"டிவி சைஸ்ல ஒரு போன்.." சாம்சங் TriFold விற்பனை ஆரம்பம்! 200MP கேமராவுடன் சும்மா அதிருதுல!

Samsung Galaxy Z TriFold சாம்சங் கேலக்ஸி Z TriFold ப்ரீ-ஆர்டர் தொடங்கியது. 10-இன்ச் திரை, 200MP கேமராவுடன் மிரட்டும் போன். விலை ரூ.2.5 லட்சம். முழு விவரம் உள்ளே.

Image Credit : Gemini

Samsung Galaxy Z TriFold "மொபைலா? இல்ல டிவியா?" - சாம்சங் அறிமுகப்படுத்திய மூன்று மடிப்பு போன்!

ஸ்மார்ட்போன் சந்தையில் எப்போதுமே ஒரு படி மேலே இருக்கும் சாம்சங், தற்போது தனது நீண்ட நாள் கனவுத் திட்டமான "மூன்று மடிப்பு" (Tri-Fold) ஸ்மார்ட்போனை விற்பனைக்குக் கொண்டுவந்துள்ளது. தென் கொரியாவைத் தொடர்ந்து தற்போது சீனாவில் இதற்கான ப்ரீ-ஆர்டர் (Pre-order) தொடங்கியுள்ளது. பார்ப்பதற்கு ஒரு டேப்லெட் போலவும், கையில் எடுத்தால் ஸ்மார்ட்போனாகவும் பயன்படும் இந்த Galaxy Z TriFold, தொழில்நுட்ப உலகின் அடுத்த புரட்சி என்றே சொல்லலாம்.

Image Credit : Gemini

கிட்னியை விற்க வைக்கும் விலை!

இந்த போனின் தொழில்நுட்பம் எவ்வளவு பிரம்மாண்டமோ, அதே அளவு அதன் விலையும் பிரம்மாண்டம்.

• சீனாவில் இதன் ஆரம்ப விலை (16GB RAM + 512GB) 19,999 யுவான். அதாவது இந்திய மதிப்பில் சுமார் ரூ. 2,54,500.

• 1TB ஸ்டோரேஜ் கொண்ட டாப் மாடலின் விலை 21,999 யுவான். இந்திய மதிப்பில் சுமார் ரூ. 2,79,900.

தற்போதைக்கு 'கருப்பு' நிறத்தில் மட்டுமே இந்த போன் கிடைக்கிறது. விலையைக் கேட்டாலே தலை சுற்றினாலும், இதன் அம்சங்கள் தொழில்நுட்ப பிரியர்களைச் சுண்டி இழுக்கிறது.

Image Credit : x

கண்ணை பறிக்கும் 10 இன்ச் திரை

இந்த போனின் மிகப்பெரிய பிளஸ் அதன் டிஸ்பிளே தான். போனை முழுமையாக விரித்தால் 10 இன்ச் அளவுள்ள பிரம்மாண்டமான AMOLED திரை கிடைக்கிறது. இது ஒரு ஐபேட் (iPad) அளவுக்குப் பெரியது. 120Hz ரெஃப்ரெஷ் ரேட் மற்றும் 1,600 நிட்ஸ் பிரைட்னஸ் இருப்பதால், வீடியோ பார்ப்பதற்கும் கேம் விளையாடுவதற்கும் இது வேற லெவல் அனுபவத்தைக் கொடுக்கும். மடித்த நிலையில், வெளியே 6.5 இன்ச் திரை உள்ளது.

Image Credit : @SamMobiles/X

வேகத்தில் புயல் - ஸ்னாப்டிராகன் 8 எலைட்

செயல்திறனைப் பொறுத்தவரை, உலகின் மிக வேகமாகச் செயல்படும் Snapdragon 8 Elite சிப்செட் இதில் பயன்படுத்தப்பட்டுள்ளது. ஆண்ட்ராய்டு 16 இயங்குதளத்துடன் வரும் இந்த போனில், 16GB ரேம் இருப்பதால், ஒரே நேரத்தில் பல வேலைகளைத் தொய்வில்லாமல் செய்ய முடியும். டைட்டானியம் ஹிஞ்ச் (Hinge) மற்றும் கொரில்லா கிளாஸ் பாதுகாப்பு இருப்பதால் கீழே விழுந்தாலும் எளிதில் உடையாது.

கேமராவில் 200MP அதிரடி

புகைப்படம் எடுப்பதிலும் சாம்சங் குறை வைக்கவில்லை.

• பின்பக்கம் 200MP முதன்மை கேமரா உள்ளது.

• 12MP அல்ட்ரா வைடு லென்ஸ் மற்றும் 30x ஜூம் செய்யக்கூடிய 10MP டெலிபோட்டோ லென்ஸ் உள்ளது.

செல்ஃபி எடுப்பதற்காக உள்ளே ஒன்றும், வெளியே ஒன்றும் என இரண்டு 10MP கேமராக்கள் உள்ளன.

Image Credit : Asianet News

பேட்டரி மற்றும் சார்ஜிங்

இவ்வளவு பெரிய திரையைத் தாங்க 5,600mAh பேட்டரி கொடுக்கப்பட்டுள்ளது. இதை வேகமாக சார்ஜ் செய்ய 45W வயர்டு சார்ஜிங் மற்றும் 15W வயர்லெஸ் சார்ஜிங் வசதியும் உள்ளது. மூன்று மடிப்புகள் இருந்தாலும், மடித்தால் 12.9 மிமீ தடிமன் மட்டுமே இருக்கும் என்பது இதன் இன்ஜினியரிங் சிறப்பு.

இந்தியாவுக்கு எப்போது வரும்?

தற்போது சீனா, சிங்கப்பூர், தைவான் மற்றும் துபாயில் விற்பனைக்கு வரும் இந்த போன், 2026-ம் ஆண்டின் தொடக்கத்தில் அமெரிக்காவில் அறிமுகமாகும் எனத் தெரிவிக்கப்பட்டுள்ளது. இந்தியா வெளியீடு குறித்த அதிகாரப்பூர்வ தேதி இன்னும் அறிவிக்கப்படவில்லை என்றாலும், விரைவில் எதிர்பார்க்கலாம்.