10001mAh பேட்டரி.. 50MP சோனி கேமரா.. Realme Narzo Power 5G அறிமுகம்.. விலை எவ்வளவு?
ரியல்மி நிறுவனம் தனது புதிய நார்சோ பவர் 5G ஸ்மார்ட்போனை இந்தியாவில் அறிமுகப்படுத்தியுள்ளது. இந்த போன் 10,001mAh பேட்டரி, 144Hz AMOLED திரை, மற்றும் MediaTek Dimensity 7400 Ultra புராசசர் போன்ற சக்திவாய்ந்த அம்சங்களுடன் வருகிறது.
ரியல்மி நார்சோ பவர் 5ஜி
ரியல்மி நிறுவனம் தனது புதிய ஸ்மார்ட்போனான ரியல்மி நார்சோ பவர் 5G-ஐ இந்தியாவில் அறிமுகப்படுத்தியுள்ளது. இந்த போன் 10,001mAh பேட்டரி, 144Hz AMOLED திரை, மற்றும் சக்திவாய்ந்த MediaTek Dimensity 7400 Ultra புராசசர் போன்ற அம்சங்களுடன் வருகிறது. இந்த புதிய ஸ்மார்ட்போன் Amazon மற்றும் ரியல்மி நிறுவனத்தின் அதிகாரப்பூர்வ இணையதளத்தில் விற்பனைக்கு கிடைக்கிறது. அதிக பேட்டரி திறன் மற்றும் மேம்பட்ட அம்சங்களால் இந்த போன் பயனர்களின் கவனத்தை ஈர்க்கும் வகையில் உருவாக்கப்பட்டுள்ளது.
நார்சோ பவர் 5ஜி வசதிகள்
இந்த ஸ்மார்ட்போன் இரண்டு நிறங்களில் கிடைக்கிறது. Titan Silver மற்றும் Titan Blue என்ற நிற விருப்பங்களில் இதை வாங்கலாம். இதில் 50 மெகாபிக்சல் திறன் கொண்ட Sony IMX882 முதன்மை கேமரா, இரட்டை பின்புற கேமரா அமைப்பு, 144Hz ரிஃப்ரெஷ் ரேட் கொண்ட திரை போன்ற பல சிறப்பம்சங்கள் உள்ளன. தினசரி பயன்பாடு, கேமிங் மற்றும் மல்டிடாஸ்கிங் ஆகியவற்றிற்கும் இந்த போன் சிறந்த காப்புறுதி வழங்கும் என நிறுவனம் கூறியுள்ளது.
ரியல்மி நார்சோ பவர் 5ஜி விலை
இந்த போன் இரண்டு வேரியண்ட்களில் கிடைக்கிறது. 8ஜிபி ரேம் + 128ஜிபி ஸ்டோரேஜ் மாடலின் விலை ரூ.27,999 ஆக நிர்ணயிக்கப்பட்டுள்ளது. 8ஜிபி ரேம் + 256ஜிபி ஸ்டோரேஜ் மாடல் ரூ.29,999 விலையில் கிடைக்கும். அறிமுக சலுகையாக, அடிப்படை மாடல் ரூ.3,000 வங்கி தள்ளுபடி மற்றும் ரூ.1,000 கூடுதல் சலுகையுடன் ரூ.23,999 விலையில் கிடைக்கும். மேலும் மேம்பட்ட மாடல் ரூ.25,999 விலையில் வாங்கும் வாய்ப்பும் வழங்கப்பட்டுள்ளது.
ரியல்மி நார்சோ பவர் மொபைல்
அறிமுக சலுகையின் ஒரு பகுதியாக, இந்த போனை வாங்கும் வாடிக்கையாளர்களுக்கு 6 மாத No-Cost EMI வசதி வழங்கப்படுகிறது. மேலும் ஆரம்ப காலத்தில் வாங்குபவர்களுக்கு 4 ஆண்டுகள் பேட்டரி வாரண்டி வழங்கப்படும் என தெரிவிக்கப்பட்டுள்ளது. இந்த விலையில் இந்த போன் Motorola Edge 60 Pro, Vivo T4 Pro 5G, மற்றும் Nothing Phone (3a) Pro போன்ற மாடல்களுக்கு போட்டியாக இருக்கும்.
ரியல்மி நார்சோ பவர் 5ஜி அம்சங்கள்
அம்சங்களைப் பார்க்கும்போது, இந்த ஸ்மார்ட்போன் Android 16 அடிப்படையிலான Realme UI 7.0-இல் இயங்குகிறது. இதில் 6.8-இஞ்ச் AMOLED திரை, 144Hz ரிஃப்ரெஷ் ரேட், மற்றும் HDR10+ ஆதரவு வழங்கப்பட்டுள்ளது. வேகமான செயல்திறனுக்காக 4nm தொழில்நுட்பத்தில் உருவாக்கப்பட்ட MediaTek Dimensity 7400 Ultra புரசசர் பயன்படுத்தப்பட்டுள்ளது. 50MP முதன்மை கேமரா, 8MP இரண்டாவது கேமரா, மற்றும் 16MP முன் கேமரா உள்ளது. 10,001mAh பேட்டரி மற்றும் 80W ஃபாஸ்ட் சார்ஜிங் ஆதரவுடன் இந்த போன் வரும், சுமார் 85 நிமிடங்களில் முழு சார்ஜ் ஆகும்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
