளை போன் கிடைப்பது சந்தேகம்தான் என்றால், "Erase Device" கொடுத்து மொத்த டேட்டாவையும் அழித்துவிடலாம்.

Image Credit : Gemini

ஸ்விட்ச் ஆஃப் ஆனாலும் கண்டுபிடிக்கலாமா? (2026 New Update)

கூகுளின் சமீபத்திய அப்டேட்டின்படி (குறிப்பாக Pixel 8 மற்றும் அதற்குப் பிந்தைய மாடல்களில்), "Offline Finding" வசதி வந்துள்ளது. இதன் மூலம் போன் ஸ்விட்ச் ஆஃப் செய்யப்பட்டிருந்தாலோ அல்லது பேட்டரி தீர்ந்துபோயிருந்தாலோ கூட, புளூடூத் சிக்னல் உதவியுடன் அதைக் கண்டுபிடிக்க முடியும் என்பது கூடுதல் சிறப்பு.

எனவே, போன் தொலைந்தால் பதறாமல் இந்த 'கூகுள் ட்ரிக்'-கை உடனே பயன்படுத்துங்கள்!