அட! இது நம்ம டெலிகிராமா? அடையாளமே தெரியாத அளவுக்கு மாறிடுச்சே!

Telegram டெலிகிராம் ஆண்ட்ராய்டு ஆப்பில் புதிய 'Liquid Glass' டிசைன் மற்றும் பாட்டம் நேவிகேஷன் பார் அறிமுகம். இந்த அப்டேட் பற்றிய முழு விவரங்களை இங்கே படியுங்கள்.

Image Credit : Gemini

Telegram

வாட்ஸ்அப்பிற்கு போட்டியாக இருக்கும் டெலிகிராம் (Telegram), தனது ஆண்ட்ராய்டு பயனர்களுக்கு ஒரு மிகப்பெரிய விஷுவல் அப்டேட்டை (Visual Update) வழங்கியுள்ளது. நீண்ட நாட்களாக ஐபோன் (iOS) பயனர்கள் அனுபவித்து வந்த அதே பிரீமியம் லுக்கை இப்போது ஆண்ட்ராய்டு பயனர்களும் பெறப்போகிறார்கள். இந்த புதிய அப்டேட் மூலம் டெலிகிராம் செயலி ஒரு முழுமையான மாற்றத்தைக் கண்டுள்ளது.

Image Credit : Google

என்னது அது 'Liquid Glass' டிசைன்?

இந்த புதிய அப்டேட்டின் முக்கிய சிறப்பம்சமே 'Liquid Glass' டிசைன்தான். இது ஆப்பிளின் டிசைன் பாணியைப் பின்பற்றி உருவாக்கப்பட்டுள்ளது.

• ட்ரான்ஸ்பரன்ட் லுக்: செயலியின் பேனல்கள் மற்றும் மெனுக்கள் கண்ணாடி போல ஊடுருவும் வகையில் (Semi-transparent) வடிவமைக்கப்பட்டுள்ளன.

• ப்ளர் எஃபெக்ட்: பின்னணியில் உள்ள விஷயங்கள் லேசாகத் தெரியும் வகையில் 'Blur Effect' சேர்க்கப்பட்டுள்ளது. இது பார்ப்பதற்கு மிகவும் நவீனமாகவும், ராயலாகவும் இருக்கிறது. குறிப்பாக 'Light Mode' பயன்படுத்தும்போது இந்த எஃபெக்ட் கண் கவரும் வகையில் இருக்கும்.

Image Credit : Google

புதிய 'Bottom Navigation Bar'

இதுவரை ஆண்ட்ராய்டு பயனர்கள் மெனுவை அணுக இடது பக்கம் ஸ்வைப் செய்ய வேண்டியிருந்தது (Hamburger Menu). ஆனால், இந்த புதிய அப்டேட்டில் அது நீக்கப்பட்டு, திரையின் கீழே நான்கு முக்கிய டேப்கள் (Tabs) கொண்ட 'Navigation Bar' கொடுக்கப்பட்டுள்ளது.

1. Chats (சாட்)

2. Contacts (காண்டாக்ட்ஸ்)

3. Settings (செட்டிங்ஸ்)

4. Profile (புரொஃபைல்)

இதன் மூலம் ஒவ்வொரு முறையும் மெனுவைத் தேடாமல், ஒரே கிளிக்கில் தேவையான பகுதிக்கு எளிதாகச் செல்ல முடியும். இது ஐபோன் செயலியைப் போலவே இருக்கும்.

Image Credit : Google

மற்ற மாற்றங்கள் என்ன?

பழைய மெனுவில் இருந்த சில ஆப்ஷன்கள் இப்போது இடமாற்றம் செய்யப்பட்டுள்ளன.

• New Group: புதிய குரூப் உருவாக்க, சாட் ஸ்கிரீனின் மேல் வலது மூலையில் உள்ள மூன்று புள்ளிகளை (Three-dot menu) கிளிக் செய்ய வேண்டும்.

• Saved Messages & Dark Mode: இவையும் அதே மூன்று புள்ளி மெனுவிற்குள் மாற்றப்பட்டுள்ளன.

ஆரம்பத்தில் இது கொஞ்சம் குழப்பமாக இருந்தாலும், பழகிய பின் இதுவே மிகவும் எளிதாக இருக்கும் என்று கூறப்படுகிறது.

Image Credit : Google

AI அம்சங்களும் உண்டு

தோற்ற மாற்றம் மட்டுமின்றி, டெலிகிராம் தனது AI திறன்களையும் மேம்படுத்தியுள்ளது. நீண்ட பதிவுகள் மற்றும் கட்டுரைகளைச் சுருக்கமாகப் படித்துப் புரிந்துகொள்ள 'AI Summaries' என்ற வசதி சேர்க்கப்பட்டுள்ளது. இது நேரத்தை மிச்சப்படுத்த உதவும்.