மத்திய அரசு வேலை கனவா? ரயில்வேயில் 22,000 காலியிடங்கள் அறிவிப்பு - சம்பளம் எவ்வளவு தெரியுமா?

RRB Recruitment ரயில்வேயில் 22,000 காலிப்பணியிடங்களுக்கு அறிவிப்பு! 10-ம் வகுப்பு முடித்தவர்கள் விண்ணப்பிக்கலாம். சம்பளம் ரூ.18,000. கடைசி தேதி 20.02.2026.

Image Credit : Gemini

RRB Recruitment மத்திய அரசு வேலை கனவா? மாபெரும் வாய்ப்பு இதோ!

மத்திய அரசு வேலையில் சேர வேண்டும் என்ற லட்சியத்தோடு காத்திருக்கும் இளைஞர்களுக்கு ஒரு மிகப்பெரிய நற்செய்தி வெளியாகியுள்ளது. இந்திய ரயில்வே துறையானது (Railway Recruitment Board - RRB) நாடு முழுவதும் காலியாக உள்ள சுமார் 22,000-க்கும் மேற்பட்ட பணியிடங்களை நிரப்புவதற்கான அறிவிப்பை வெளியிட்டுள்ளது. குறிப்பாக 10-ம் வகுப்பு படித்தவர்களுக்கான இந்த அரிய வாய்ப்பு குறித்த முழு விவரங்களை இங்கே காண்போம்.

Image Credit : Google

எந்தெந்த பதவிகளுக்கு ஆட்கள் தேர்வு?

ரயில்வே தேர்வு வாரியம் வெளியிட்டுள்ள தகவலின்படி, Level-1 பதவிகளான பாயிண்ட்ஸ்மேன் (Pointsman), உதவியாளர் (Assistant) மற்றும் டிராக் மெயின்டெய்னர் (Track Maintainer) உள்ளிட்ட பல்வேறு பணிகளுக்கு ஆட்கள் தேர்வு செய்யப்பட உள்ளனர். இந்தியா முழுவதும் சுமார் 22,000 காலிப்பணியிடங்கள் (தோராயமாக) உள்ளதாக அறிவிக்கப்பட்டுள்ளது.

Image Credit : Getty

கல்வித் தகுதி என்ன?

இந்த வேலைவாய்ப்பின் சிறப்பம்சமே இதன் கல்வித் தகுதிதான்.

• அங்கீகரிக்கப்பட்ட பள்ளியில் 10-ம் வகுப்பு (Matriculation / SSLC) தேர்ச்சி பெற்றிருந்தாலே போதுமானது.

• அல்லது, ஐடிஐ (ITI) முடித்தவர்கள் மற்றும் தேசிய அப்ரண்டிஸ் சான்றிதழ் (NAC) பெற்றவர்களும் இந்த வேலைக்குத் தாராளமாக விண்ணப்பிக்கலாம்.

Image Credit : Getty

சம்பளம் மற்றும் வயது வரம்பு

தேர்வு செய்யப்படும் பணியாளர்களுக்கு 7-வது ஊதியக்கழுவின் படி, அடிப்படை மாதச் சம்பளமாக ரூ.18,000 நிர்ணயிக்கப்பட்டுள்ளது. இதுதவிர இதர படிகளும் வழங்கப்படும்.

Image Credit : Getty

வயது வரம்பு

• வயது வரம்பு: விண்ணப்பதாரர்கள் 18 வயது முதல் 33 வயதுக்குள் இருக்க வேண்டும்.

• வயது தளர்வு: எஸ்சி/ எஸ்டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும், மாற்றுத்திறனாளிகளுக்கு 10 முதல் 15 ஆண்டுகள் வரையும் வயது வரம்பில் தளர்வு அளிக்கப்பட்டுள்ளது.

தேர்வு முறை எப்படி இருக்கும்?

தகுதியான பணியாளர்கள் கீழ்கண்ட நான்கு நிலைகளின் அடிப்படையில் தேர்வு செய்யப்படுவார்கள்:

1. கணினி வழித் தேர்வு (Computer Based Test - CBT)

2. உடல் தகுதித் தேர்வு (Physical Efficiency Test - PET)

3. சான்றிதழ் சரிபார்ப்பு (Certificate Verification)

4. மருத்துவப் பரிசோதனை (Medical Examination)

Image Credit : Getty

விண்ணப்பக் கட்டணம் மற்றும் காலக்கெடு

பொதுப்பிரிவினருக்கு விண்ணப்பக் கட்டணமாக ரூ.500 நிர்ணயிக்கப்பட்டுள்ளது. எஸ்சி, எஸ்டி, பெண்கள், மாற்றுத்திறனாளிகள், முன்னாள் ராணுவத்தினர் மற்றும் பொருளாதாரத்தில் பின்தங்கிய பிரிவினருக்கு ரூ.250 கட்டணமாகச் செலுத்த வேண்டும்.

• விண்ணப்பிக்கத் தொடங்கும் நாள்: 21.01.2026

• விண்ணப்பிக்கக் கடைசி நாள்: 20.02.2026

விண்ணப்பிப்பது எப்படி?

விருப்பமும் தகுதியும் உள்ளவர்கள் ரயில்வேயின் அதிகாரப்பூர்வ இணையதளமான www.rrbapply.gov.in மூலம் ஆன்லைனில் மட்டுமே விண்ணப்பிக்க முடியும். விண்ணப்பிப்பதற்கு முன் அதிகாரப்பூர்வ அறிவிப்பை முழுமையாகப் படித்து, தகுதிகளை உறுதி செய்துகொள்ளுமாறு கேட்டுக்கொள்ளப்படுகிறார்கள்.