Android Update: கூகுளின் சீக்ரெட் மூவ்! உங்க போன் இனி செம ஸ்பீடா இருக்கும், பேட்டரியும் சூப்பரா நிக்கும்!

ஆண்ட்ராய்டு ஸ்மார்ட்போன்களின் வேகத்தை அதிகரித்து, பேட்டரி லைஃபை மேம்படுத்தும் ஒரு புதிய டெக்னாலஜியை கூகுள் கொண்டு வரப்போவதாக தகவல்கள் வெளியாகியுள்ளன. அது என்ன, எப்படி வேலை செய்கிறது என்று விரிவாகப் பார்க்கலாம்.

Image Credit : Getty

ரகசியம் இது ரகசியம்

கூகுளின் ஆண்ட்ராய்டு LLVM டூல்செயின் டீம், ஆண்ட்ராய்டு கர்னலை "AutoFDO" (Automatic Feedback-Directed Optimization) மூலம் அப்டேட் செய்வதாகத் தெரிவித்துள்ளது. பயனர்களுக்கு நேரடியாகத் தெரியாத இந்த மாற்றம், ஆண்ட்ராய்டு போனின் ஒட்டுமொத்த செயல்திறனில் குறிப்பிடத்தக்க முன்னேற்றத்தை ஏற்படுத்தும் என்று கூகுள் கூறுகிறது.

Image Credit : Gemini AI

இதெல்லாம் தெரியுமா?

பொதுவாக ஒரு ஸ்மார்ட்போன் இயங்கும்போது, அதன் சிஸ்டம் பின்னணியில் ஆயிரக்கணக்கான சின்ன சின்ன முடிவுகளை எடுக்கும். உதாரணமாக, ஒரு ஃபங்ஷனை இன்லைன் செய்யலாமா, ஒரு கண்டிஷனல் ஸ்டேட்மென்ட்டில் எந்த பிராஞ்சை பயன்படுத்த வேண்டும் போன்றவற்றை கம்பைலர் முடிவு செய்யும். ஆனால், இந்த முடிவுகள் பெரும்பாலும் ஸ்டாட்டிக் கோட் குறிப்புகளை அடிப்படையாகக் கொண்டவை. அதனால், நிஜமான பயன்பாட்டில் இவை எப்போதும் சிறந்ததாக இருக்காது.

Image Credit : Getty

பிரச்சினை காணாமல் போகும்.!

இந்த பிரச்சனைக்கு AutoFDO ஒரு தீர்வாக வருகிறது. ஒரு புரோகிராம் நிஜத்தில் எப்படி இயங்குகிறது என்பதைக் கண்டறிந்து, அதற்கேற்ப கம்பைலரை மேம்படுத்த இந்த டெக்னாலஜி உதவுகிறது. இது CPU-வின் பிராஞ்சிங் ஹிஸ்டரியை ஆராய்ந்து, எந்த எக்ஸிகியூஷன் பாதைகள் அதிகம் பயன்படுத்தப்படுகின்றன என்பதைக் கண்டுபிடிக்கும். பின்னர், கர்னலை மீண்டும் உருவாக்கும்போது, கம்பைலர் இந்தத் தகவலைப் பயன்படுத்தி இன்னும் திறமையாக போனை ஆப்டிமைஸ் செய்யும்.

Image Credit : Getty

இனி முன்னேற்றம்தான் உங்களுக்கு

ஆண்ட்ராய்டு கர்னலுக்கான இந்த டேட்டாவை கூகுள் நேரடியாகப் பயனர் டிவைஸ்களில் இருந்து சேகரிக்கவில்லை. மாறாக, நிஜமான பயன்பாட்டை ஒரு லேபில் உருவாக்கி, அந்தச் சூழலில் இருந்து தகவல்களைச் சேகரிக்கிறது. கூகுள் நடத்திய ஆரம்பகட்ட சோதனைகளில் சில நல்ல முன்னேற்றங்கள் தெரிந்துள்ளன. போனின் பூட் டைம் சுமார் 2.1% வரை வேகமாகியுள்ளது. முழுமையாக மூடப்பட்ட ஒரு ஆப்-ஐ மீண்டும் திறக்கும்போது ஆகும் லான்ச் டைம் 4.3% வரை குறைந்துள்ளது. இது தவிர, பயனர்கள் நேரடியாக கவனிக்க முடியாத பிற செயல்திறன் அம்சங்களிலும் முன்னேற்றம் காணப்பட்டுள்ளது.

Image Credit : Getty

இனி உங்க போன் செம ஸ்பீடு

இந்த சிஸ்டம் டிஃபால்ட்டாகவே வேலை செய்யும். அதாவது, வழிகாட்டுதல்களில் இல்லாத சூழ்நிலைகளில், பழைய ஆப்டிமைசேஷன் முறைகளையே சிஸ்டம் பயன்படுத்தும். ஆண்ட்ராய்டு 16-6.12, ஆண்ட்ராய்டு 15-6.6 மற்றும் வரவிருக்கும் ஆண்ட்ராய்டு 17-6.18 வெர்ஷன்களில் இந்த மாற்றங்கள் சேர்க்கப்படும் எனத் தெரிகிறது. இதன் விளைவாக, வேகமான இன்டர்ஃபேஸ், விரைவான ஆப் ஸ்விட்ச்சிங் மற்றும் மேம்பட்ட பேட்டரி லைஃப் பயனர்களுக்குக் கிடைக்கும் என்று கூகுள் தெரிவித்துள்ளது.