ரீசார்ஜ் கட்டணம் குறையுமா? பட்ஜெட் 2026-ல் வெளியாகும் அதிரடி அறிவிப்பு!

Telecom மத்திய பட்ஜெட் 2026-ல் உரிமக் கட்டணத்தை 1% ஆகக் குறைக்கவும், ஜிஎஸ்டி வரியைக் குறைக்கவும் டெலிகாம் நிறுவனங்கள் கோரிக்கை விடுத்துள்ளன. பட்ஜெட் 2026-ல் வெளியாகும் அதிரடி அறிவிப்பு!

Image Credit : Gemini

Telecom

மத்திய நிதியமைச்சர் நிர்மலா சீதாராமன் வரும் பிப்ரவரி 1, 2026 அன்று தனது 9-வது பட்ஜெட்டை தாக்கல் செய்ய உள்ளார். 'விக்சித் பாரத்' (Viksit Bharat) என்ற இலக்கை நோக்கி இந்தியா பயணிக்கும் இந்த வேளையில், தகவல் தொழில்நுட்பம் மற்றும் தொலைத்தொடர்புத் துறைகள் அரசுக்கு சில முக்கிய கோரிக்கைகளை முன்வைத்துள்ளன. ஜியோ, ஏர்டெல், வோடபோன் ஐடியா போன்ற நிறுவனங்களின் கூட்டமைப்பான COAI (Cellular Operators Association of India), பட்ஜெட்டில் தங்களுக்கு வரிச்சலுகைகள் வேண்டும் என்று வலியுறுத்தியுள்ளது.

Image Credit : Freepik

உரிமக் கட்டணத்தை குறைக்க கோரிக்கை

தற்போது தொலைத்தொடர்பு நிறுவனங்கள் தங்கள் வருவாயில் (AGR) 3 சதவீதத்தை உரிமக் கட்டணமாகவும் (Licence Fee), 5 சதவீதத்தை டிஜிட்டல் பாரத் நிதிக்கும் (முன்பு USOF) செலுத்தி வருகின்றன. இது தங்களுக்கு பெரும் நிதிச்சுமையாக இருப்பதாகக் கூறும் COAI, உரிமக் கட்டணத்தை 3 சதவீதத்திலிருந்து 0.5% முதல் 1% வரை குறைக்க வேண்டும் என்று கோரியுள்ளது. வெறும் நிர்வாகச் செலவுகளை ஈடுகட்ட மட்டுமே இந்த கட்டணம் வசூலிக்கப்பட வேண்டும் என்பது அவர்களின் வாதம்.

Image Credit : gemini

ஜிஎஸ்டி (GST) வரிச் சலுகைகள்

தொலைத்தொடர்பு நிறுவனங்கள் ஸ்பெக்ட்ரம் பயன்பாட்டுக் கட்டணம் (SUC) மற்றும் உரிமக் கட்டணங்களுக்கு 18% ஜிஎஸ்டி செலுத்துகின்றன. இதை முழுவதுமாக ரத்து செய்ய வேண்டும் அல்லது 5 சதவீதமாக்கக் குறைக்க வேண்டும் என்று கோரிக்கை விடுக்கப்பட்டுள்ளது. இவ்வாறு குறைப்பதன் மூலம் நிறுவனங்களிடம் தேங்கியுள்ள 'இன்புட் டாக்ஸ் கிரெடிட்' (Input Tax Credit - ITC) சுமை குறையும் என்றும், இது அரசுக்கு பெரிய வருவாய் இழப்பை ஏற்படுத்தாது என்றும் தெரிவிக்கப்பட்டுள்ளது.

Image Credit : our own

டிஜிட்டல் பாரத் நிதிக்கு இடைவெளி

கிராமப்புறங்களில் இணைய வசதியை மேம்படுத்த வசூலிக்கப்படும் 'டிஜிட்டல் பாரத் நிதி' (Digital Bharat Nidhi) ஏற்கனவே போதுமான அளவில் இருப்பதாகவும், அந்தத் தொகை முழுமையாகப் பயன்படுத்தப்படும் வரை நிறுவனங்களிடமிருந்து இந்த நிதியை வசூலிப்பதை தற்காலிகமாக நிறுத்த வேண்டும் என்றும் COAI பரிந்துரைத்துள்ளது.

Image Credit : our own

ஸ்பெக்ட்ரம் விலை நிர்ணயம்

தொலைத்தொடர்புத் துறை என்பது தனித்து இயங்கும் ஒரு துறை மட்டுமல்ல, மற்ற அனைத்துத் துறைகளின் வளர்ச்சிக்கும் இது ஒரு அடிப்படைத் தேவையாக உள்ளது. எனவே, ஸ்பெக்ட்ரம் அலைக்கற்றைகளின் விலை நிர்ணயம் மற்றும் ஒதுக்கீடு முறைகளை மறுபரிசீலனை செய்ய வேண்டும் என்றும் கோரிக்கை விடுக்கப்பட்டுள்ளது. இந்தக் கோரிக்கைகள் நிறைவேற்றப்பட்டால், வருங்காலத்தில் 5ஜி சேவை விரிவாக்கம் மற்றும் கட்டணக் குறைப்புக்கு வழிவகுக்கலாம்.