இனி 30 நிமிஷத்துல சார்ஜ் ஏறும்! சாம்சங் S26 அல்ட்ராவில் வரும் மிரட்டலான 60W ஃபாஸ்ட் சார்ஜிங் - எப்போ ரிலீஸ் தெரியுமா?

Samsung Galaxy S26 சாம்சங் கேலக்ஸி S26 அல்ட்ரா பிப்ரவரி 25, 2026-ல் வெளியாகிறது. 60W சார்ஜிங் மற்றும் புதிய டிஸ்ப்ளே வசதிகள் பற்றிய முழு விவரம் இங்கே.

Image Credit : Gemini

Samsung Galaxy S26

ஸ்மார்ட்போன் பிரியர்கள் ஆவலுடன் எதிர்பார்த்துக் கொண்டிருக்கும் சாம்சங் கேலக்ஸி S26 சீரிஸ் பற்றிய மிக முக்கியமான தகவல் தற்போது வெளியாகியுள்ளது. ஜனவரி 2025-ல் கேலக்ஸி S25 சீரிஸ் அறிமுகமானதைத் தொடர்ந்து, இந்த ஆண்டு S26, S26 பிளஸ் மற்றும் S26 அல்ட்ரா ஆகிய மாடல்கள் களமிறங்க உள்ளன. ஆரம்பத்தில் ஜனவரி மாத இறுதியில் இவை வெளியாகும் என்று கூறப்பட்ட நிலையில், தற்போது வெளியீட்டுத் தேதி பிப்ரவரி மாதத்திற்குத் தள்ளிப்போயுள்ளதாக நம்பத் தகுந்த வட்டாரங்கள் தெரிவிக்கின்றன.

Image Credit : Google

பிப்ரவரி 25-ல் பிரம்மாண்ட அறிமுகம்?

தொழில்நுட்ப உலகில் மிகவும் பிரபலமான டிப்ஸ்டரான எவன் பிளாஸ் (Evan Blass), சாம்சங் கேலக்ஸி S26 அல்ட்ரா ஸ்மார்ட்போன் பிப்ரவரி 25, 2026 அன்று அறிமுகம் செய்யப்படுவது "100 சதவீதம் உறுதி" என்று தெரிவித்துள்ளார். சான் பிரான்சிஸ்கோவில் நடைபெறவுள்ள சாம்சங்கின் புகழ்பெற்ற 'அன்பேக்டு' (Unpacked) நிகழ்வில் இந்த ஸ்மார்ட்போன் அறிமுகப்படுத்தப்படலாம். முந்தைய ஆண்டுகளை விட சற்று தாமதமாக இந்த வெளியீடு அமைந்தாலும், டிஸ்ப்ளே, செயல்திறன் மற்றும் சார்ஜிங் வேகத்தில் நடைமுறைக்கு ஏற்ற பல மாற்றங்களைச் சாம்சங் கொண்டுவரவுள்ளது.

Image Credit : Google

கண்கவர் டிஸ்ப்ளே மற்றும் பவர் சேவிங்

கேலக்ஸி S26 அல்ட்ரா, கடந்த சில ஆண்டுகளில் இல்லாத அளவுக்கு மிகப்பெரிய டிஸ்ப்ளே மேம்பாடுகளைக் கொண்டிருக்கும் என எதிர்பார்க்கப்படுகிறது. இதில் சாம்சங்கின் அதிநவீன M14 OLED பேனல் பயன்படுத்தப்படலாம். இது S25 அல்ட்ராவில் இருந்த M13 பேனலை விட 20 முதல் 30 சதவீதம் வரை அதிக பவர் எபிசியன்சி (Power Efficiency) கொண்டது. அதாவது, அதிக பிரகாசத்தை (Brightness) விட, பேட்டரி லைஃப் நீடித்து உழைப்பதற்கு இந்த டிஸ்ப்ளே முன்னுரிமை அளிக்கும் வகையில் வடிவமைக்கப்பட்டுள்ளது.

Image Credit : Google

மின்னல் வேக சார்ஜிங் வசதி

நீண்ட காலமாக சாம்சங் பயனர்கள் எதிர்பார்த்த ஒரு மாற்றம் இம்முறை நிகழவுள்ளது. S26 அல்ட்ரா மாடல், பழைய 45W தடையை உடைத்து, 60W வயர்டு ஃபாஸ்ட் சார்ஜிங் வசதியை ஆதரிக்கும் என்று கூறப்படுகிறது. உள்ளகச் சோதனைகளின்படி, இந்த போனை 0 சதவீதத்திலிருந்து 75 சதவீதம் வரை சார்ஜ் செய்ய வெறும் 30 நிமிடங்கள் மட்டுமே போதுமானது. இதுதவிர, பாதுகாப்பான மற்றும் வேகமான வயர்லெஸ் சார்ஜிங்கிற்காக 'Qi2' தரத்திலான 25W மேக்னட்டிக் வயர்லெஸ் சார்ஜிங் வசதியும் இதில் இடம்பெறலாம்.

Image Credit : Google

சக்திவாய்ந்த ப்ராசஸர் மற்றும் செயல்திறன்

உலகளவில் கேலக்ஸி S26 அல்ட்ரா ஸ்மார்ட்போன், குவால்காமின் (Qualcomm) ஸ்னாப்டிராகன் 8 எலைட் ஜென் 5 சிப்செட் மூலம் இயக்கப்படும் என்பது கிட்டத்தட்ட உறுதியாகியுள்ளது. TSMC-யின் 3nm தொழில்நுட்பத்தில் உருவாக்கப்படும் இந்த சிப்செட், AI செயல்பாடுகளில் மிகச்சிறந்த வேகத்தை வழங்கும். மல்டி டாஸ்கிங் மற்றும் கேமிங் அனுபவத்தை மேம்படுத்த, 10.7 Gbps வேகம் கொண்ட வேகமான LPDDR5X ரேம் இதனுடன் இணைக்கப்படலாம்.

Image Credit : Social Media

கேமரா அப்டேட்ஸ்: துல்லியமான புகைப்படங்கள்

கேமராவைப் பொறுத்தவரை, இம்முறை 'லைட் சென்சிட்டிவிட்டி' (Light Sensitivity) மற்றும் தெளிவுத்திறனில் சாம்சங் அதிக கவனம் செலுத்தியுள்ளது. 200MP பிரதான கேமரா மற்றும் 5x டெலிபோட்டோ லென்ஸ் ஆகியவை அகலமான அப்பர்ச்சர் (Wider Aperture) அமைப்பைக் கொண்டிருக்கும். இது குறைந்த வெளிச்சத்திலும் மிகத் தெளிவான படங்களை எடுக்க உதவும். மேலும், 3x டெலிபோட்டோ லென்ஸ் 10MP-லிருந்து 12MP-ஆக மேம்படுத்தப்படவுள்ளது, இது ஜூம் செய்யும்போது சிறந்த தரத்தை உறுதி செய்யும்.